ساياسيمەن ارميا قۇرۋدىڭ وزگەشە ابزالدىعىن تولىق ساۋلەلەندىرىپ، زەيىن - زەردەنى، كۇش - قۋاتتى شوعىرلاندىرىپ، مەملەكەت قورعانىسى مەن ارميانى وسىزامانداندىرۋدىڭ ورنىقتى، باياندى دامۋىن ىلگەرىلەتۋ كەرەك

3 - ايدىڭ 7 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 3 - ايدىڭ 7 - كۇنى، بەيجيڭ (ءتىلشى مەي چاڭۋەي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: ”15 - بەسجىلدىق“ كەزىندە ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتىپ، ساياسيمەن ارميا قۇرۋ سىندى ماڭىزدى اسىلعا، ءسوز جوق، ويداعىداي تاباندى بولىپ، ويداعىداي پايدالانىپ، ويداعىداي دامىتىپ، پارتيانىڭ ارمياعا شارتسىز باسشىلىعىنا بۇلجىماي تاباندى بولىپ جانە ونى كۇشەيتىپ، ساياسيمەن ارميا قۇرۋدىڭ وزگەشە ابزالدىعىن تولىق ساۋلەلەندىرىپ، زەيىن - زەردەنى، كۇش - قۋاتتى شوعىرلاندىرىپ، مەملەكەت قورعانىسى مەن ارميانى وسىزامانداندىرۋدىڭ ورنىقتى، باياندى دامۋىن ىلگەرىلەتۋ كەرەك.

جيىندا سۇن لەي، جوۋ فىن، تاڭ ۋ - شياڭ، حاۋ جيڭۋىن، جياڭ شياۋدۇڭ، جۋ يۋەمىڭ قاتارلى 6 ۋاكىل ىلگەرىندى - كەيىندى ءسوز سويلەپ، ارميا مەن جەرگىلىكتى ورىننىڭ زاڭ اتقارۋ سەلبەستىگى، پارتيا ۇيىمىنىڭ عىلمي زەرتتەۋدەن قامال الۋعا باسشىلىق ەتۋى، اسكەري دارىندىلاردى تاربيەلەۋ، جاڭا جابدىق، جاڭا كۇش قابىلەتىن قالىپتاستىرۋ جانە قولدانۋ، تاڭداۋلى ءداستۇردى ساۋلەلەندىرۋ، تيپتەردى جەتىلدىرۋ، ۇگىتتەۋ جانە ۇيرەنۋ، قولدانۋ سياقتىلار جونىندە جەكە - جەكە ۇسىنىس - پىكىر بەردى.

ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى حالىق ارمياسىنا باسشىلىق ەتىپ، بۇرىن - سوڭدى بولماعان بەكىممەن جانە تەبىنمەن ساياسي رەتتەۋ - جاتتىعۋدى تەرەڭدەتىپ، ساياسيمەن ارميا قۇرۋدى ىلگەرىلەتىپ، كەلەلى تابىستارعا قول جەتكىزدى. ارميا مىلتىق ۇستايدى، ارميادا پارتياعا جات نيەتتى ادامداردىڭ بولۋىنا استە بولمايدى، شىرىكتەسكەن ەلەمەنتتەردىڭ جاسىرىناتىن جەرى بولۋىنا استە بولمايدى، شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتۋ كەرەك. ”15 - بەسجىلدىق“ جوبا باستالىسىمەن قاتاڭ باقىلاۋ - باسقارۋدىڭ بۇلجىماس قاعيداسىن ورناتىپ، قارجىنىڭ بەتالىسى، ۇقىق اينالىمى جانە ساپانى باسقارۋ - مەڭگەرۋ سياقتى شەشۋشى بۋىندارعا قاداعالاي نازار اۋدارىپ، كەلەلى نىسانداردى باقىلاۋ - باسقارۋدى كۇشەيتىپ، ارميا مەن جەرگىلىكتى ورىننىڭ توعىسپالى باقىلاۋىن كۇشەيتىپ، باقىلاۋ - باسقارۋ العى شارتىندا قۇرىلىس جۇرگىزۋگە كەپىلدىك ەتۋ كەرەك. اسكەري قاراجات مەجە ەسەبىن باسقارۋ رەفورماسىن ىلگەرىلەتىپ، اسكەري قاراجاتپەن قامداۋ مەن قاجەتسىنۋدىڭ اۋقىمدىق تەپە - تەڭدىگىن ويداعىداي ىستەپ، قاراجاتتى پايدالانۋدىڭ تۇتاس تىزبەگىن باسقارۋ - مەڭگەرۋدى جانە قىزمەت ناتيجەسىن باعالاۋدى كۇشەيتىپ، ءار فىن اقشانى كەرەكتى جەرىنە جۇمساۋ كەرەك.

شي جينپيڭ بىلاي دەپ باسا دارىپتەدى: ”15 - بەسجىلدىق“ كەزىندەگى مەملەكەت قورعانىسى مەن ارميانى وسىزامانداندىرۋدىڭ نىسانا، مىندەتتەرىن ورىنداۋدا، سايىپ كەلگەندە، ءار دارەجەلى پارتيا ۇيىمدارىنىڭ باسشىلىعى مەن ىلگەرىلەتۋىنە سۇيەنۋ كەرەك. ارميامىزدىڭ پارتيا باسشىلىعى جانە پارتيا قۇرىلىسىن جاپپاي كۇشەيتىپ، جوعارى دارەجەلى پارتكوم القاسىن دۇرىس تاڭداپ، كۇشەيتىپ، نەگىزگى ساتى پارتيا ۇيىمدارىنىڭ دەربەس يگەرۋ، قۇرۋ قابىلەتىن كۇشەيتىپ، ءار دارەجەلى پارتيا ۇيىمدارىن اناعۇرلىم پارمەندى، قۋاتتى ەتىپ قۇرىپ شىعۋ كەرەك. اسكەري ىستەردى پارتيا باسقارۋعا، كادرلاردى پارتيا باسقارۋعا، كاسىپ سالاسىن پارتيا باسقارۋعا تاباندى بولىپ، عىلمي شەشىم جاساۋ قابىلەتىن جوعارىلاتىپ، كەلەلى مىندەتتەردەن قامال الۋ، كورنەكتى قايشىلىقتاردى شەشۋ، دامۋداعى قيىن ماسەلەلەردى شەشۋ بارىسىندا شەشۋشى رول اتقارىپ، پارتيانىڭ باسشىلىق ابزالدىعىن دامۋ ابزالدىعىنا اينالدىرۋ كەرەك.

شي جينپيڭ بىلاي دەپ اتاپ كورسەتتى: توڭكەرىستەنگەن، ماماندانعان دارىندىلار قوسىنى قۇرىلىسىن كۇشەيتىپ، پارتيانىڭ جاڭالىق اشۋ نازارياسىمەن رۋحتى سومداۋعا، ادام تاربيەلەۋگە تاباندى بولىپ، كوماندير - جاۋىنگەرلەردىڭ پارتيانىڭ سوزىنە قۇلاق اسۋ، پارتياعا ىلەسۋ يدەيالىق نەگىزىن بەكەمدەپ، وسىزاماندانعان قارۋ - جاراقتىڭ توڭكەرىستەنگەن دارىندىلار قوسىنىنىڭ قولىندا بولۋىنا كەپىلدىك ەتۋ كەرەك. دارىندىلاردىڭ دامۋىن جەبەيتىن ءتۇزىم مەن شارت - جاعدايدى كەمەلدەندىرىپ، بىرلەسىپ سوعىس جۇرگىزۋگە قولباسشىلىق ەتۋ، جاڭاشا سوعىس جۇرگىزۋ كۇشى، جوعارى دەڭگەيلى عىلىم - تەحنيكادا جاڭالىق اشۋ، جوعارى دەڭگەيلى ستراتەگيالىق باسقارۋ سىندى ”ءتورت تۇردەگى دارىندىلاردى“ جەتىلدىرۋدى جۇيەلى ىلگەرىلەتىپ، ادامنىڭ قابىلەت ساپاسىن ارميانى قۇدىرەتتەندىرۋ امالياتىمەن سايكەستى دامىتۋدى جۇزەگە اسىرۋ كەرەك.

شي جينپيڭ بىلاي دەپ باسا دارىپتەدى: پارتيامىز بەن ارميامىزدىڭ تاڭداۋلى داستۇرىنە بارىنشا مۇراگەرلىك ەتىپ جانە ونى ساۋلەلەندىرىپ، جاڭا داۋىردەگى ارميانى قۇدىرەتتەندىرۋ مادەنيەت قۇرىلىسىن ىلگەرىلەتىپ، وزات تيپتەردى جەتىلدىرۋدى جانە شابىتتاندىرۋدى كۇشەيتىپ، قىزىل گەندى ۇرپاقتان - ۇرپاققا جالعاستىرىپ، جاڭا ستيلدى، دۇرىس سالتتى اناعۇرلىم نىعايتۋ كەرەك. نەگىزگى ساتىنى تاڭداۋلى ءداستۇردى جالعاستىراتىن قۇنارلى ورتا ەتىپ، جاڭا جاعدايداعى نەگىزگى ساتى قۇرىلىسىنىڭ زاڭدىلىعى مەن پايدالى ادىستەرى جونىندە بەلسەنە ىزدەنىس جاساپ، نەگىزدى باسقارۋ، ۇزاق بولاشاققا تيىمدىلىك جاساۋ، سەرپىندى ارتتىرۋ قىزمەتىن ويداعىداي يگەرۋگە ءمان بەرىپ، اسكەري ءبولىم قۇرىلىسى مەن جاۋىنگەرلىك قۋات نەگىزىن اناعۇرلىم بەكەمدەۋ كەرەك.

ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ شىڭمين جيىنعا قاتىناستى.

كەلۋ قاينارى: حالىق تورابى