شي جينپيڭ امەريكانىڭ ايوۆا شتاتىنداعى دوستارعا جاۋاپ حات جازدى

شينحۋا اگەنتتىگىنىڭ 2 - ايدىڭ 18 - كۇنى بەيجيڭنەن بەرگەن حابارى. 2 - ايدىڭ 16 - كۇنى مەملەكەت ءتوراعاسى شي جينپيڭ امەريكانىڭ ايوۆا شتاتىنداعى دوستارعا جاۋاپ حات جازدى ءارى كوكتەم مەرەكەسىن قۇتتىقتاۋ كارتچكاسىن قايتارا سيلاپ، مەرەكەلىك تىلەك ءبىلدىردى.

شي جينپيڭ مىنالاردى ءبىلدىردى: 41 جىلدىڭ الدىندا ايوۆا شتاتىنا ساپارلاي بارعانىمدا، سىزدەردىڭ قىزۋ قارسى الۋلارىڭىزعا يە بولدىم، سول تاماشا ەستەمەلەر كۇنى بۇگىنگە دەيىن ءالى ەسىمدە. جۇڭگو − امەريكا قارىم - قاتىناسىنىڭ ءۇمىتى حالىقتا، نەگىزى حالىق اراسىندا، بولاشاعى جاستاردا، ومىرشەڭ كۇشى جەرگىلىكتى ورىندا. مەيلى جاعداي قالاي وزگەرسە دە، جۇڭگو − امەريكا ەكى ەل حالقىنىڭ اۋىس - كۇيىس، سەلبەستىك جاساۋ تىلەگى وزگەرمەيدى، ەكى ەل جاستارى مەن ورەندەرىنىڭ ءبىرىن - ءبىرى ءتۇسىنۋ، ەتەنە بولۋ سۇيىسپەنشىلىگى وزگەرمەيدى. سىزدەردىڭ ەكى ەلدىڭ حالىقتىق دوستىعىن جەبەۋگە ۇزدىكسىز كۇش سالىپ، اناعۇرلىم كوپ امەريكا جاستارى مەن ورەندەرىن جۇڭگو − امەريكا دوستىعىنىڭ جالعاستىرۋشىسى، بەيبىتشىلىك پەن دوستىقتىڭ جەبەۋشىسى بولۋعا شابىتتاندىرىپ، جۇڭگو − امەريكا قارىم - قاتىناسىنىڭ دامۋىنا اناعۇرلىم زور ۇلەس قوسۋلارىڭىزدى ءۇمىت ەتەمىن.

وسىدان بۇرىن امەريكانىڭ ايوۆا شتاتىنداعى دوستاردان ۆيرون ءتوراعا شي جينپيڭگە حات جولداپ، ايوۆا شتاتىنداعى دوستار اتىنان ءتوراعا شي جينپيڭ مەن پىڭ لييۋان پروفەسسورعا كوكتەم مەرەكەسى بايلانىسىمەن ىزگى تىلەك جولداپ، ايوۆا شتاتىنداعى دوستاردىڭ جۇڭگو حالقىمەن دوستىعىن قاستەرلەيتىندىگىن ءارى ۇزدىكسىز دامىتاتىندىعىن ءبىلدىردى. ۆيرون، راندي، دۆوچاك، كينبەري، جۇڭگودا تۇراتىن بۇرىنعى باس ەلشى برانستاد، دۇنيە جۇزىلىك استىق سيلىعى قور قوعامىنىڭ قۇرمەتتى ءتوراعاسى كۆين، سونداي - اق وسى شتاتتان ”5 جىلدا 50 مىڭ ادام“ باستاماسىنا ات سالىسىپ، جۇڭگوعا ساپارلاي كەلگەن وقىتۋشى - وقۋشىلار ءتوراعا شي جينپيڭ مەن حانىمىنا كوكتەم مەرەكەسىن قۇتتىقتاۋ كارتچكاسىن جولداپ، امەريكا مەن جۇڭگونىڭ دوستىق اۋىس - كۇيىسىن قۇلشىنا جەبەپ، ەكى ەل قارىم - قاتىناسىنىڭ دامۋىنا كۇش - قۋات ارناۋدى قالايتىندىقتارىن ءبىلدىردى.