قابىلەت دەڭگەيىن جوعارىلاتىپ، ناقتى ىستەۋ قابىلەتىن كۇشەيتەيىك

”15 - بەسجىلدىق مەزگىلىندەگى نىسانا مىندەتتەردى ءساتتى ورىنداۋدا، ءسوز جوق، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن كۇش سالا جوعارىلاتۋ كەرەك“. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا، باس شۋجي شي جينپيڭ جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايى تۇرعىسىنان ءار دارەجەلى كادرلارعا، اسىرەسە، باسشى كادرلارعا ايقىن تالاپ قويىپ، ”ۇيرەنۋدى ونان ارى كۇشەيتۋدى“، ”دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋدى“، ”كۇرەس جاساۋ رۋحىن بارىنشا ساۋلەلەندىرۋدى“، ”شىرىكتەسۋگە قارسى تۇرۋدىڭ تەگەۋرىندى كۇيىن ساقتاۋدى“ باسا دارىپتەدى.

ءار جولى كەلەلى تاريحي كەزەڭدە، پارتيامىز بۇكىل پارتيانى ۇيرەنۋدى كۇشەيتۋگە ۇندەيدى. قابىلەت پەن ورەنى جوعارىلاتۋدا، ەڭ اۋەلى، نازاريامەن قارۋلانۋدى كۇشەيتۋ كەرەك.

”15 - بەسجىلدىق“ كەزىندە ”جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردە كەلەلى تابىستارعا قول جەتكىزۋدى ىلگەرىلەتەيىك“ دەپ قالىڭ پارتيالى كادرلاردىڭ ساپاسى مەن قابىلەتىنە تىڭ دا اناعۇرلىم جوعارى تالاپتار قويدى. قازىر عىلىم تەحنيكادا جاڭالىق اشۋ ۇشقان قۇستاي دامىپ، قوعامدىق وزگەرىس كەڭ كولەمدە ورىستەتىلىپ، جاڭا زاتتار تولاسسىز جارىققا شىقتى. ”كەمەلىنە كەلمەي تۇرىپ، باسقالارمەن ۇزەڭگى سوعىستىرۋعا بولمايدى“. ەگەر ءبىلىم جەتكىلىكسىز بولسا، كوز اياسى كەڭ بولماسا، قابىلەتى ءالسىز بولسا، كۇردەلى جاعدايعا تاپ بولعاندا قايتەرىن بىلمەي، ىشتەي مازاسىزدانسا، ورايدى قالاي يگەرىپ، جاڭا جاعدايدى قايتىپ جاراتۋ كەرەك؟

قابىلەت جەتەرسىزدىگىن، ”قابىلەت ۇرەيىن“ جەڭۋدە ۇيرەنۋ كىرىسۋ ءتۇيىنى سانالادى. پارتيانىڭ جاڭالىق جاراتۋ نازارياسى سۋبيەكتيۆ دۇنيەنى وزگەرتۋدىڭ ” ءنارى“، وبيەكتيۆ دۇنيەنى وزگەرتۋدىڭ ”كىلتى“. قالىڭ پارتيالى كادرلار شي جينپيڭنىڭ جاڭا ءداۋىر جۇڭگو ۇلگىسىندەگى سوتسياليزم يدەياسىنان زاڭدىلىقتى ءتۇسىنىپ، بەتالىستى ايقىنداپ، ءادىس امال ۇيرەنىپ، اقىل پاراساتىن ارتتىرىپ، ەرەكشە ونەردى، پارتيانى گۇلدەندىرۋ ونەرىن، مەملەكەتتى قۇدىرەتتەندىرۋ ونەرىن ۇيرەنۋى كەرەك، پارتيا ورتالىق كوميتەتىنىڭ كەلەلى باعىت ساياساتتارى مەن شەشىمدەرى مەن ورنالاستىرۋلارىن جەتە ءتۇسىنىپ، ساياسي قابىلەت پەن ستراتەگيالىق ويلاۋ قابىلەتىن جوعارىلاتۋ كەرەك. نە ىستەمەك بولسا سونى ۇيرەنۋگە، نە كەم بولسا سونى تولىقتاۋعا تاباندى بولىپ، كاسىپتىك بىلىمدەردى بايىتىپ، كاسىپتىك ساپانى جوعارىلاتۋ كەرەك. ”جازۋلى كىتاپتاردى“ وقۋمەن ”ۇيرەنگەن تاجىريبەلەردى“ ۇشتاستىرىپ، اماليات بارىسىندا وسىزامانداندىرۋ قۇرىلىسىنىڭ قابىلەتىن ۇزدىكسىز كۇشەيتۋ كەرەك.

ساياسي ناتيجە كوزقاراسى ماسەلەسى ءتۇبىرلى ماسەلە، ول جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى. قابىلەت پەن ورەنى جوعارىلاتۋدىڭ تەتىگى دۇرىس ساياسي ناتيجە كوزقاراسىن ورناتۋدا جانە امالياتتا ايگىلەۋدە.

باسىپ وتكەن جٶلىمىزعا كوز جىبەرسەك، پارتيامىز ءوز جەكە مۇددەسىن ويلاماي، حالىق ءۇشىن بيلىك جۇرگىزىپ، حالىقتى باقىتتى تۇرمىسقا كەنەلتتى. يان - انداعى قىزىل توڭكەرىس حالىققا دەگەن اۋەلگى ماقساتىنا كۋا بولسا، كەدەيلىكتەن ارىلتۋدان قامال الۋ شايقاسى ”كەدەيلەردى شىنايى سۇيەمەلدەۋ، ناعىز كەدەيلەردى سۇيەمەلدەۋ، كەدەيلىكتەن ناقتى ارىلتۋداي“ شىنايى ارەكەتكە كۋا بولدى، جوعارى قارقىندى تەمىر جول بايىرعى رايون، تاۋلى وڭىرلەرگە دەيىن تۇتاسىپ، ”حالىق تۇرمىسىنىڭ باقىت داڭعىلىنا“ كۋا بولىپ، جولىمىز جۇرگەن سايىن كەڭەيدى..... حالىق ءۇشىن ساياسي ناتيجە شىعارۋعا، ناقتى ءىس ىستەۋ ارقىلى ساياسي ناتيجە شىعارۋعا تاباندى بولىپ، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام تاستالدى، پارتيا مەن حالىق تىلەگى بارىنشا شوعىرلاندى، حالىق بۇقاراسى پارتياعا وسكەلەڭ سەنىم ارتتى، پارتيانىڭ بيلىك جۇرگىزۋ نەگىزى اناعۇرلىم بەكەمدەلدى.

”15 - بەسجىلدىقتا“ كۇرەس جاساۋدا حالىقتى باقىتقا كەنەلتۋ − ءتۇبىرلى قۇن بەتالىسى بولماق. ءىس جۇزىندىكتى شىعار ءتۇيىن ەتۋگە، ءىستى زاڭدىلىق بويىنشا ىستەۋگە تاباندى بولىپ، عىلىمي شەشىم جاساۋ جانە ناقتى ىستەۋ، قاجىرلىلىقپەن ىستەۋ ارقىلى عانا اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا جاپپاي مويىنداعان ناتيجە جاراتۋعا بولادى. قالىڭ پارتيالى كادرلار پارتيالىلىق جاقتان پارىقتاردى تابۋعا، ءتۇپ تامىرىن قازۋعا، تاربيەلەنۋدى كۇشەيتۋگە تاباندى بولىپ، ساياسي ناتيجەگە تالپىنۋ جاعىندا جاڭالىق جاراتۋ، ۇلكەن ەڭبەك كورسەتۋگە قۇلشىنۋى، حالىقتى قالجىراتىپ، مال - مۇلكىن زيانداۋىنا، جاڭا ءمانساپتىلاردىڭ كونە سەپتى ەلەپ - ەسكەرمەي قويۋىنا بولمايدى، قايتا ناقتىلى ىستەپ حالىققا باقىت جاراتىپ، حالىق بۇقاراسىنىڭ سەنىمىنە بولەنۋى كەرەك.

جاڭا ساپار _ جاڭا ۇزاق جورىق دەگەندىك، ءسوز جوق، كوپتەگەن جاڭا تاريحي ەرەكشەلىككە يە ۇلى كۇرەستەردى جۇرگىزۋگە قاي قاشان دا دايىن تۇرۋىمىز كەرەك. قابىلەت پەن ورەنى جوعارىلاتۋدا، ءسوز جوق، كۇرەس رۋحىن بارىنشا ساۋلەلەندىرۋىمىز كەرەك.

قازىر ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلىپ وتىر، ەكونوميكالىق، قوعامدىق دامۋداعى تەرەڭ قاتپارلى قايشىلىقتار مەن ماسەلەلەردەن ”جالتارۋىمىزعا، اينالىپ وتۋىمىزگە“ بولمايدى. العا باسۋ جولىنداعى ”ەلىكتىرگىشتەر“ مەن ”كۇردەلى بوگەتتەر“ جونىنەن ءبىز ستراتەگيالىق ىرىقتىلىقتى ساقتاپ قانا قويماي، حاۋىپ - قاتەردى باقىلاۋ، كۇزەتۋ قابىلەتىمىزدى، ەڭ ماڭىزدىسى ەرتە بايقاپ، ەرتە قيمىلداۋ، كۇرەس جاساۋعا باتىل بولۋ، ىرىقتىلىقپەن كۇرەس جاساۋ جىگەرىمىزدى كۇشەيتۋىمىز كەرەك. قالىڭ پارتيالى كادرلار كەۋدە كەرە العا شىعىپ، قيىندىقتان تايسالماي العا ۇمتىلىپ، حاۋىپ قاتەرگە توتەپ بەرۋگە، سىن سايىستارعا توتەپ بەرۋگە، حاۋىپ قاتەر مەن كومەسكى قاتەرلەردى دەر كەزىندە باتىل الاستاۋعا شەبەر بولىپ، ءتيىمسىز فاكتورلاردى جەڭىپ، ونى جەڭىسكە جەتۋدىڭ ءتيىمدى شارت جاعدايىنا اينالدىرۋعا قۇلشىنىپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنىڭ جاڭا ءورىسىن اشۋ كەرەك.

”15 - بەسجىلدىق“ نىسانالىق مىندەتتەردى جۇزەگە اسىرۋدا وزىنە - ءوزى توڭكەرىس جاساۋعا باتىل بولىپ، شىرىكتەسۋدى تاباندىلىقپەن جازالاۋ كەرەك.

شىرىكتەسۋ ساياسي ەكولوگيانى لاستاپ، دامۋ ورتاسىن بۇلدىردى. پارتيانى باسقارۋ، پارتيانى جونگە سالۋ نەعۇرلىم ءونىمدى بولعان سايىن، ەكونوميكالىق، قوعامدىق دامۋدى قامتاماسىزداندىرۋ سولعۇرلىم پارمەندى بولادى. قازىر شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى، شىرىكتەسۋدىڭ ءوربيتىن توپىراعى مەن شارت - جاعدايىن الاستاۋ مىندەتى ءالى دە جاپالى دا اۋىر. مىنە بۇل شىرىكتەسۋگە قارسى تۇرۋدىڭ تەگەۋرىندى كۇيىن باستان - اياق ساقتاپ، ءبىر قادامدى توقتاتپاۋدى، جارتى قادامدى شەگىندىرمەۋدى، استە كوڭىلشەكتىك ىستەمەۋدى بەلگىلەدى. پارتيانىڭ ءتارتىبى مەن ءىس تىندىرىپ، ناتيجە شىعارۋدىڭ ىشكى بىرلىك ەكەنىن ەستە بەرىك ساقتاپ، زاڭ - ەرەجە، ءتۇزىمنىڭ ”قۇرساۋى“ ءارى ”بويتۇمارى“ ەكەنىن، زاڭ - ءتارتىپتى بىلەتىن، قاعيدانى بىلەتىن، يمەنۋدى بىلەتىن، جۇمىستى كىرشىكسىز ىستەيتىن، جۇرەكتىلىكپەن ىستەيتىن بولۋ كەرەك.

ادامدار اراسىنداعى دۇرىس جولمەن ءجۇرىپ، ادىلەتتى ىستەردى ىستەۋدە، بۇرىنعىلار ىستەپ كورمەگەن تار جول، تايعاق كەشۋلەردى باستان كەشىرسەدە، كوڭىلىندە بۇقارا، قولىندا اقيقات بار بولسا، سەنىم مەن كۇش - قۋاتقا تولى بولىپ، باستان كەشەتىن بوران - شاشىندى ەلەمەيدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن زەردەنى، كۇش قۋاتتى شوعىرلاندىرىپ، اۋىر مىندەتتى ارقالاپ، قايراتتانا العا ۇمتىلساق، ءبىز، ءسوز جوق، ”15 - بەسجىلدىق“ ۇلى جوبانى رەالدىققا اينالدىرا الامىز.

تاريح ناقتى ىستەۋشىلەردىڭ ءۇمىتىن اقتايدى، تاريح ەجەلدەن ەكپىندەي ىلگەرىلەۋشىلەرگە ءتان!

كەلۋ قاينارى: حالىق تورابى