جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، چاۋشيان ەڭبەك پارتياسى 9 - قۇرىلتايىنىڭ اشىلعاندىعىن قۇتتىقتادى

شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى. 2 - ايدىڭ 19 - كۇنى جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، چاۋشيان ەڭبەك پارتياسى 9 - قۇرىلتايىنىڭ اشىلعاندىعىن قۇتتىقتادى. قۇتتىقتاۋ تەلەگرامماسىندا بىلاي دەلىندى:

چاۋشيان ەڭبەك پارتياسى − چاۋشياننىڭ توڭكەرىس جانە قۇرىلىس ىستەرىنىڭ پارمەندى باسشىلىق ۇيتقىسى. ۇزاق ۋاقىتتان بەرى، چاۋشيان ەڭبەك پارتياسى چاۋشيان حالقىن ىنتىماقتاستىرىپ جانە باستاپ، قاجىماي - تالماي ەكپىندەي ىلگەرىلەپ، چاۋشياننىڭ سوتسياليزم ىستەرىن ىلگەرىلەتۋ جورىعىندا ماڭىزدى تابىستارعا قول جەتكىزدى. سوڭعى جىلدارى باس شۋجي جين جىڭىننىڭ پارمەندى باسشىلىعىندا، چاۋشيان ەڭبەك پارتياسى جاڭا داۋىردەگى 5 ۇلكەن پارتيا قۇرىلىسى لۋشيانىن امالياتتا ايگىلەپ، سوتسياليزم جولىمەن بۇلجىماي ءجۇرىپ، ەكونوميكانى كۇش سالا دامىتىپ، حالىق تۇرمىسىن جاقسارتىپ، ءبىر قىدىرۋ قۋانارلىق تابىستارعا قول جەتكىزدى. جۇڭگو جاق بۇعان شىن جۇرەكتەن قۋانادى.

چاۋشيان ەڭبەك پارتياسىنىڭ 9 - قۇرىلتايى − چاۋشيان پارتياسى مەن حالقىنىڭ ساياسي ومىرىندەگى ءىرى ءىس، الداعى ءبىر مەزگىلدە چاۋشيان پارتياسىنىڭ قۇرىلىسى جانە مەملەكەتتىڭ ەكونوميكالىق دامۋى جونىندە ستراتەگيالىق جوبا جانە ورنالاستىرۋ جاساۋدا كەلەلى ءمان الادى. باس شۋجي جين جىڭىن باستاعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا، چاۋشيان حالقىنىڭ سوتسياليستىك قۇرىلىس ىستەرىندە ۇزدىكسىز تىڭ دا اناعۇرلىم زور تابىستارعا قول جەتكىزۋىن تىلەيمىز.

جۇڭگو مەن چاۋشيان ەكى ەل دە كوممۋنيستىك پارتيا باسشىلىعىنداعى سوتسياليستىك مەملەكەت. سوڭعى جىلدارى ەكى پارتيانىڭ، ەكى ەلدىڭ ەڭ جوعارى باسشىلارىنىڭ ستراتەگيالىق جەتەكشىلىگىندە، جۇڭگو − چاۋشيان قارىم - قاتىناسى جاڭا تاريحي كەزەڭگە ءوتتى. جۇڭگو كوممۋنيستىك پارتياسى چاۋشيان ەڭبەك پارتياسىمەن دوستىق سەلبەستىك قارىم - قاتىناستى دامىتۋعا باستان - اياق ايرىقشا ءمان بەرەدى، چاۋشيان ەڭبەك پارتياسىمەن بايلانىستى، بارىس - كەلىستى كۇشەيتىپ، پارتيانى باسقارۋ، مەملەكەتتى باسقارۋ تاجىريبەلەرى جونىندەگى اۋىس - كۇيىستى تەرەڭدەتىپ، جۇڭگو − چاۋشيان قارىم - قاتىناسىنىڭ اقاۋسىز، ورنىقتى دامۋىنا بىرگە جەتەكشىلىك ەتىپ، ەكى ەلدىڭ سوتسياليزم ىستەرىنىڭ نىق قاداممەن الىسقا جەتۋىن ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋدى قالايدى.