باتەريا وزىنە تاۋەلدى ”جەكەلىك كۋالىككە“ يە بولدى! ەلىمىز كولەمىندەگى قوزعاۋشى كۇشتىك باتەريالاردىڭ كەلۋ قاينارىن سۇراستىرۋ تەكشەسى 4 - ايدىڭ 1 – كۇنى ينتەرنەتكە شىعارىلدى 

4 – ايدىڭ 1 – كۇنى، بۇكىل ەلىمىز كولەمىندەگى جاڭا ەنەرگيالى اۆتوموبيلدەردى قوزعاۋشى كۇشپەن قامدايتىن باتەريانىڭ كەلۋ قاينارىن ىزدەۋ ينفورماتسيالار تەكشەسى رەسمي ىسكە قوسىلىپ، ەلىمىزدىڭ جاڭا ەنەرگيالى اۆتوموبيل كاسىبى سالاسىنىڭ جاسىل تيپتى اينالىمدى دامۋىنا مەملەكەتتىك دارەجەدەگى ينفورماتسيالار تەكشەسىندىك تىرەك ازىرلەيدى.

ءتىلشىنىڭ بايقاۋىنشا، بۇل تەكشە قوزعاۋشى كۇشپەن قامدايتىن باتەريانىڭ سيفرلى سالاۋاتتىق ينفورماتسياسىن نەگىزگى تاسىمال قۇرالى ەتىپ، قوزعاۋشى كۇشپەن قامدايتىن ءاربىر باتەريانى تاڭبالاپ، كاسىپ سالاسىنىڭ جوعارعى – تومەنگى تىزبەگىندەگى ساندى مالىمەتتەر ينفورماتسياسىن ينتەرنەتكە شىعارۋ جولىمەن، قوزعاۋشى كۇشپەن قامدايتىن باتەريانىڭ اينالىمىن تىزبەك بويىنشا ىزدەۋدى ىسكە اسىرعان. مامانداردىڭ ايتۋىنشا، بۇل ينفورماتسيالار تەكشەسى ءتورت نەگىزگى يقۋاتتى قامتيدى، قوزعاۋشى كۇشپەن قامدايتىن باتەريا، جاڭا ەنەرگيالى اۆتوموبيل، باتەريا الماستىرۋ قىزمەتى، موتورلى كولىكتەردى جوندەۋ، كەرەكتەن قالدىرىلعان موتورلى كولىكتەردى قايتارىپ الۋ جانە قايتا پايدالانۋ قاتارلى كاسىپتەرمەن شۇعىلداناتىن كاسىپورىنداردىڭ قوزعاۋشى كۇشپەن قامدايتىن باتەريا ساندى مالىمەتتەرىنە باعىتتاي وتىرىپ، قوزعاۋشى كۇشپەن قامدايتىن باتەريانىڭ تۇتاس جارامدىلىق بارىسى بويىنشا ينفورماتسيالار توسالعىسىن جالپى بەتتىك جويادى.

جۇڭگو اۆتوموبيل تەحنيكاسىن زەرتتەۋ ورتالىعىنىڭ باس مامانى ۋاڭ پان بىلاي دەدى: تەكشە ىسكە قوسىلعاننان كەيىن، قوزعاۋشى كۇشپەن قامدايتىن باتەريا كاسىبى سالاسى تىزبەگىندەگى قاتىستى كاسىپورىندار بەلگىلەمە بويىنشا ءوندىرۋ، اۆتوموبيلعا ورناتۋ، ساتۋ، كەرەكتەن قالدىرۋ، جيناپ الۋ، پايدالانۋ قاتارلى جالپى بارىستاعى ينفورماتسيالاردى ينتەرنەتكە شىعارىپ، جاۋاپكەرشىلىك تىزبەگىنىڭ تۇيىق اينالىمىن ىلگەرىلەتۋى كەرەك. تومەنگى تىزبەكتەگى قايتارىپ الۋ – پايدالانۋمەن شۇعىلداناتىن كاسىپورىنداردىڭ تەحنيكا جاعىنداعى ينفورماتسيانى دالمە - ءدال تەكسەرۋىنە بولادى، قالدىق قۇندى باعالاۋ ونىمدىلىگىن جوعارىلاتىپ، قامداۋ تىزبەگىنىڭ جاريالىلىعىن ىلگەرىلەتەدى.

مۇنان سىرت، مامانداردىڭ ايتۋىنشا، ەلىمىزدىڭ ۇكىمەتتىك باسقارۋشى تاراۋلارى بۇكىل ەلىمىز كولەمىندەگى اۆتوموبيلدى قوزعاۋشى كۇشپەن قامدايتىن باتەريانىڭ كەلۋ قاينارىن سۇراستىرۋ ينفورماتسيالار تەكشەسى ارقىلى دەر كەزىندە باقىلاۋ – باسقارۋ، حاۋىپ – قاتەر جونىندە الدىن الا دابىل قاعۋ جانە ساندى مالىمەتتەردى ءبىرتۇتاس جوسپارلاۋدى ىسكە اسىرىپ، زاڭسىز پارشالاۋعا ءونىمدى سوققى بەرىپ، بازار ءتارتىبىن جۇيەگە ءتۇسىرىپ، سالانىڭ جۇيەلى، سيفرلى، جاسىل تيپتى دامۋىن ىلگەرىلەتەدى.

كەلۋ قاينارى: حالىق تورابى