قالىڭ قار جاۋادى! كەڭ كولەمدە جاۋىن – شاشىن بولىپ، تەمپەراتۋرا تومەندەيدى!

ورتالىق اۋا رايى ستانسياسىنىڭ مەجەلەۋىنشە، 1 – ايدىڭ 29 - كۇنىنەن باستاپ، ەلىمىزدىڭ ورتا، شىعىس بولەگىندە كەڭ كولەمدە جاۋىن – شاشىن بولادى. وسى جولعى جاۋىن – شاشىننىڭ قامتيتىن اۋماعى كەڭ بولىپ، شانشي، سانشي، حىنان، حۋبەي قاتارلى ورىنداردا قاردىڭ جاۋۋ مولشەرى ءبىرشاما كوپ بولادى، ءبىر ءبولىم رايونداردا ەرەكشە قالىڭ قار جاۋادى؛ شانشي، حۋبەي، حۋنان، گۇيجوۋ قاتارلى جەرلەردە مۇزداق جاڭبىر جاۋادى، بۇقارانىڭ ەڭ جاڭا اۋا رايى حابارلارىنا ۋاعىندا كوڭىل ءبولىپ، ساقتىق جۇمىستارىن الدىن الا ىستەۋىن ءۇمىت ەتەمىز.

ناقتى الدىن الا مالىمەت:

بەيسەنبى كۇنى جاۋىن - شاشىن باتىستان شىعىسقا قاراي جاپپاي باستالادى، شيزاڭنىڭ شىعىس سولتۇستىك بولەگى، شانشيدىڭ ورتا بولەگى، سانشيدىڭ باتىس وڭتۇستىك بولەگى، حىناننىڭ باتىس بولەگى، حۋبەيدىڭ باتىس سولتۇستىك بولەگى قاتارلى جەرلەردىڭ ءىشىنارا رايوندارىندا قالىڭ قار جاۋادى؛ شانشيدىڭ شىعىس وڭتۇستىك بولەگى، حۋبەيدىڭ باتىس بولەگىندەگى ءىشىنارا رايونداردا مۇزداق جاڭبىر جاۋادى.

جۇما كۇنى، جاۋىن – شاشىن وڭتۇستىك رايونداردا ءسال شوعىرلى بولادى، حىناننىڭ وڭتۇستىك بولەگى، حۋبەيدىڭ باتىس سولتۇستىك بولەگى، باتىس سىچۋان ءۇستىرتىنىڭ سولتۇستىك بولەگى قاتارلى جەرلەردىڭ ءىشىنارا رايوندارىندا قالىڭ قار جاۋادى؛ چاڭجياڭنىڭ وڭتۇستىگى، باتىس وڭتۇستىك رايوننىڭ شىعىس بولەگى، وڭتۇستىك جۇڭگو قاتارلى جەرلەردىڭ ءىشىنارا رايوندارىندا سەبەزگىدەن باستاپ ورتاشاعا دەيىن جاڭبىر جاۋادى.

بۇل جەردە ەسكەرتە كەتەر جاعداي، جۇرتشىلىق جاڭبىر، قار جاۋۋدان تۋىلۋى مۇمكىن بولعان جولعا قاسات قار جينالۋ، مۇز قاتۋ، دىمقىل دا تايعاق بولۋ جانە كورۋ دارەجەسى تومەن بولۋدىڭ قاتىناس پەن ءجۇرىس - تۇرىسقا جاسايتىن ءتيىمسىز ىقپالىنان ساقتانۋدان سىرت، سۋىق اۋانىڭ اسەرىنەن بولاتىن اۋا تەمپەراتۋراسىنىڭ تولقۋىنان ساقتانىپ، دالالىق قيمىلداردا سۋىقتان ساقتانۋ، جىلۋ ساقتاۋ شارالارىن جاقسى ىستەۋى كەرەك.

كەلۋ قاينارى: حالىق تورابى