پارتيا ورتالىق كوميتەتىنىڭ جاعدايعا جاساعان تالداۋ، تۇجىرىمىن جانە شەشىم - ورنالاستىرۋلارىن ىشكەرىلەي ۇيرەنىپ، ءتۇسىنىپ، زاڭدا بەلگىلەنگەن قىزمەت جاۋاپكەرشىلىگىن ادالدىقپەن اتقارۋ كەرەك

«حالىق گازەتى»، 12 - ايدىڭ 23 - كۇنى، بەيجيڭ (ءتىلشى پىڭ بو). جۇڭگو كوممۋنيستىك پارتياسى پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 12 - ايدىڭ 23 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمە وتكىزىپ، پىكىر اۋىستىردى. ول بىلاي دەپ باسا دارىپتەدى: حالىق قۇرىلتايى ۋاكىلدەرى پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ جاعدايعا جاساعان تالداۋ، تۇجىرىمىن جانە شەشىم - ورنالاستىرۋلارىن ءداپ باسىپ ءتۇسىنىپ، جەتە ءتۇسىنىپ، زاڭدا بەلگىلەنگەن مىندەتىن ادالدىقپەن اتقارىپ، دەموكراتيالىق ۇقىقتى دۇرىس جۇرگىزۋى كەرەك.

اڭگىمە ماجىلىسىندە ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ قىزمەتى مەن تۇراقتى كوميتەتتىڭ قىزمەت بايانداماسىنىڭ نۇسقاسىن جازۋ توڭىرەگىندە ۇسىنىس - پىكىر بەردى. جاۋ لىجي مۇقيات تىڭداپ، ۋاكىلدەرمەن ىشكەرىلەي پىكىر اۋىستىردى. ول بىلاي دەدى: 2025 - جىل _ توتەنشە وزگەشە ءبىر جىل. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، قۇلشىنا كۇرەس جۇرگىزىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتتى، ”14 - بەسجىلدىق“ ءساتتى اياقتالۋ الدىندا تۇر. ءبىر جىلدان بەرى پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، زاڭ جۇيەسىن اناعۇرلىم كەمەلدەندىرىپ، باقىلاۋ قىزمەتىنىڭ باعىتتامالىلىعىن، ناقتى ونىمدىلىگىن كۇشەيتىپ، جاڭادان وزگەرىس ەنگىزىلگەن ۋاكىلدەر زاڭىن دايەكتى اتقارۋدى تۇتقا ەتىپ، ۋاكىلدەر قىزمەتىن تەرەڭدەتىپ، كەڭەيتىپ، حالىق قۇرىلتايىنىڭ سىرتپەن بارىس - كەلىس جاساۋ رولىن ساۋلەلەندىرىپ، ”ءتورت ورگان“ قۇرىلىسىن تىڭعىلىقتى ىلگەرىلەتتى.

جاۋ لىجي بىلاي دەپ اتاپ كورسەتتى: تۇراقتى كوميتەت قىزمەتىندە قول جەتكەن تابىستاردى مەملەكەتتىك حالىق قۇرىلتايى ۋاكىلدەرىنىڭ قولداۋىنان، ات سالىسۋىنان، قاجىرلى ەڭبەگىنەن بولە قاراۋعا بولمايدى. ءبىر جىلدان بەرى 270 نەشە ۋاكىل (ادام - رەت) تۇراقتى كوميتەتتىڭ ماجىلىسىنە سىرتتاي قاتىناستى، 900 نەشە ۋاكىل (ادام - رەت) زاڭ شىعارۋ، زاڭنىڭ اتقارىلۋىن تەكسەرۋ، قازىنا - ەكونوميكا قىزمەتىن باقىلاۋ، سىرتپەن بارىس - كەلىس جاساۋ سياقتى قيمىلدارعا قاتىناستى، 1000 نان استام ۋاكىل (ادام - رەت) قاتىستى تەكسەرۋ - زەرتتەۋلەردى ورىستەتتى، ۋاكىلدەردىڭ تۇراقتى كوميتەتتىڭ قىزمەتىنە قاتىناسۋ كولەمى مەن تەرەڭدىگى ونان ارى كەڭەيدى. ۋاكىلدەر حالىقتان شىعۋ، حالىققا تامىر تارتۋ ەرەكشەلىگى مەن ابزالدىعىن ساۋلەلەندىرىپ، بۇقارامەن تىعىز بايلانىس جاساپ، تەكسەرۋ - زەرتتەۋدى ىشكەرىلەي ورىستەتىپ، ءار جاقتىڭ ۇسىنىس - پىكىرلەرىن تىڭداپ جانە اڭىس ەتىپ، حالىق قۇرىلتايى قىزمەتىنىڭ جوعارى ساپالى دامۋىنا ۇلەس قوستى.

جاۋ لىجي مىنالاردى باسا دارىپتەدى: وسى رەتكى تۇراقتى كوميتەت ءماجىلىسى 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسىن اشۋ جونىندەگى قاۋلىنى قارادى. كەلەر جىلعى ءماجىلىستى ويداعىداي اشۋ بۇكىل ەلدەگى ءار ۇلت حالقىن زەيىن - زەردەنى، كۇش - قۋاتتى شوعىرلاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، تۇتاس جىلداعى قىزمەتتەردى تىڭعىلىقتى ىستەپ، ”15 - بەسجىلدىقتى“ جاقسى باستاپ، جاقسى قادام تاستاۋعا كەپىلدىك ەتۋدە ماڭىزدى مانگە يە. ۋاكىلدەر دايىندىقتى مۇقيات جاقسى ىستەپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، ماجىلىستە بەلگىلەنگەن مىندەتتەردى ويداعىداي ورىنداۋى كەرەك. شوعىرلى كوزدەن كەشىرۋگە ورنالاستىرۋ بويىنشا ىشكەرىلەي تەكسەرۋ - زەرتتەۋ جۇرگىزىپ، وي جۇگىرتىپ، ءماجىلىستىڭ قاراۋىنا ۇسىنىلاتىن زاڭ جوبالارىن مۇقيات زەرتتەپ وقىپ، تالقىلاپ، حالىق تىلەگىن، حالىقتىڭ اقىل - پاراساتىن سوزدەردى، كەڭەستىك جوبالاردى، ۇسىنىستاردى قاراۋ بارىسىندا ايگىلەۋ كەرەك. ۇلكەن جاعداي مەن جالپى جاعدايدى تياناق ەتىپ، جەرگىلىكتى ورىنداردىڭ، كاسىپتەردىڭ، نەگىزگى ساتىنىڭ دامۋ قۇرىلىسىنىڭ ءىس جۇزىندىك جاعدايىمەن ۇشتاستىرىپ، ءماجىلىستىڭ قاراۋىنا جانە داۋىسقا سالۋىنا قاتاڭ جاۋاپتى بولۋ پوزيتسياسىمەن قاتىناسىپ، ءماجىلىس ستيلىنە، ءماجىلىس تارتىبىنە قاتاڭ بويسۇنىپ، شىن سويلەپ، ناقتى جاعدايدى ايتىپ، ناقتى ءادىس - امال كورسەتىپ، كوپتىڭ اقىل - پاراساتىن شوعىرلاندىرىپ، ورتاق تانىم ۇيىستىرۋ كەرەك.

جۇڭگو كوممۋنيستىك پارتياسى پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.