بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
شي جينپيڭ
2026.02.26 14:45 كەلۋ قاينارى : شينجياڭ گازەتى
جولداستار، دوستار:
بيڭ ـ ۋ جىلقى جىلعى كوكتەم مەرەكەسى تاياپ قالدى. بۇگىن ءبىز شاتتىقپەن ءبىر ارادا باس قوسىپ، كونە جىلدى اتتاندىرىپ، جاڭا جىلدى قارسى الىپ وتىرمىز.
ەڭ الدىمەن، مەن پارتيا ورتالىق كوميتەتى مەن مەملەكەتتىك كەڭەس اتىنان كوپشىلىككە مەرەكەلىك ىزگى تىلەك جولدايمىن! بۇكىل ەلدەگى ءار ۇلت حالقىنىڭ جانە شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ كوكتەم مەرەكەسىن قۇتتىقتايمىن!
اياقتاۋ الدىندا تۇرعان ي ـ سى جىلان جىلى اسا وزگەشە ءبىر جىل بولدى. كۇردەلى دە قۇبىلمالى حالىقارا جانە ەل ءىشى جاعدايى الدىندا ءبىز قيىندىقتان تايسالماي العا ۇمتىلىپ، قايراتتانا العا تارتىپ، پارتيا مەن مەملەكەت ىستەرىندە جاڭا ىلگەرىلەۋشىلىككە، جاڭا ونىمدىلىككە قول جەتكىزۋدى ىلگەرىلەتتىك، تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرىن ءساتتى ورىنداپ، ”14 ـ بەسجىلدىقتى“ تابىسپەن اياقتاتتىق، ەلىمىزدىڭ ەكونوميكالىق ناقتى قۋاتىن، عىلىم ـ تەحنولوگيالىق ناقتى قۋاتىن، مەملەكەت قورعانىسى ناقتى قۋاتىن، جالپىلىق مەملەكەت قۋاتىن تەز قارقىنمەن تىڭ ساتىعا كوتەرىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادىق.
ءبىر جىلدان بەرى، ءبىز اناعۇرلىم بەلسەندى دە ۇتىمدى ماكرولىق ساياسات اتقارىپ، رەفورمانى ونان ارى جاپپاي تەرەڭدەتىپ، وسىزاماندانعان كاسىپ سالاسى جۇيەسى قۇرىلىسىن تىڭعىلىقتى ىلگەرىلەتتىك، ەلىمىز ەكونوميكاسى قىسىمعا توتەپ بەرە العا باسىپ، جاڭا بولۋعا، ساپالى بولۋعا قاراي دامىپ، قۋاتتى سەرپىمدىلىگى مەن ومىرشەڭ كۇشىن ايگىلەدى. سوتسياليستىك دەموكراتيا، زاڭمەن باسقارۋ قۇرىلىسىن، مادەنيەت قۇرىلىسىن، ەكولوگيالىق وركەنيەت قۇرىلىسىن، مەملەكەت قورعانىسى مەن ارميا قۇرىلىسىن تىڭعىلىقتى ىلگەرىلەتتىك، ءتۇرلى ىستەردى ءوزارا جەبەپ، بىرگە ىلگەرىلەدىك. حالىق تۇرمىسىن كۇش سالا قامتاماسىز ەتتىك جانە جاقسارتتىق، قوعامدىق كەلەلى جاعدايدىڭ ورنىقتىلىعىن ساقتادىق.
ءبىز پارتيا 20 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسىن جەڭىسپەن اشىپ، ”15 ـ بەسجىلدىق“ دامۋ جوباسىن جاسادىق. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە تۇسىردىك، تايۋاننىڭ قايتارىپ الىنعاندىعىن ەسكە ءتۇسىرۋ كۇنىن بەلگىلەدىك، شيزاڭ اۆتونوميالى رايونى قۇرىلعاندىعىنىڭ 60 جىلدىعىن، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتادىق، گۋاڭدۇڭ، شياڭگاڭ، اۋمىن سىندى 3 جەردە 15 ـ كەزەكتى مەملەكەتتىك سپورت جارىسىن بىرلەسىپ وتكىزىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تەلەگەي كۇشىن ونان ارى ۇيىستىردىق.
ءبىز الەمدىك باسقارۋ باستاماسىن العا قويىپ، شاڭحاي سەلبەستىك ۇيىمىنىڭ تيانجين باسشىلار ءماجىلىسىن، دۇنيە جۇزىلىك ايەلدەر ىستەرى باسشىلار ءماجىلىسىن ءساتتى وتكىزىپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتىپ، وزگەرىس پەن بىلىقپالىق قاباتتاسقان دۇنيە جۇزىنە اناعۇرلىم كوپ ايقىندىلىق جانە وڭ ەنەرگيا ۇستەدىك.
ءبىز پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، پارتيا ستيلى، پاكتىك قۇرىلىسى مەن شىرىكتەسۋگە قارسى كۇرەستە كورنەكتى ونىمدىلىككە قول جەتكىزدىك، ساياسي ەكولوگيا مەن قوعامدىق سالتتى ۇزدىكسىز جاقسارتتىق.
ءبىر جىلدان بەرى، تابىسىمىز مول بولدى، بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنىڭ ناتيجەسى. تابىس ادامدى جەلپىندىرەدى، كۇرەس سەنىمدى ارتتىرادى. تەك ستراتەگيالىق تاباندىلىقتى ساقتاپ، نىق قاداممەن ءىز قالدىرىپ تاباندى تۇردە العا باسىپ، كەزەڭ سايىن تىڭعىلىقتى ىلگەرىلەتسەك بولعانى، پارتيا مەن مەملەكەت ىستەرىندە، ءسوز جوق، ۇزدىكسىز شاعىن جەڭىستەردى توپتاپ ۇلكەن جەڭىسكە جەتەمىز، نىسانامىز، ءسوز جوق، ورىندالادى.
جولداستار، دوستار!
2026 ـ جىل — جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 ـ بەسجىلدىقتىڭ“ باستاما جىلى. ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايى مەن 20 ـ كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، قوعامنىڭ جاراسىمدىلىعىن، ورنىقتىلىعىن ساقتاپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ”15 ـ بەسجىلدىقتىڭ“ تاماشا باستاماسىن قۇلشىنا جۇزەگە اسىرۋىمىز كەرەك.
پارتيامىز حالىق ءۇشىن دۇنيەگە كەلگەن، حالىق ءۇشىن گۇلدەنگەن، بارلىق قىزمەتتە حالىقتىڭ باقىتىن كوزدەيدى. ءبىز حالىقتى بارىنەن جوعارى قويۋعا باستان ـ اياق تاباندى بولىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋىمىز كەرەك.
جولداستار، دوستار!
جۇڭحۋا مادەنيەتىندە جىلقى قايسارلىقتىڭ، ايبىندىلىقتىڭ، ءوزىن تىنباي الۋەتتەندىرۋدىڭ سيمۆولى، ول نىق قاداممەن الىسقا جەتەتىن، گۇلدەنىپ ـ كوركەيەتىن بولاشاقتى ايگىلەيدى. بيڭ ـ ۋ جىلقى جىلىندا بۇكىل ەلدەگى ءار ۇلت حالقىنىڭ پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءسوزسىز، جەڭىسكە جەتۋ سەنىمىن بەكەمدەپ، اسقاق كۇرەس جىگەرىن ساقتاپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا تاسقىنداعان قايراتپەن العا ىلگەرىلەپ، ەرلىكپەن العا تارتىپ، بىرگە اناعۇرلىم كوركەم بولاشاق جاراتۋىن ءۇمىت ەتەمىن.
سوڭىندا كوپشىلىكتىڭ دەنىنىڭ ساۋ، قىزمەتىنىڭ تابىستى، جانۇياسىنىڭ باقىتتى، جىلقى جىلىنىڭ قۇتتى بولۋىن تىلەيمىن!
كوپشىلىككە راقىمەت!
(شينحۋا اگەنتتىگىنىڭ 2 ـ ايدىڭ 14 ـ كۇنى بەيجيڭنەن بەرگەن حابارى)
