مىندەت پەن بورىشتى جەتە تانىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت ەتىپ، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم زور ۇلەس قوسۋ كەرەك

شينحۋا اگەنتتىگى، 12 - ايدىڭ 23 - كۇنى، بەيجيڭ. جۇڭگو كوممۋنيستىك پارتياسى پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ورتالىق كاسىپورىندارىنىڭ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى ورتالىق كاسىپورىندارى پارتيا ورتالىق كوميتەتىنىڭ شەشىم، ورنالاستىرۋلارىن مۇقيات دايەكتىلەندىرىپ، مەملەكەتتىڭ ستراتەگياسىنا بەلسەنە قىزمەت وتەپ، حالىق شارۋاشىلىعىندا تىرەك جانە تىرەۋ رول اتقاردى.

شي جينپيڭ بىلاي دەپ باسا دارىپتەدى: جاڭا جورىقتا ورتالىق كاسىپورىندارى ارقالاعان مىندەت پەن بورىشتى جەتە تانىپ، پارتيا مەن مەملەكەت قىزمەتىنىڭ جالپى جاعدايىنا، ەكونوميكانىڭ، قوعامنىڭ جوعارى ساپالى دامۋىنا، حالىق تۇرمىسىن قامتاماسىز ەتۋگە جانە جاقسارتۋعا اناعۇرلىم ويداعىداي قىزمەت ەتىپ، قوعامدىق جاۋاپكەرشىلىكتى باتىلدىقپەن ارقالاپ، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم زور كۇش قوسۋى كەرەك. نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، مەملەكەت مەنشىگىندەگى شارۋاشىلىقتىڭ ورنالاسۋىن ۇزدىكسىز ساپالىلاندىرىپ، وزەكتى فۋنكتسيانى شىنايى كۇشەيتىپ، وزەكتى باسەكەلىك قۋاتتى جوعارىلاتۋ كەرەك. ناقتى ەكونوميكانى تياناق ەتىپ، شەشۋشى، وزەكتى تەحنيكالاردان قامال الۋدى كۇشەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ كەرەك. رەفورمانى ونان ارى تەرەڭدەتىپ، جۇڭگوشا وسىزامانعى كاسىپورىن ءتۇزىمىن كەمەلدەندىرىپ، سەرىكتەستىكتى جونگە سالۋ قۇرىلىمىن اقاۋسىزداندىرىپ، كاسىپورىنداردىڭ دامۋىنا تۇساۋ بولاتىن تەرەڭ قاتپارلى ماسەلەلەردى كۇش سالا شەشىپ، دۇنيە جۇزىندەگى ماڭداي الدى كاسىپورىنداردى قۇلشىنا قۇرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، حاۋىپ - قاتەردەن ءونىمدى ساقتانىپ جانە ونى شەشىپ، كاسىپورىنداردىڭ حاۋىپسىز دامۋ نەگىزىن ۇزدىكسىز بەكەمدەۋ كەرەك.

شي جينپيڭ بىلاي دەپ باسا دارىپتەدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، كاسىپورىنداردىڭ باسشىلىق القاسى قۇرىلىسىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرشىلىگىن ناقتىلاندىرىپ، پارتيا باسشىلىعىنىڭ سەرىكتەستىكتى جونگە سالۋدىڭ ءارقايسى بۋىنىمەن توعىسۋىن ىلگەرىلەتىپ، پارتيا قۇرىلىسى قىزمەتى مەن ءوندىرىس - تيجاراتتىڭ ىشكەرىلەي توعىسۋىن جەبەۋ كەرەك. ءتۇزىمدى كەمەلدەندىرىپ، باقىلاۋدى كۇشەيتىپ، شىرىكتەسۋدى باتىل جازالاپ، ”ءتورت ءتۇرلى بۇرىس ستيلدى“ تاباندىلىقپەن تۇزەتىپ، ستيلى پاك، سالتى دۇرىس ساياسي ەكولوگيانى كۇش سالا قالىپتاستىرۋ كەرەك.

ورتالىق كاسىپورىندارى جاۋاپتىلارىنىڭ ءماجىلىسى 12 - ايدىڭ 22 - كۇنىنەن 23 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ءارى ءسوز سويلەدى.

لي چياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى ورتالىق كاسىپورىندارىنا ايقىن تالاپ قويىپ جانە شىنايى ءۇمىت ارتىپ، اسا كۇشتى ستراتەگيالىق جانە جەتەكشىلىك سيپاتقا يە بولىپ، ورتالىق كاسىپورىندارى قىزمەتىن ويداعىداي ىستەۋگە اناعۇرلىم ايقىن باعدار كورسەتتى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك.

لي چياڭ بىلاي دەپ اتاپ كورسەتتى: ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەپ، جاپپاي كۇش سالاتىن شەشۋشى مەزگىل، ورتالىق كاسىپورىندارى يدەيا مەن ارەكەتتى پارتيا ورتالىق كوميتەتىنىڭ جاعداي جونىندەگى عىلمي تۇجىرىمىمەن جانە شەشىمدەرىمەن، ورنالاستىرۋلارىمەن بىرلىككە كەلتىرىپ، ورنىن ونان ارى ايقىنداپ، ورنىن ءدال تاۋىپ، قىزمەت جاۋاپكەرشىلىگى مەن بورىشىن شىنايى ارقالاۋى كەرەك. كەلەلى نەگىزدىك قۇرىلعىلار قۇرىلىسىن ىلگەرىلەتۋ بارىسىندا پارمەندى قامتاماسىز ەتىپ، ءداستۇرلى نەگىزدىك قۇرىلعىلاردى جاڭالاۋ مەن سيفرلاندىرىپ جاڭالاۋدى جەدەلدەتىپ، جاڭاشا نەگىزدىك قۇرىلعىلار قۇرىلىسىن لايىقتى تۇردە الدىن الا ورىستەتۋ كەرەك. كاسىپ سالاسى تىزبەگى مەن قامداۋ تىزبەگىنىڭ دەربەس، مەڭگەرىمدى بولۋىن جۇزەگە اسىرۋ بارىسىندا اتويشىل نەگىزگى كۇش بولىپ، نەگىزگى جاۋاپكەرشىلىكپەن، نەگىزگى كاسىپپەن ۇشتاستىرىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن دامىتىپ، ەنەرگيامەن، بايلىقپەن قامداۋدى قامتاماسىز ەتىپ، كاسىپ سالاسى تىزبەگىنىڭ سەرپىمدىلىگىن كۇشەيتۋ كەرەك. جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتۋ بارىسىندا نەگىزدىك تىرەكتەردى كۇشەيتىپ، قولدانىلمالى نەگىزدىك زەرتتەۋدى كۇشەيتىپ، شەشۋشى، جالپىلىق تەحنيكالارمەن قامداۋ ساپاسىن جوعارىلاتۋ كەرەك. مەملەكەتتىڭ كەلەلى ستراتەگيالارىنا قىزمەت وتەۋ بارىسىندا بەلسەندى، ىرىقتى تۇردە ءىس تىندىرىپ، دامۋدىڭ جالپى جاعدايىنا اناعۇرلىم زور ۇلەس قوسۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ونان ارى تەرەڭدەتىپ، مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرۋ، وسى زامانعى كاسىپورىن ءتۇزىمىن كەمەلدەندىرۋ، مەملەكەت مەنشىگىندەگى مال - مۇلىكتى باقىلاۋ - باسقارۋ ونىمدىلىگىن جوعارىلاتۋ سياقتى جاقتاردا الدىڭعى لەكتە ءجۇرۋ كەرەك. پارتيانىڭ باسشىلىعىن رەفورمانىڭ، دامۋدىڭ ءار جاعىنا، جالپى بارىسىنا ءسىڭىرىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

لي چياڭ بىلاي دەپ باسا دارىپتەدى: ورتالىق كاسىپورىندارىنىڭ جاۋاپتىلارى اناعۇرلىم قايراتتانا العا ۇمتىلاتىن رۋحاني كۇيمەن مىندەت اتقارىپ، جاۋاپكەرشىلىكتى ادا ەتىپ، جالپى جاعداي كوزقاراسىن كۇشەيتىپ، باستى قايشىلىقتى شەبەرلىكپەن يگەرىپ، رەفورما جاساۋعا، جاڭالىق اشۋعا باتىل بولىپ، كۇردەلى جاعدايدى مەڭگەرۋ، كورنەكتى ماسەلەلەردى شەشۋ قابىلەتىن جوعارىلاتىپ، كاسىپورىنداردى رەفورمانىڭ، دامۋدىڭ جاڭا جاعدايىن ۇزدىكسىز اشۋعا باستاۋى كەرەك.

جاڭ گوچيڭ ءماجىلىستى باسقاردى. ۋ جىڭلۇڭ ماجىلىسكە قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، ورتالىق كاسىپورىندارىنداعى، ورتالىق باسقارۋىنداعى فينانس كاسىپورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى