حايكوۋ حابارلاندىرۋ شىعاردى: تاراتىلعان سيلىق قاراجاتتاردىڭ ءبىر بولىگى قايتارىپ الىنادى 

2 - ايدىڭ 24 - كۇنى، حايكوۋ قالالىق ساۋدا ىستەرى مەكەمەسى سيلىقتى تالون قيمىلىنىڭ ءتارتىبىن اناعۇرلىم جۇيەگە ءتۇسىرۋ تۋرالى ۇقتىرۋ جاريالاعان.

جۋىردا سيلىقتى تالون قيمىلىن ورىستەتۋ بارىسىندا، ءىشىنارا تۇتىنۋشىلار مەن تيجاراتشىلاردىڭ سيلىق اشقاننان كەيىن بەلگىلەمەگە قايشى تۇردە قايتا تالون جاساۋ، تالوندى كەرەكسىز ەتۋ قاتارلى ارەكەتتەردى وتكىزگەنى بايقالدى، بۇل ارەكەتتەر قيمىل ەرەجەلەرىنە قايشى كەلىپ، قيمىلعا ادىلدىكپەن قاتىناسۋ ءتارتىبىن ءبۇلدىرىپ، سەنىمدى تۇتىنۋ ورتاسىنا ىقپال جاسادى.

قيمىلدىڭ ادىلدىگى مەن ادىلەتتىلىگىن قورعاۋ، تۇرعىنداردىڭ زاڭدى ۇقىق – مۇددەسىن قامتاماسىزداندىرۋ ءۇشىن، سيلىقتى تالون قيمىلىنىڭ قاتىستى باسقارۋ بەلگىلەمەلەرىنە ساي، بەلگىلەمەگە قايشى ارەكەت وتكىزگەن ءىشىنارا تيجاراتشىلاردىڭ بۇل قيمىلعا قاتىناسۋ تولىمدىلىعى توقتاتىلعان. قاتىستى تيجاراتشىلار رەتتەۋ جانە تۇزەتۋ جۇرگىزىپ، ساراپتامادان وتكىزىلگەن سوڭ، جاعدايعا قاراي وتىرىپ، قاتىناسۋ تولىمدىلىعى قالپىنا كەلتىرىلەدى. سونىمەن بىرگە، بەلگىلەمەگە قايشى تۇردە سيلىقتى تالون الۋ، الدامكوستىكپەن قاراجات الۋ قاتارلى ارەكەتتەرگە باعىتتاي وتىرىپ، قيمىل تەكشەسى تۇتاس بارىس بويىنشا دەرەكتەردى سالىستىرۋ جانە حاۋىپتى جاعدايدى باقىلاۋ مەحانيزمىن ورناتتى. تەكسەرۋ بارىسىندا بەلگىلەمەگە قايشى تۇردە قاتىناسۋ، بەلگىلەمەگە قايشى تۇردە سيلىقتى تالون الۋ سىندى جاعدايلار بايقالسا، زاڭ – ەرەجەگە ساي تەحنيكالىق تاسىلدەر ارقىلى تاراتىلعان سيلىقتار قايتا قايتارىلىپ الىنادى ءارى جاعدايعا قاراي وتىرىپ، قيمىلعا قاتىناسۋ تولىمدىلىعىن كۇشىنەن قالدىرۋ، قالىپسىز جاعداي تىزىمدىگىنە ەنگىزۋ قاتارلى شارالار قولدانىلادى.

اتالعان ءبىرجاقتى ەتۋ شارالارى مەن جۇيەنى جاقسارتۋدىڭ ىقپالى سەبەبىنەن، جۇيە ۋاقىتشا توقتاتىلعان مەزگىلدە ءبىر ءبولىم تيجاراتشىلار قيمىل تالونىن اشا الماۋى مۇمكىن؛ ءبىر ءبولىم تيجاراتشىلار ءبىرتۇتاس تالاپتار بويىنشا تالون باسقارۋ جۇيەسىن جاقسارتۋ – كەمەلدەندىرۋ قىزمەتىن ورىستەۋدە، جاقسارتۋ – كەمەلدەندىرۋ مەزگىلىندە تالون اشۋ نەمەسە جۇكتەۋ يقۋاتىنا ءبىر مەزەت ىقپال جاساۋى مۇمكىن.

حايكوۋ قالالىق ساۋدا ىستەرى مەڭگەرمەسى سيلىقتى تالوندى تۇتاس بارىس بويىنشا جۇيەلى باسقارۋدى ۇزدىكسىز كۇشەيتىپ، بارشا تۇرعىندارمەن جانە سەنىمدى تيجاراتشىلارمەن بىرگە ءادىل، ءتارتىپتى، سەنىمدى تۇتىنۋ جانە قاتىناسۋ ورتاسىن جاراتاتىنىن مالىمدەدى.

كەلۋ قاينارى: حالىق تورابى