مەملەكەتتىك دەنساۋلىق ساقتاۋ – سالاماتتىق كوميتەتى: وسى بىرنەشە تۇردەگى ادامدار راكتى ەرتە بايقاۋدى ويداعىداي ىستەگەنى ءجون 

مەملەكەتتىك دەنساۋلىق ساقتاۋ – سالاماتتىق كوميتەتىنىڭ مەڭگەرۋشىسى لەي حايچاۋ 3 – ايدىڭ 7 – كۇنى 14 – كەزەكتى مەملەكەتتىك حالىق قۇرىلتايى 4 – ءماجىلىسىنىڭ حالىق تۇرمىسى تاقىرىبىنداعى تىلشىلەر ماجىلىسىندە مىنانى ءبىلدىردى: كوپشىلىككە ەرتە باستان تەكسەرتۋ ءتاسىلى ارقىلى كەيبىر ۇنەمى كەزدەسەتىن راكتاردى دەر كەزىندە بايقاۋدى ەسكەرتەمىز.

مامانداردىڭ پىكىرىنە ساي، ەگەر كوپشىلىكتە مىناداي جاعدايلار بار بولسا، اتاپ ايتقاندا، 50 جاستان اسقان، ۇزاق ۋاقىت تەمەكى شەككەن، سوزىلمالى توسىلۋ سيپاتتى وكپە اۋرۋى بار، اۋلەتىندە وكپە راگىنا شالدىققان ادام بار بولسا، جىلىنا ءبىر رەت تومەن دوزالى اينالمالىCT ارقىلى تەكسەرۋ جاساعانى ءجون. بۇلاي ىستەۋ اۋرۋعا قاتىستى ءبىر ءبولىم وزگەرىستەردى ەرتە بايقاۋعا، سوعان بايلانىستى ۇيلەسىمدى ءبىرجاقتى ەتۋ شارالارىن قولدانۋعا مۇمكىندىك بەرەدى.

50 جاستان اسقان، دەنە سالماعى ولشەمنەن جوعارى نەمەسە سەمىز، تەمەكى تارتقان، ياكي، وتباسىندا توق ىشەك، تىك ىشەك راگىنا شالدىققاندار بار ادامدار، 3 – 5 جىلدا ءبىر رەت توق ىشەكتى، تىك ىشەكتى ىشەك دۇربىسىمەن تەكسەرتكەنى ءجون. ەگەر تۇيمەشىك ەت بايقالسا، كەسىپ الىپ تاستاۋعا بولادى، ويتپەگەندە، ورتا – سوڭعى مەزگىلىنە ءوتىپ كەتسە، ەمدەۋ ونىمدىلىگى بارىنشا تومەندەيدى. توق ىشەكتى، تىك ىشەكتى ىشەك دۇربىسىمەن تەكسەرۋ جۇرگىزبەگەن جاعدايدا دا، ۇلكەن دارەتتەگى كومەسكى قان داقتارىن تەكسەرتۋ دە ماسەلەنى بايقاۋدىڭ ءبىرشاما جاقسى جولى سانالادى، ەڭ ماڭىزدىسى، كوپشىلىكتىڭ ءمان بەرۋى ءارى ارەكەتتەنۋى بولىپ تابىلادى.

45 جاستان اسقان، اراقتى كوپ ىشەتىن، اسقازان جاراسىنىڭ بەلگىلەرى بايقالعان، اۋلەتىندە اسقازان راگىنا شالدىققاندار بار ادامداردىڭ 3 – 5 جىلدا ءبىر رەت اسقازان دۇربسىمەن تەكسەرىلىپ تۇرعانى ءجون.

كەلۋ قاينارى: حالىق تورابى