ەكى ساياحاتشى سايرام كولىنىڭ ماڭىندا ەسكەرتۋدى ەلەمەستەن قارلى تاۋعا شىعامىن دەپ جارالانعان

ەكى ساياحاتشى سايرام كورىنىس رايونىنداعى كورىنىس تەكشەسىنىڭ ماڭىندا حاۋىپسىزدىك تۋرالى ەسكەرتۋدى ەلەمەستەن ءوز بەتىمەن شوقىعا شىقپاق بولعان، وسى بارىستا ابايسىزدا تايعاناپ، باسى جارالانىپ، ماڭدايى قاناپ، شۇعىل جاعدايعا تاپ بولعان.

ءىس تۋىلعان جەردە تاۋ بەتكەيى تىگىل، جول تايعاق ءارى قار قالىڭ بولعاندىقتان، اۆتوموبيل جانە باسقا اسپاپتاردى جەتكىزۋ مۇمكىن بولماعان، قۇتقارۋ – كومەكتەسۋ قىزمەتكەرلەرى تۇگەلدەي ادام كۇشىنە سۇيەنگەن. بۇراتالا موڭعۇل اۆتونوميالى وبلىستىق قوعام حاۋىپسىزدىگى مەكەمەسى سايرام كورىنىس رايونى بولىمشە مەكەمەسىنىڭ حالىق ساقشىلارىنان، ءورت ءوشىرۋشى جانە قۇتقارۋشى قىزمەتكەرلەردەن ۇيىمداسقان بىرلەسكەن شۇعىل قۇتقارۋ اترەتى ءىس تۋىلعان جەرگە جاياۋ بارعان.

جارالانعانداردى تاۋدان ءتۇسىرۋ بارىسىندا، كوپشىلىك زۋزادان پايدالانعان، تايعاناپ كەتۋدەن ساقتانۋ ءۇشىن جەرگە وتىرىپ جىلجۋ، كۇش جالعاۋ قاتارلى ادىستەرمەن بارىنشا ابايلاي جىلجىپ، ەكى ساعات بويى كۇش سالا قۇتقارۋ ارقىلى جارالانعانداردى تاۋدان ءساتتى تۇسىرگەن ءارى ەمدەۋ قۇرىلىمدارىنا وتكىزىپ بەرگەن.

حالىق ساقشىلارى مىنانى ەسكەرتەدى:

كورىنىس رايونىنىڭ حاۋىپسىزدىك تۋرالى بەلگىلەمەسىنە، ءسوزسىز، بويسۇنىپ، ءتۇرلى ەسكەرتۋ بەلگىلەرىنە نازار اۋدارعان ءجون، تاۋەكەلشىلدىك ىستەپ، اشىلا قويماعان وڭىرلەرگە نەمەسە حاۋىپتى وڭىرلەرگە بارماعان ابزال.

كەلۋ قاينارى: حالىق تورابى