مەملەكەت ۇيىمداستىرعان جاڭا توپتاعى قىمبات باعالى ەمدەۋ ماتەريالدارىن شوعىرلى ساتىپ الۋ باستالدى

شينحۋا اگەنتتىگىنىڭ ءتىلشىسى پىڭ يۇنجيا 12 – ايدىڭ 22 – كۇنى بەيجيڭنەن حابارلايدى. مەملەكەت ۇيىمداستىرعان قىمبات باعالى ەمدەۋ ماتەريالدارىن بىرلەسىپ ساتىپ الۋعا قاتىستى ەڭ جاڭا اقپاراتقا قاراعاندا، مەملەكەت ۇيىمداستىرعان جاڭا توپتاعى قىمبات باعالى ەمدەۋ ماتەريالدارىن شوعىرلى ساتىپ الۋ رەسمي باستالعان، ءدارى جاعىلعان شارشا قالتا تۇرىندەگى، نەسەپ شىعارۋعا كومەكتەسۋ تۇرىندەگى ەمدەۋ ماتەريالدارى شوعىرلى تۇردە ساتىپ الىنادى، 2026 – جىلى 1 – ايدىڭ 13 – كۇنى مەردىگەرلىككە شاقىرۋ ناتيجەسى جاريالانادى.

مۇنىڭ ىشىندە، ءدارى جاعىلعان شارشا قالتا تۇرىندەگى ماتەريالدار، باستىسى، ءتاج ارتەريا دارىلەرى جاعىلعان شارشا قالتا، ارتەريا جىلانكوزىن ءسۇزىپ جول اشۋعا پايدالانىلاتىن شەتكى قان تامىر دارىلەرى جاعىلعان شارشا قالتا، تىزەدەن جوعارى جانە تىزەدەن تومەن دەنە مۇشەلەرىنە قولدانىلاتىن شەتكى قان تامىر دارىلەرى جاعىلعان شارشا قالتا؛ نەسەپ شىعارۋعا كومەكتەسۋ تۇرىندەگى ەمدەۋ ماتەريالدارى، باستىسى، نەسەپ جولىنا سالىناتىن وتكىزگىش تۇتىكشە، نەسەپ جولىنا سالىناتىن قىن، نەسەپ جولىنا سالىناتىن شارشا قالتالى كەڭەيتكىش وتكىزگىش تۇتىكشە، نەسەپ جولىنان تاس الۋ تورلاما شارباعى، ءبىر رەتتىك نەسەپ جولى كومەسكى كوزىلدىرىك تۇتىكشەسى، بۇيرەك جىلانكوزىن ەمدەۋدە قولدانىلاتىن تۇتاس بولشەكتەر.

وسى رەتكى شوعىرلى ساتىپ الۋ پەريودى بىرلەستىكتەگى ءارقايسى وڭىرلەردىڭ تاڭداۋ ناتيجەسىن ءىس جۇزىندە اتقارعان كۇنىنەن باستاپ، 2028 – جىلى 12 – ايدىڭ 31 – كۇنىنە دەيىن بولادى، ساتىپ الۋ پەريودى ىشىندە ەمدەۋ قۇرىلىمدارى سول جىلعى كەلىسىمشارتتاعى ساتىپ الۋعا ءتيىستى مولشەردى ورىنداعان سوڭ، كەلىسىمشارتتاعى ساتىپ الۋ مولشەرىنەن اسىپ كەتكەن بولىگىن، تاڭدالعان كاسىپورىندار تاعى دا تاڭداۋ ناتيجەسى بويىنشا قامدايدى، ساتىپ الۋ پەريودى اياقتاعانعا دەيىن جالعاستىرادى.

كەلۋ قاينارى: حالىق تورابى