شىنايى يگەرىپ، ناقتى ىستەپ، ”15 - بەسجىلدىقتىڭ“ تاماشا باستاماسىن قۇلشىنا جۇزەگە اسىرايىق (ۋاكىلدەر مەن مۇشەلەر مەملەكەت ءىسىن اقىلداستى)

مەملەكەتتىك ەكى ماجىلىستە ۋاكىلدەر مەن مۇشەلەر جوبانى تالقىلاپ، دامۋدى كوزدەپ، حالىق تۇرمىسىن تىلگە تيەك ەتىپ، ىشكەرىلەي پىكىر اۋىستىرىپ، مەملەكەت ءىسىن بىرگە اقىلداستى.

ۋاكىلدەر مەن مۇشەلەر ءبىر اۋىزدان بىلاي دەپ قارادى: بيىل _ ”15 - بەسجىلدىق“ جوبا باستالاتىن جىل، باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتى تياناقتاندىرىپ، ءوز قىزمەتىن تياناق ەتىپ، مىندەتىن بەلسەنە اتقارىپ، جاۋاپكەرشىلىگىن ادا ەتىپ، نەگىزدى بەكەمدەپ، جاپپاي كۇش سالىپ، ورنىقتىلىق بارىسىندا ىلگەرىلەۋ سىندى نەگىزگى قىزمەت ارناسىنان جازباي، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، ”15 - بەسجىلدىقتىڭ“ تاماشا باستاماسىن جۇزەگە اسىرۋدى ىلگەرىلەتۋ كەرەك.

جاقسى جوبا مەن اتقارۋ قابىلەتى ۇشتاستىرىلماق

3 - ايدىڭ 5 - كۇنى باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ”جوبانى ويداعىداي جاساۋدا اتقارۋدى ىلگەرىلەتۋ كەرەك. جاقسى جوبا مەن اتقارۋ قابىلەتى ەكەۋىن ۇشتاستىرۋىمىز كەرەك“.

ۋاكىلدەر مەن مۇشەلەر بىلاي دەپ قارادى: 5 جىلدىق جوبانى جاساۋ، اتقارۋ _ مەملەكەتتىڭ تۇزىمدىك ورنالاستىرۋى، جۇڭگو كوممۋنيستىك پارتياسىنىڭ ەل باسقارۋداعى ماڭىزدى تاجىريبەسى.

”5 جىلدىق جوبا ’جۇڭگونى جونگە سالۋ‘ سىندى وزگەشە باسىمدىقتى تولىق ايگىلەدى، ۇزاق ۋاقىت جالعاستىرۋ رۋحى باستان - اياق ساباقتاستىرىلدى“. سىچۋان ولكەلىك حالىق قۇرىلتايى تۇراقتى كوميتەتى مەڭگەرۋشىسىنىڭ ورىنباسارى، سىچۋان ولكەلىك سوتسياليزم شۋەيۋانىنىڭ باستىعى، ۋاكىل حى يانجىڭ مىنالاردى ءبىلدىردى: ”15 - بەسجىلدىق“ جوبا باعدارلاماسىنىڭ جوباسىندا ىشكى ءوندىرىستىڭ جالپى ءونىم قۇنىنىڭ ارتۋى ۇيلەسىمدى ارالىقتى ساقتاۋ سياقتى نىسانالىق كورسەتكىشتەر عىلمي بەلگىلەنىپ، نىسانانى نىشان ەتۋ مەن ماسەلەنى نىشان ەتۋدىڭ ديالەكتيكالىق بىرلىگى ايگىلەندى.

جوبانىڭ بارىسى جالپى بارىستىق حالىق دەموكراتياسىن ساۋلەلەندىرۋ بارىسى بولىپ تابىلادى.

”’15 - بەسجىلدىق‘ جوبا باعدارلاماسىن جاساۋدا جوعارى دەڭگەيدە جوبالاۋ مەن حالىقتان كەڭەس الۋدىڭ بىرلىگىنە تاباندى بولدى“. نانچاڭ داشۋەسى پارتكومىنىڭ شۋجيى، ۋاكىل لو سىحاي مىنالاردى ءبىلدىردى: ”15 - بەسجىلدىق“ جوسپار باعدارلاماسىنىڭ جوباسى جاڭا دامۋ كەزەڭىنىڭ ەرەكشەلىگىمەن تىعىز ۇشتاستىرىلىپ، ورتا، ۇزاق مەرزىمدىك ستراتەگيالىق ورنالاستىرۋلاردى تياناقتاندىرۋعا، ىلگەرىلەتۋگە بولاتىن ناقتى قادامدار مەن مىندەتتەرگە ءبولىپ، ستراتەگيالىق، ماكرولىق، ساياساتتىق سيپاتىن ايگىلەدى، ”بۇل ءارى ۇزاق بولاشاقتىق ۇلى جوبا، ءارى ناقتى، جارامدى قۇرىلىس چەرتوجى سانالادى“.

باس شۋجي شي جينپيڭ بىلاي دەپ اتاپ كورسەتتى: ”بۇل _ ءىس جۇزىندە جۇڭگونىڭ ءبىر ەرەكشەلىگى. ءبىز تەكسەرىپ - زەرتتەۋ نەگىزىندە، حالىق تىلەگىنە تولىق قۇرمەت ەتەتىن، سونداي - اق ءىس جۇزىندىككە ۇيلەسەتىن جان - جاقتى، جۇيەلى جوبالاردى العا قويدىق، سونداي - اق ەرەكشە كۇشتى اتقارۋ قۋاتى ارقىلى وسى جوبالاردى تياناقتاندىرامىز“.

جاڭا جوسپار، مىندەتتەر ادامدى ىلگەرىلەۋگە جىگەرلەندىرەدى، ۇلى جوبانىڭ قۇنى ەگجەي - تەگجەيلى تياناقتاندىرۋدا.

”’15 - بەسجىلدىق‘ جوسپار باعدارلاماسىنىڭ جوباسىندا ’جاڭالىق جاراتۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن جەبەۋ ورتاعا قويىلدى‘“. حۋاگۇڭ عىلىم - تەحنيكا كاسىپ سالاسى شەكتى جارنا سەرىكتەستىگى پارتكومىنىڭ شۋجيى، باس جوراسى، ۋاكىل ما شينچياڭ: ”وسى نىسانانى تياناقتاندىرۋدا ءبىز عىلمي زەرتتەۋ، تەحنيكا اشۋ، ينجەنەريالاندىرۋ جانە جەتىستىكتەردى كادەگە جاراتۋ سياقتى بۋىنداردى ارقاۋ ەتىپ، تۇتاس تىزبەكتى جاڭالىق اشۋ ورنالاستىرۋىن جاساپ، جوعارى ءونىمدى، سايكەستى كاسىپ سالاسىندا جاڭالىق اشۋ تۇتاس تۇلعاسىن قۇرىپ، سول ارقىلى جۇڭگو كاسىپ سالاسىنىڭ دۇنيە جۇزىلىك باسەكەلىك قۋاتىن جوعارىلاتۋىمىز كەرەك“ دەگەن ۇسىنىس قويدى.

عىلىم - تەحنيكادا جاڭالىق اشۋ ارقىلى جاڭاشا وندىرگىش كۇشتەردى دامىتۋعا جەتەكشىلىك ەتىپ، ەكونوميكانىڭ توزىمدىلىگى كۇشەيتىلمەك

باس شۋجي شي جينپيڭ مەملەكەتتىك ەكى ماجىلىستە بىلاي دەپ باسا دارىپتەدى: ”جاڭاشا وندىرگىش كۇشتەردى دامىتۋ جوعارى ساپالى دامۋدى ىلگەرىلەتۋدە، ەكونوميكانىڭ باسەكەلىك قۋاتىن كۇشەيتۋدە توتەنشە ماڭىزدى“، ”ەكونوميكانىڭ توزىمدىلىگىن كۇشەيتۋگە ۇزدىكسىز كۇش سالۋىمىز كەرەك“.

عىلىم - تەحنيكادا جاڭالىق جاراتۋ _ جاڭاشا وندىرگىش كۇشتەردى دامىتۋدىڭ وزەكتى فاكتورى. بيىلعى ۇكىمەت قىزمەتىنەن باياندامادا مىنالار العا قويىلدى: ”عىلىم - تەحنيكادا جاڭالىق اشۋدىڭ تۇتاس تىزبەگىنىڭ، تۇتاس تىرشىلىك پەريودىنىڭ فينانستىق قىزمەت وتەۋى كۇشەيتىلەدى“. جىجياڭ حۋجوۋ تايپيڭ ميكرو ەرەكشە ەلەكتر ماشينالارى شەكتى سەرىكتەستىگى زەرتتەۋ - اشۋ ورتالىعىنىڭ مەڭگەرۋشىسى شى ۋىنمەي عىلىم - تەحنيكا، فينانس رەفورماسىنىڭ يگىلىگىن كورۋشى سانالادى.

”عىلىم - تەحنيكا، فينانستا ’دەر كەزىندە جاۋعان جاڭبىر‘ بولعاندىقتان عانا، ءبىز قارجى كەدەرگىسىنەن ءساتتى ءوتىپ، جاڭالىق اشۋدا قامال الۋدى جۇزەگە اسىرا الدىق“. شى ۋىنمەي بىلاي دەدى: ”عىلىم - تەحنيكادا جاڭالىق اشۋ، ەكىنىڭ بىرىندە، جوعارى ۇسىنىلىم، جوعارى حاۋىپ - قاتەرگە بارعاندىق بولىپ تابىلادى. ۇكىمەت قىزمەتىنەن باياندامادان ’15 - بەسجىلدىق‘ جوسپار باعدارلاماسىنىڭ جوباسىنا دەيىن نەگىزدىك زەرتتەۋگە قوسىلىمدى ۇزدىكسىز جوعارىلاتۋ سيگنالى تاراتىلدى. جاڭالىق اشۋ ارقىلى دەم بەرۋ مەحانيزمى رەفورماسىن تەرەڭدەتىپ، جوعارى ساپالى دامۋدىڭ ىشكى قوزعاۋشى قۋاتىن كۇشەيتۋدى ۇسىنىس ەتەمىن“.

جۇڭگو عىلىم اكادەمياسى اۆتوماتتاندىرۋدى زەرتتەۋ ورنىنىڭ اعا زەرتتەۋشىسى، مۇشە ۋاڭ لياڭنىڭ زەرتتەۋى جاساندى زەردە سالاسىنداعى كوپ ۇلگىدەگى ۇلكەن مودەل مەن اقىل - پاراساتقا شوعىرلاندى. ”باس شۋجي شي جينپيڭ مەملەكەتتىك ەكى ماجىلىستە ’عىلىم - تەحنيكادا جاڭالىق اشۋ جەتىستىكتەرىن كادەگە جاراتۋدى، قولدانۋدى ىلگەرىلەتۋدى‘ باسا دارىپتەدى. كاسىپ سالاسى سۇرانىسى _ تەحنيكانىڭ جاڭالانۋىنداعى ەڭ ايقىن بەتالىس“. ۋاڭ لياڭ مىنانى ۇسىنىس ەتتى: ”ءوندىرۋ، وقىتۋ، زەرتتەۋ، قولدانۋ سەلبەستىگىن اناعۇرلىم تەرەڭدەتىپ، الدىڭعى لەكتەگى تەحنيكانىڭ تاجىريبەحانادان ينجەنەريالانۋعا، ونىمگە اينالۋىنا مۇمكىندىك جاساۋ كەرەك“.

”عىلىم - تەحنيكادا جاڭالىق اشۋ جەتىستىكتەرىن جوعارى ونىمدىلىكپەن كادەگە جاراتۋ، قولدانۋ جاعىندا جاڭا جول قاراستىرۋدىڭ تەتىگى _ باس شۋجي شي جينپيڭ اتاپ كورسەتكەن ’وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇتاس ىلگەرىلەتۋ‘“. جيلين داشۋەسى بەتيۋن 3 - شيپاحاناسىنىڭ باستىعى ليۋ لينلين مىنالاردى ۇسىنىس ەتتى: نەگىزدىك عىلمي بايقاۋدان، شەشۋشى تەحنيكادان قامال الۋدان كاسىپ سالاسىندا قولدانۋعا دەيىنگى كەمەلدى جاڭالىق اشۋ تىزبەگىن تۇتاستىرىپ، عىلمي زەرتتەۋ قىزمەتكەرلەرىنىڭ باتىلدىقپەن قامال الىپ، باتىلدىقپەن جاڭالىق اشۋىنا، عىلىم - تەحنيكا جەتىستىكتەرىن كادەگە جاراتۋىنا تۇرتكى بولىپ، عىلىم - تەحنيكادا جاڭالىق اشۋ سىندى ”شەشۋشى اينىمالى شامانى“ جوعارى ساپالى دامۋدىڭ ”ەڭ ۇلكەن ارتۋ مولشەرىنە“ اينالدىرۋ كەرەك.

قاينار كۆانتىنىڭ اعا عالىمى گو گوپيڭ ۇيىرمە باستاپ ەلىمىزدە وندىرىلگەن كۆانتتىق كومپيۋتەر مەڭگەرۋ جۇيەسىن زەرتتەپ جاسادى. ”’15 - بەس جىلدىق‘ جوسپار باعدارلاماسىنىڭ جوباسىندا ’بولاشاق كاسىپ سالاسىن كورەگەندىكپەن ورنالاستىرۋ‘ ورتاعا قويىلدى، كۆانتتىق عىلىم - تەحنيكا _ بولاشاق كاسىپ سالاسىن دامىتۋدىڭ ءتۇيىندى باعىتى“. گو گوپيڭ بىلاي دەدى: ”ءبىز العاشقى جاڭالىق اشۋدى ۇزدىكسىز كۇشەيتىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋعا دەم بەرىپ، ەكونوميكانىڭ سەرپىمدىلىگىن كۇشەيتۋگە ۇلەس قوسامىز“.

دۇرىس قىزمەت ناتيجەسى كوزقاراسىن ورناتىپ جانە امالياتتا ايگىلەپ، حالىق تۇرمىسىن قامتاماسىز ەتۋ جانە جاقسارتۋ كەرەك

3 - ايدىڭ 5 - كۇنى باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ”دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن مۇقيات ۇيىمداستىرىپ جانە ورىستەتىپ، بارشا پارتيالى كادرلاردى ’جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋ‘ جالپى تالابىن تياناقتاندىرۋعا جەتەكتەپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋ كەرەك“.

”پارتيالى كادرلاردىڭ قىزمەت ىستەۋىنىڭ، ناتيجە جاراتۋىنىڭ شىعار ءتۇيىنى مەن تابان تىرەر تياناعى تۇگەلدەي حالىقتىڭ ىرىسىن ارتتىرۋ ءۇشىن“. ءبىز، ءسوز جوق، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ناقتى ىستەۋ ارقىلى حالىقتىڭ ءۇمىتىن اقتاۋىمىز كەرەك“. گۋاڭشي فاڭچىڭگاڭ قالالىق پارتكومنىڭ شۋجيى، ۋاكىل حۋاڭ جياڭ بىلاي دەدى: ”ءبىز اۋدان ءوڭىرى ەكونوميكاسىنىڭ جوعارى ساپالى دامۋىندا تىڭ تابىستارعا قول جەتكىزىپ، شەكارا تۇرعىندارى باي، شەكارا وتكەلى كوركەم، شەكارا ءوڭىرى ورنىقتى، شەكارا قورعانىسى بەرىك شەكارا وتكەلى قالاسىن قۇلشىنا قۇرامىز“.

گۇيجوۋ ولكەسى حىجاڭ اۋداندىق حالىق ۇكىمەتى پارتيا باسشىلىق گرۋپپاسىنىڭ مۇشەسى، اكىمنىڭ ورىنباسارى، ۋاكىل فۋ چيڭمەي بىلاي دەدى: ”باس شۋجي شي جينپيڭ ’شىنايى يگەرىپ، ناقتى ىستەۋدى‘ قايتا - قايتا باسا دارىپتەدى. ءبىز قىزمەتتى تىڭعىلىقتى ورىستەتىپ، تاۋ - وزەن بايلىعىن تياناق ەتىپ، باستاماشى بولۋدى، جەتەكتەۋدى كۇشەيتىپ، عىلىم - تەحنيكالىق قوزعاۋشى قۋات ۇستەپ، اۋىل - قىستاقتىڭ جاپپاي گۇلدەنۋىنە دەم بەرۋىمىز كەرەك“.

جىجياڭ ولكەسى حاڭجوۋ قالاسى شاڭچىڭ رايونى شياۋيىڭ ءمالى باسقارماسى شياۋيىڭ كوشەسى الەۋمەتتىك اۋماعى كوپ ءتۇرلى شارانى قاتار قولدانىپ، جالعىز تۇراتىن پاناسىز قارتتارعا كوڭىل ءبولىپ، قامقورلىق جاسادى. ”حالىقتى باقىتقا كەنەلتۋ _ ەڭ ۇلكەن ناتيجە، ءبىز قارتتارعا ۇيلەسىمدى ەتىپ جاڭالاۋعا اناعۇرلىم ءمان بەرىپ، بۇقارانىڭ قاجەتىن، ارمان - تىلەگىن مىندەت اتقارۋدىڭ ءتۇيىنى ەتىپ، ناقتى ءىس ىستەۋ، جاۋاپكەرشىلىك ارقالاۋ ارقىلى تاماشا جوبانى رەالدىققا اينالدىرامىز“ دەدى شياۋيىڭشياڭ الەۋمەتتىك اۋماعى پارتكومىنىڭ شۋجيى، ۋاكىل ساۋ چىن.

”وسىزامانداندىرۋدىڭ ەڭ ماڭىزدى كورسەتكىشى _ حالىقتىڭ سالاماتتىعى“، 2035 - جىلعا بارعاندا سالاماتتى جۇڭگو قۇرۋ − پارتيا ورتالىق كوميتەتىنىڭ ستراتەگيالىق شەشىمى.

حالىق بۇقاراسىنىڭ كۇن سايىن ارتىپ وتىرعان كوپ نەگىزدى دەنساۋلىق ساقتاۋ، سالاماتتىق قاجەتى الدىندا بەيجيڭ داشۋەسى 1 - شيپاحاناسى مييۇن شيپاحاناسىنىڭ بۇرىنعى باستىعى ۋاڭ گۋاڭفا بىلاي دەدى: ”پارتيامىز حالىق ءۇشىن قىزمەت ىستەيدى، ساپالى ەمدەۋ بايلىعىنىڭ قامتۋ كولەمىن بارعان سايىن كەڭەيتۋ كەرەك“. سولتۇستىك جۇڭگو جاراتىلىستىق عىلىمدار داشۋەسىنە قاراستى شيپاحانا باستىعىنىڭ ورىنباسارى، قوسىمشا جۇرەك اۋرۋلارى ورتالىعىنىڭ مەڭگەرۋشىسى، ۋاكىل جاڭ چي بىلاي دەدى: ”ەمدەۋ قىزمەت وتەۋ دەڭگەيىن شىنايى جوعارىلاتىپ، حالىق بۇقاراسىنىڭ ءومىرىن، سالاماتتىعىن قورعاۋ كەرەك“.

شاندۇڭ گوچينداۋ ادۆوكاتتار باسقارماسىنىڭ باس سەرىكتەسى، مۇشە لي ليانشياڭنىڭ مىندەت وتەۋدەگى ءتۇيىنى _ ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ، ول: ”تەكسەرۋ - زەرتتەۋ بارىسىندا مەن كوپتەگەن جەدەل جەتكىزۋشىلەردىڭ ەڭبەك قاتىناسى ناشار بولۋ سياقتى ماسەلەلەرگە ءدوپ كەلگەندىگىن بايقادىم. پروكۋراتۋرا ورگاندارىنىڭ ايىپتاۋدى قولداۋ قىزمەت تەبىنىن ارتتىرىپ، جاڭا جۇمىستانۋ فورماتسياسىنداعى ەڭبەكشىلەردى قامتاماسىزداندىرۋ تورىن تىعىز توقۋىن ۇسىنىس ەتەمىن“ دەدى.

(«حالىق گازەتىنىڭ» تىلشىلەرى لي لينۋەي، ۋاڭ ميڭفىڭ، ياڭ يانفەي، لي شينپيڭ، ۋ جۇن، لياڭ زىليڭ، حۋا لۋيۋە، جىڭ جىۋىن، لي جۇنجيە، جۋ جياچي، چىن جۇي - ي، چي يۇيكۇن، ليۋ جۇنگو، ياڭ شياۋيۇي، يان ي - چياۋ)