اۋىل شارۋاشىلىعى جانە اۋىل - قىستاق مينيسترلىگى اۋىل شارۋاشىلىق دارىلەرىن باسقارۋدى ارناعا ءتۇسىرۋدى اناعۇرلىم قاتاڭداستىردى 

شينحۋا اگەنتتىگىنىڭ 12 - ايدىڭ 23 – كۇنى بەيجيڭنەن بەرگەن حابارى. ءتىلشىنىڭ 12 - ايدىڭ 23 - كۇنى اۋىل شارۋاشىلىعى جانە اۋىل - قىستاق مينيسترلىگىنەن ۇعىسۋىنشا، اۋىل شارۋاشىلىعى جانە اۋىل - قىستاق مينيسترلىگى تاياۋدا «اۋىل شارۋاشىلىق دارىلەرىن باسقارۋ قىزمەتىن اناعۇرلىم ارناعا ءتۇسىرۋ جونىندەگى ۇقتىرۋدى» باسىپ تاراتىپ، وزگەرىس ەنگىزىلگەننەن كەيىنگى اۋىل شارۋاشىلىق دارىلەرىن باسقارۋ ەرەجەسىندەگى جاڭا بەلگىلەمەلەردى تياناقتاندىرۋدى ارقاۋ ەتىپ، اۋىل شارۋاشىلىق دارىلەرىن تىزىمدەۋ، ءوندىرۋ - تيجارات ەتۋ، سىناقتى تىزىمگە الدىرۋ، بەلگى سالىپ، ەسكەرتۋ شاپتاۋ قاتارلى قاتىستى مازمۇندارعا ناقتى تالاپتار قويىلدى.

ناقتىراق ايتقاندا، اۋىل شارۋاشىلىق ءدارىسىن تىزىمدەۋدى ولشەمدەندىرۋ، ۋاكىلدىك ەتۋشىگە امانات ەتۋدە سول ورىننىڭ تىزىمگە الدىرعان ينفورماتسيا قىزمەتكەرىن بەلگىلەپ، تىزىمگە الۋ كۋالىگىن اۋىستىرىپ بەرۋ تەك تىزىمگە الۋ كۋالىگى بار ادامنىڭ اتىن وزگەرتۋمەن جانە كاسىپورىنداردى بىرىكتىرۋمەن، ءبولىپ قۇرۋمەن عانا شەكتەلەدى؛ اۋىل شارۋاشىلىق دارىلەرىن تىزىمدەۋ ماتەريالدارىنا ۇقىق بەرۋدى ارناعا ءتۇسىرىپ، اۋىل شارۋاشىلىق دارىلەرىن تىزىمدەۋ ماتەريالدارىنا ۇقىق بەرۋ تۇڭعىش رەت تىزىمگە الىنعان، جاڭا قوسىلىستاردى قامتىعان تىزىمگە الدىرۋشىلارمەن عانا شەكتەلەدى؛ اۋىل شارۋاشىلىق دارىلەرىن مانەرلەۋدى مىندەتتەۋدى ارناعا ءتۇسىرىپ، اۋىل شارۋاشىلىق دارىلەرىن مانەرلەۋدى مىندەتتەۋدە توقتام جاساسىپ، تەحنيكالىق ماتەريالداردى بەرۋ كەرەكتىگىن ايقىندادى، مىندەتىنە الۋشىنىڭ تاۋار ماركاسىن جازۋعا بولمايدى؛ ينتەرنەت ارقىلى اۋىل شارۋاشىلىق دارىلەرىن تيجارات ەتۋدى ارناعا ءتۇسىرىپ، ينتەرنەت ارقىلى اۋىل شارۋاشىلىق دارىلەرىن تيجارات ەتۋدە كۋالىك بەرگەن ورگانعا ەستەلىككە الدىرىپ، تيجاراتشىلار مەن ونىمدەرگە قاتىستى ينفورماتسيالاردى كورسەتۋ كەرەك؛ اۋىل شارۋاشىلىق دارىلەرىن تىزىمدەۋ، سىناق ەتۋ ارەكەتىن ارناعا ءتۇسىرىپ، اۋىل شارۋاشىلىق دارىلەرىن تىزىمدەۋ، سىناق ەتۋ ورىندارىنىڭ بەلگىلەمەگە قايشىلىق جاساعان ناقتى جاعدايىن ايقىنداپ، سىناق جاساۋ، جالعاندىق ىستەۋگە قاتاڭ سوققى بەرۋ كەرەك؛ اۋىل شارۋاشىلىق دارىلەرىنىڭ بەلگىسىن، تاۋار ماركاسىن ەسكەرتۋ تالابىن ارناعا ءتۇسىرىپ، اۋىل شارۋاشىلىق دارىلەرى ونىمدەرى ماركاسىندا قولدانىلاتىن تاۋار ماركاسىن تولتىرۋدىڭ ناقتى تالابىن ايقىنداپ، اۋىل شارۋاشىلىق دارىلەرىن پايدالانۋشىلار مەن نەگىزگى ساتى باقىلاۋ - باسقارۋ تاراۋلارىنىڭ سۇراستىرۋىنا قولايلىلىق جاراتۋ كەرەك.

كەلۋ قاينارى: حالىق تورابى