2025 – جىلى ءتارتىپ تەكسەرۋ جانە باقىلاۋ تاراۋلارىنداعى كادرلارعا باقىلاۋ – تەكسەرۋ، تەكتەۋ – تەكسەرۋ جۇرگىزۋ جاعدايى جاريالاندى

جۇڭگو اقپارات تورابىنىڭ 1 – ايدىڭ 22 – كۇنى بەرگەن حابارى. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ كوميتەتىنىڭ تورابى جاريالاعان حابارعا قاراعاندا، 2025 – جىلى ەلىمىز بويىنشا ءتارتىپ تەكسەرۋ جانە باقىلاۋ ورگاندارى ءتارتىپ تەكسەرۋ – باقىلاۋ تاراۋلارىنداعى كادرلارعا قاتىستى ماسەلەلەردىڭ دەرەكتەرى مەن اڭىستاردان 40 مىڭ 200 دەن استامىن (رەت) تاپسىرىن الىپ، ءتارتىپ تەكسەرۋ – باقىلاۋ تاراۋلارىنداعى كادرلارعا ساياتىن ماسەلەلەردىڭ دەرەكتەرىنەن 35 مىڭنان استامىن ءبىر جاقتى ەتكەن، ءتارتىپ تەكسەرۋ – باقىلاۋ تاراۋلارىنداعى كادرلاردان 10840 اداممەن (رەت) اڭگىمەلەسكەن، حات ارقىلى جاعداي ۇعىسقان، ءتارتىپ تەكسەرۋ – باقىلاۋ تاراۋلارىنداعى كادرلاردان 4119 ادامنىڭ ۇستىنەن دەلو تۇرعىزىپ، 3763 ادامدى جازالاعان، 234 ادامدى ءادىليا تاراۋلارىنا جوتكەپ بەرگەن. مۇنىڭ ىشىندە، ولكە – مينيسترلىك دارەجەلى كادرلاردان 4 ادامدى، مەڭگەرمە – مەكەمە دارەجەلى كادرلاردان 116 ادامدى، اۋدان – باسقارما دارەجەلى كادرلاردان 746 ادامدى جازالاعان.

ەلىمىز بويىنشا ءتارتىپ تەكسەرۋ – باقىلاۋ ورگاندارى ”ءتورت ءتۇرلى فورمادان“ پايدالانىپ سىن ايتقان، تاربيە بەرگەن جانە ءبىر جاقتى ەتكەن ءتارتىپ تەكسەرۋ – باقىلاۋ تاراۋلارىنداعى كادرلار سانى 13 مىڭ 900 ادامنان (رەت) اسقان. مۇنىڭ ىشىندە، ءبىرىنشى فورمادان پايدالانىپ سىن ايتقان، تاربيە بەرگەن جانە ءبىر جاقتى ەتكەن ادام سانى 9937 ادام (رەت)، ەكىنشى فورمادان پايدالانىپ ءبىر جاقتى ەتكەن ادام سانى 3217 ادام (رەت)، ءۇشىنشى فورمادان پايدالانىپ ءبىر جاقتى ەتكەن ادام سانى 465 ادام (رەت)، ءتورتىنشى فورمادان پايدالانىپ ءبىر جاقتى ەتكەن ادام سانى 282 ادام بولعان.

كەلۋ قاينارى: حالىق تورابى