«اكىمشىلىك زاڭ اتقارۋدى باقىلاۋ ەرەجەسىن» جاريالادى

شينحۋا اگەنتتىگى، 12 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ تاياۋدا مەملەكەتتىك كەڭەستىڭ بۇيرىعىنا قول قويىپ، «اكىمشىلىك زاڭ اتقارۋدى باقىلاۋ ەرەجەسىن» (تومەندە قىسقاشا «ەرەجە» دەلىنەدى) جاريالادى، 2026 - جىلى 2 - ايدىڭ 1 - كۇنىنەن باستاپ اتقارىلادى.

«ەرەجەدە» اكىمشىلىك زاڭ اتقارۋدى باقىلاۋ قىزمەتىن كۇشەيتىپ جانە ارناعا ءتۇسىرىپ، زاڭدى قاتاڭ، جۇيەلى، ءادىل، وركەنيەتتى اتقارۋدى جەبەپ، اكىمشىلىكتى زاڭ بويىنشا جۇرگىزۋ ورەسىن جوعارىلاتىپ، زاڭمەن جونگە سالىناتىن ۇكىمەت قۇرىلىسىن كۇشەيتۋ ماقسات ەتىلگەن. «ەرەجە» جالپى 7 تاراۋ، 44 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن:

ءبىرىنشى، جالپى تۇلعالىق تالاپتى ايقىنداۋ كەرەك. اكىمشىلىك زاڭ اتقارۋدى باقىلاۋ − اكىمشىلىك زاڭ اتقارۋ قىزمەتىن ءبىر تۇتاس جوسپارلاۋدىڭ نەگىزگى ءتاسىلى، پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولەگى. اكىمشىلىك زاڭ اتقارۋدى باقىلاۋ قىزمەتىندە ارناعا ءتۇسىرۋ مەن جەتەكشىلىك ەتۋگە تەڭ ءمان بەرۋ، ساقتانۋ مەن قاتەلىكتى تۇزەتۋگە تەڭ ءمان بەرۋ، باقىلاۋ مەن قامتاماسىزداندىرۋعا تەڭ ءمان بەرۋ پرينسيپىنە بويسۇنىپ، اكىمشىلىك زاڭ اتقارۋ ماسەلەسىن تۇزەتۋگە قۋزاپ، اكىمشىلىك زاڭ اتقارۋدىڭ ساپاسىن، ونىمدىلىگىن جوعارىلاتۋ باسا دارىپتەلدى.

ەكىنشى، باقىلاۋ كولەمىن ايقىنداۋ كەرەك. اكىمشىلىك زاڭ اتقارۋ ورگاندارىنىڭ پارتيا ورتالىق كوميتەتىنىڭ، مەملەكەتتىك كەڭەستىڭ اكىمشىلىك زاڭ اتقارۋ قىزمەتى جونىندەگى كەلەلى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، اكىمشىلىك زاڭ اتقارۋدىڭ ءتۇرلى تۇزىمدەرىن تياناقتاندىرۋ، اكىمشىلىك زاڭ اتقارۋدى زاڭ بويىنشا ورىستەتۋ سياقتىلارعا باقىلاۋ جۇرگىزۋ بەلگىلەندى. اكىمشىلىك زاڭ اتقارۋ سۋبيەكتىلەرى مەن قىزمەتكەرلەردىڭ تولىمدىلىعىن باسقارۋدى كۇشەيتۋ كەرەك. بەلگىلەمەگە قايشىلىق جاساپ باسقا جەردە زاڭ اتقارۋ، پايدا تابۋ سيپاتتى زاڭ اتقارۋ، سونداي - اق بەتالدى اقى الۋ، بەتالدى ايىپ سالۋ، بەتالدى تەكسەرۋ، بەتالدى پەشەتتەۋ سياقتى ارەكەتتەردى باقىلاۋدى كۇشەيتۋ كەرەك.

ءۇشىنشى، باقىلاۋ ءتاسىلىن كەمەلدەندىرۋ كەرەك. كۇندەلىكتى باقىلاۋ، ءتۇيىندى باقىلاۋ، ارناۋلى باقىلاۋ سياقتى تاسىلدەردەن جان - جاقتى پايدالانىپ باقىلاۋ جۇرگىزۋ بەلگىلەندى. ماڭدايشالىق اسىپ قۋزاۋ، دارەجەسىن جوعارىلاتىپ باقىلاۋ سياقتى تاسىلدەردى قولدانىپ، كاسىپورىندار مەن بۇقارانىڭ اڭىسى كۇشتى، كەلەلى قوعامدىق ىقپال تۋدىراتىن تيپتىك، ۋاكىلدىك سيپاتتى اكىمشىلىك زاڭ اتقارۋداعى كورنەكتى ماسەلەلەرگە ءتۇيىندى باقىلاۋ جۇرگىزۋ كەرەكتىگى ايقىندالدى. ولكە دارەجەلىدەن جوعارى حالىق ۇكىمەتتەرىنىڭ اكىمشىلىك زاڭ اتقارۋدى باقىلاۋ قۇرىلىمدارىنىڭ ەكونوميكالىق، قوعامدىق دامۋدىڭ جالپى جاعدايىنا جانە حالىق بۇقاراسىنىڭ ءتول مۇددەسىنە ساياتىن ەرەكشە سالالارعا، ەرەكشە ماسەلەلەرگە ارناۋلى باقىلاۋ جۇرگىزۋى بەلگىلەندى.

ءتورتىنشى، باقىلاۋدى، ءبىر جاقتى ەتۋدى ارناعا ءتۇسىرۋ كەرەك. باقىلاۋ بارىسىندا بايقالعان ماسەلەلەرگە تۇرلىشە جاعدايعا قاراي اكىمشىلىك زاڭ اتقارۋدى باقىلاۋ - قۋزاۋ حاتىن جىبەرۋ، پىكىرناما نەمەسە ۇيعارىمناما شىعارۋ سياقتى تاسىلدەردى قولدانىپ تۇزەتۋگە قۋزاۋ بەلگىلەندى. باقىلاۋ - تەكسەرۋمەن تۇتاسۋدى، سايكەسۋدى كۇشەيتىپ، ۇكىمەتتىڭ باقىلاۋ - تەكسەرۋى، اكىمشىلىك قايتا قاراۋ سياقتىلارمەن بايلانىس جاساۋ جانە ينفورماتسيادان بىرگە يگىلىكتەنۋ مەحانيزمىن ورناتۋ جانە كەمەلدەندىرۋ ايقىن بەلگىلەندى. اكىمشىلىك زاڭ اتقارۋدى باقىلاۋ ناتيجەسىن زاڭمەن باسقارىلاتىن ۇكىمەت قۇرىلىسىنىڭ ونىمدىلىگىن باعالاۋدىڭ ماڭىزدى مازمۇنى ەتۋ ايقىن بەلگىلەندى.

بەسىنشى، قامتاماسىزداندىرۋ شارالارىن اقاۋسىزداندىرۋ كەرەك. اكىمشىلىك زاڭ اتقارۋدى باقىلاۋ قوسىنى قۇرىلىسىن كۇشەيتۋ ايقىن بەلگىلەندى. مەملەكەتتىك كەڭەستىڭ اكىمشىلىك زاڭ اتقارۋدى باقىلاۋ قۇرىلىمى اكىمشىلىك زاڭ اتقارۋدى ارناعا ءتۇسىرۋ قۇرىلىسىن كۇشەيتۋگە قۋزاپ، بۇكىل ەل بويىنشا اكىمشىلىك زاڭ اتقارۋدى باقىلاۋ ينفورماتسياسىن ءبىر تۇلعالاندىرۋ دەڭگەيىن جوعارىلاتۋ كەرەكتىگى بەلگىلەندى.