ەلىمىزدىڭ كوتەرىمدىلىگى 7 توننالىق دەڭگەيدەگى تۇڭعىش ۇشقىشسىز تاسىمال ۇشاعى چاڭيڭ – 8 تۇڭعىش رەت ءساتتى ۇشىرىلدى 

سۋرەتتە: 3 – ايدىڭ 31 – كۇنى، ۇشقىشسىز تاسىمال ۇشاعى چاڭيڭ – 8 حىنان ولكەسى جىڭجوۋ قالاسى شاڭجيە اۋەجايىندا سىناق رەتىندە ۇشىرىلدى.

3 – ايدىڭ 31 – كۇنى تۇستەن بۇرىن، ەلىمىزدىڭ كوتەرىمدىلىگى 7 توننالىق دەڭگەيدەگى تۇراقتى قاناتتى ۇشقىشسىز تاسىمال ۇشاعى چاڭيڭ – 8 جىڭجوۋ شاڭجيە اۋەجايىندا تۇڭعىش رەت ءساتتى ۇشىرىلدى.

چاڭيڭ – 8 ۇشقىشسىز تاسىمال ۇشاعى ەلىمىزدەگى ناقتى ۇشاقپەن سىناقتان وتكىزىلگەن كوتەرىمدىلىگى 7 توننالىق دەڭگەيدەگى تۇڭعىش ۇشقىشسىز تاسىمالداۋ تەكشەسى بولىپ، ”اۋادەگى اۋىر جۇك اۆتوموبيلى“ دەپ اتالىپ، ەلىمىزدە 7 توننالىق دەڭگەيدەگى جۇك تاسىمالداۋ ۇشقىشسىز ۇشاعى بولماۋ بوستىعىن تولتىرىپ، ەلىمىزدىڭ جوعارى دەڭگەيدەگى زەردەلى اۆياتسيالىق زات اينالىمى قۇرال – جابدىقتارى سالاسىندا شەشۋشى سيپاتتى دەربەس تەحنولوگيالىق جەتىستىككە قول جەتكىزگەنىن كورسەتەدى.

بۇل ۇشقىشسىز تاسىمال ۇشاعى ۇزاق ارالىققا زات تاسىمالداۋ، شۇعىل جاعدايدا قۇتقارۋ بۇيىمدارىن جەتكىزۋ، شەكارالىق وڭىرلەردى قاجەتتى زاتپەن قامداۋ، جەر بەدەرى كۇردەلى وڭىرلەردە مىندەت اتقارۋ قاتارلى جاقتاردا قولدانىلادى، تومەن كەڭىستىكتىك ەكونوميكانىڭ دامۋىنا، شۇعىل جاعدايدا قامتاماسىزداندىرۋ جۇيەسى قۇرىلىسىن جابدىقتاۋعا تىرەك بولىپ، ەڭ ۇزاق ۇشۋ ارالىعى 3000 كيلومەتردەن اسادى.

شينحۋا اگەنتتىگىنىڭ ءتىلشىسى حاۋ يۋان فوتوسى

كەلۋ قاينارى: حالىق تورابى