12306 تەكشەسى قاتە ساتىپ العان بەلەتتى شەكتى مەرزىم ىشىندە قايتارۋعا بولاتىن فۋنكتسيانى ىسكە قوستى

جۇڭگو جۇمىسشىلار گازەتىنىڭ ءتىلشىسى ليۋ جيڭ 1 – ايدىڭ 18 – كۇنى بەيجيڭنەن حابارلايدى. ءتىلشىنىڭ جۇڭگو مەملەكەتتىك تەمىر جول توبى شەكتى سەرىكتەستىگىنەن (تومەندە تەمىر جول توبى دەپ اتالادى) ۇعىسۋىنشا، 1 – ايدىڭ 19 – كۇنىنەن باستاپ، تەمىر جول 12306 تەكشەسى (توراپ، APP قاتارلىلاردى قامتيدى) جولاۋشىلاردىڭ قاتە ساتىپ العان بەلەتتى شەكتى مەرزىم ىشىندە قايتارۋىنا مۇمكىندىك جاسايتىن قىزمەت وتەۋ ءتۇرىن ىسكە قوسادى، جولاۋشىلار تەمىر جول 12306 تەكشەسى ارقىلى 2 – ايدىڭ 2 – كۇنى نەمەسە ونان كەيىن جولعا شىعاتىن پويەزدەردىڭ بەلەتىن ساتىپ العان كەزدە، ەگەر پويەز بەلەتىن قاتە ساتىپ العان بولسا، بەلەت اقىسىن تولەپ بولعاننان كەيىن 30 مينۋت ىشىندە ءارى پويەز جولعا شىعاردان 4 ساعاتتان استام ۋاقىت بۇرىن ينتەرنەت ارقىلى بەلەت قايتارۋدى ءوزى اتقارا الادى، بەلەت قايتارۋعا اقى الىنبايدى، بۇل شارا جولاۋشىلاردىڭ بەلەت ساتىپ الۋعا بولعان اسەرىن جاقسارتادى.

كەلۋ قاينارى: حالىق تورابى