ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويىپ «اسكەري ىستەر نازارياسى قىزمەت ەرەجەسىن» جاريالادى

شينحۋا اگەنتتىگى، 1 - ايدىڭ 22 - كۇنى، بەيجيڭ. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، «اسكەري ىستەر نازارياسى قىزمەت ەرەجەسىن» جاريالادى، بۇل ەرەجە 2026 - جىلى 3 - ايدىڭ 1 - كۇنىنەن باستاپ اتقارىلادى.

«ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، نازاردى اسكەري ىستەر نازارياسىنىڭ وسىزاماندانۋىن جەدەل ىلگەرىلەتۋگە شوعىرلاندىرىپ، اسكەري ىستەر نازارياسىندا جاڭالىق اشۋدىڭ جوعارى دەڭگەيلى جوباسىن ساپالىلاندىرىپ، اسكەري ىستەر نازارياسىن زەرتتەۋ ۇلگىسىن جاقسارتىپ، اسكەري ىستەر نازارياسىن كادەگە جاراتۋدى، قولدانۋدى كۇشەيتىپ، جۇڭگوشا وسى زامانعى اسكەري ىستەر نازاريالىق جۇيەسىن ورناتتى، جاڭا ءداۋىردىڭ جاڭا جورىعىنداعى اسكەري ىستەر نازارياسى قىزمەتىنىڭ نەگىزگى تالابى مەن تۇزىمدىك ورنالاستىرۋىن عىلمي ارناعا ءتۇسىردى، بۇل − اسكەري ىستەر نازارياسى قىزمەتىن ورىستەتۋدىڭ ماڭىزدى زاڭدىق نەگىزى.

«ەرەجە» جالپى 7 تاراۋ، 52 تارماقتان قۇرالعان، اسكەري ىستەر كوميتەتى جالپى جاقتان باسقاراتىن، سوعىس رايوندارى نەگىزگى سوعىس جۇرگىزەتىن، ارميا تۇرلەرى نەگىزگى قۇرىلىس جۇرگىزەتىن جالپى پرينسيپ بويىنشا، اسكەري ىستەر نازارياسى قىزمەتىن باسقارۋ ءتۇزىلىسىن ارناعا ءتۇسىرىپ، ايقىندادى؛ جاڭا داۋىردەگى ارميانىڭ ستراتەگيالىق جوبا جۇيەسىنە نەگىزدەلىپ، اسكەري ىستەر نازارياسىن دامىتۋ ستراتەگياسىنىڭ، قۇرىلىس جوباسىنىڭ، جىلدىق جوسپاردىڭ باستى مازمۇنى مەن جاساۋ، جاريالاۋ ءتارتىبىن ايقىندادى؛ ءبىر تۇتاس باسقارۋ مەن ەركىنە جىبەرۋدى ۇشتاستىرۋعا، تۇرگە ءبولىپ باسقارۋعا ءمان بەرىپ، اسكەري ىستەر نازارياسى نىساندارىن جوسپارعا الۋ، تاقىرىپ اشۋ، اتقارۋ، دالەلدەۋ، تەكسەرىپ وتكىزىپ الۋ سياقتى باسقارۋ تىزبەگىنىڭ جالپى بارىسىن جۇيەلى ارناعا ءتۇسىردى؛ ارميانى قۇدىرەتتەندىرۋ امالياتىن عىلمي نازاريالىق تىرەكپەن جانە جەتەكشىلىكپەن قامداۋدى كوزدە ۇستاي وتىرىپ، اسكەري ىستەر نازارياسى جەتىستىكتەرىن تىزىمدەۋ، ورتاق يگىلىكتەنۋ، باعالاۋ، تۇراقتاندىرۋ، جالپىلاستىرىپ قولدانۋ، قايىرىلا باعالاۋ سياقتى شارالار مەن تالاپتاردى ايقىندادى. «ەرەجەنىڭ» جاريالانىپ اتقارىلۋى اسكەري ىستەر نازارياسى قىزمەتىنىڭ جوعارى ساپالى دامۋىن ىلگەرىلەتۋدى زاڭمەن جونگە سالۋ جاعىنان قامتاماسىز ەتتى.

كەلۋ قاينارى: حالىق تورابى