ورتالىق كوميتەتتىڭ قوعامدىق قىزمەت ءبولىمى ەرىكتى قىزمەت وتەۋ سالاسىنداعى 7 ءتۇرلى كورنەكتى ماسەلە تۋرالى تيپتىك مىسال دەلولاردى جاريالادى 

ورتالىق كوميتەتتىڭ قوعامدىق قىزمەت ءبولىمى 12 – ايدىڭ 22 – كۇنى ەرىكتى قىزمەت وتەۋ سالاسىنداعى كورنەكتى ماسەلەلەرگە ساياتىن تيپتىك مىسال دەلولاردى جاريالاپ، ەسكەرتۋدى جانە تاربيە بەرۋدى كۇشەيتىپ، ەرىكتى قىزمەت وتەۋ سالاسىنداعىلاردىڭ ارەكەتىن جۇيەگە ءتۇسىردى. بۇل توپتاعى مىسال دەلولارعا قاتىستى ۇيىمدار مەن جەكەلەر ەرىكتى قىزمەت وتەۋ سالاسىنىڭ قوعامداعىلاردىڭ بارىنشا نازار اۋداراتىن، ىقپالى زور ەرەكشەلىگىنەن پايدالانىپ، ەرىكتى قىزمەت وتەۋ دەگەن جەلەۋمەن كورىلىمگە يە بولىپ، پايداعا كەنەلگەن نەمەسە ەرىكتى قىزمەت وتەۋ ۋاقىتىن (ىسپاتىن) ساتقان، ياكي، ۇكىمەت اتىنان پايدالانىپ، جۇرتشىلىقتى الجاستىرعان، كەيبىرەۋى ءتىپتى زاڭعا قايشى قىلمىستىق ارەكەتتەرمەن شۇعىلدانىپ، ەرىكتى قىزمەت وتەۋدىڭ الەۋمەتتىك بەدەلىنە اۋىر دارەجەدە زيان سالعان.

ەرىكتى قىزمەت وتەۋ — قوعامدىق وركەنيەتتىڭ العا باسقاندىعىنىڭ ماڭىزدى بەلگىسى، ەرىكتىلەردىڭ باسقالارعا قىزمەت وتەپ، قوعامعا ۇلەس قوسۋىنىڭ ماڭىزدى جولى. جۋىرداعى جىلداردان بەرى، ەلىمىزدە ەرىكتى قىزمەت وتەۋ سالاسى قارىشتاپ دامىدى، ەرىكتىلەر قوسىنى بارعان سايىن ۇلعايدى، قىزمەت وتەۋ سالاسى دا ۇزدىكسىز كەڭەيدى، مەملەكەت ستراتەگياسىنا قىزمەت وتەۋ، حالىق تۇرمىسى سالاسىندا قىزمەت وتەۋ، قوعامدىق جونگە سالۋ جاعىندا قىزمەت وتەۋ سياقتى جاقتاردا بەلسەندى رول اتقاردى.

ۇعىسۋعا قاراعاندا، 2025 – جىلى 4 – ايدان بەرى، ورتالىق كوميتەتتىڭ قوعامدىق قىزمەت ءبولىمى قاتارلى تاراۋلار ەرىكتى قىزمەت وتەۋ سالاسىنداعى كورنەكتى ماسەلەلەردى ارناۋلى جونگە سالۋ ارەكەتىن ورىستەتۋ جونىندە ورنالاستىرۋ جاساپ، ەرىكتى قىزمەت وتەۋ سالاسىنداعى ۇيىمدار مەن ەرىكتى قىزمەت وتەۋ قيمىلدارى، ەرىكتى قىزمەت وتەۋ ينفورماتسيالىق جۇيەسى، ينتەرنەت تەكشەلەرى قاتارلىلاردا ساقتالىپ وتىرعان كورنەكتى ماسەلەلەردى شوعىرلى تۇردە تۇزەتىپ، كەزەڭدىك ونىمدىلىككە قول جەتكىزگەن.

سونىمەن بىرگە، ورتالىق كوميتەتتىڭ قوعامدىق قىزمەت ءبولىمى بارشا جۇرتشىلىققا، وتە – موتە، جاستار مەن وسپىرىمدەرگە جانە اتا – انالارعا ساقتىق تانىمىن كۇشەيتىپ، ەرىكتى قىزمەت وتەۋگە ساياتىن ينفورماتسيالاردى رەسمي، سەنىمدى ارنالاردان الۋعا كوڭىل ءبولۋدى، الدانىپ قالۋدان ساقتانۋدى ەسكەرتكەن. بارشا ەرىكتىلەردىڭ، ەرىكتى قىزمەت وتەۋ ۇيىمدارىنىڭ، سونداي – اق، قوعامداعى ءار سالاداعىلاردىڭ جۇڭگو ەرىكتى قىزمەت وتەۋدى سايكەستىرۋ تەكشەسىنىڭ ينتەرنەتتەگى اشكەرەلەۋ ارناۋلى پاراقشاسى (https://www.cvf.org.cn/xtpt/#/situationFeedback) ارقىلى نەمەسە جەرگىلىكتى ورىنداعى اشكەرەلەۋ تاسىلدەرى ارقىلى ماسەلەلەردىڭ دەرەگىن شىنايى اڭىس ەتۋىن قارسى الامىز. (ءتىلشى فىڭ جياشۇن)

كەلۋ قاينارى: حالىق تورابى