مەكتەپ اۋلاسىنداعى ازىق – تۇلىك حاۋىپسىزدىگىن قورعاۋ جاعىندا وقۋ – اعارتۋ مينيسترلىگى ”10 ءتۇرلى شارتتى“ تۇراقتاندىردى 

ءتىلشىنىڭ 3 – ايدىڭ 30 – كۇنى وقۋ – اعارتۋ مينيسترلىگىنەن ۇعىسۋىنشا، ”مەكتەپ تاعامىن“ ارناۋلى جونگە سالۋ ناتيجەسى مەن ونىمدىلىگىن بەكەمدەۋ جانە تەرەڭدەتۋ، مەكتەپ اۋلاسىنداعى ازىق – تۇلىك حاۋىپسىزدىگىن باسقارۋدى ۇزدىكسىز كۇشەيتۋ ءۇشىن، وقۋ – اعارتۋ مينيسترلىگىنىڭ كەڭسە مەڭگەرمەسى جۋىردا «مەكتەپ اۋلاسىنداعى ازىق – تۇلىك حاۋىپسىزدىگىنە قاتىستى ”10 ءتۇرلى شارتتى“» جانە «مەكتەپ اسحاناسىنداعى قىزمەتكەرلەرگە قاتىستى ”10 ءتۇرلى تيىمدى“» جاريالادى.

«مەكتەپ اۋلاسىنداعى ازىق – تۇلىك حاۋىپسىزدىگىنە قاتىستى ”10 ءتۇرلى شارتتا“» مىناداي 10 ءتۇرلى تالاپ ورتاعا قويىلعان: ازىق – تۇلىك تيجاراتىمەن شۇعىلدانۋشىلار، ءسوزسىز، زاڭ بويىنشا رۇقسات كۋالىگىن الۋى كەرەك، الەۋمەتتىك يگىلىك سيپاتىندا بولۋ پرينسيبىندە، ءسوزسىز، تاباندى بولۋى كەرەك، ازىق – تۇلىك حاۋىپسىزدىگىنە قاتىستى جاۋاپكەرشىلىك ءتۇزىمىن، ءسوزسىز، تياناقتاندىرۋى كەرەك، اسحانا قىزمەتكەرلەرىنىڭ دەنساۋلىعىن باسقارۋ مەن تاربيەلەۋ – باعالاۋ قىزمەتىن، ءسوزسىز، قاتاڭ ورىستەتۋى كەرەك، ازىق – تۇلىك ماتەريالدارىن، ءسوزسىز، قاتاڭ بەلگىلەمە بويىنشا ساتىپ الۋى كەرەك، كىرگىزگەن زاتتاردى تەكسەرىپ وتكىزىپ الۋ مەن ەستەلىككە الۋ ءتۇزىمىن، ءسوزسىز، اتقارۋى كەرەك، حاۋىپ - قاتەرى جوعارى ازىق – تۇلىكتەردى جاساۋعا جانە ساتۋعا، ءسوزسىز، قاتاڭ تيىم سالۋى كەرەك، ىدىس – اياقتاردى جۋۋ – ديزەنفەكسيالاۋدى، ءسوزسىز، قاتاڭ ولشەم بويىنشا ورىستەتۋى كەرەك، بىرگە تاماقتانۋ ءتۇزىمى، ءسوزسىز، فورماشىلدىق كۇيىندە قالماۋى كەرەك، ازىق – تۇلىك حاۋىپسىزدىگىنە ساياتىن شىرعالاڭداردى، ءسوزسىز، ولشەم بويىنشا ءبىر جاقتى ەتۋى كەرەك.

«مەكتەپ اۋلاسىنداعى ازىق – تۇلىك حاۋىپسىزدىگىنە قاتىستى ”10 ءتۇرلى شارتتاعى“» بەلگىلەمەگە ساي، مەكتەپتىڭ ءوزى دەربەس تيجارات جۇرگىزەتىن اسحاناسى پايدا تابۋدى ماقسات ەتپەۋى كەرەك، اۋىل – قىستاقتاعى مىندەتتى وقۋ – اعارتۋ كەزەڭىندەگى قورەكتىكتى جاقسارتۋ جوسپارى اتقارىلعان مەكتەپتەردىڭ اسحاناسى سىرتتاعىلارعا كوتەرمەگە بەرىلمەيدى نەمەسە امانات بويىنشا تيجارات جۇرگىزۋگە بەرىلمەيدى؛ ورتا – باستاۋىش مەكتەپتەردەگى، بالالار باقشالارىنداعى اسحانالاردىڭ سۋىق قۋىرداق تۇرىندەگى ازىق – تۇلىكتەردى، شيكىدەي جەۋگە بولاتىن ازىق – تۇلىكتەردى، توڭازىتىپ مانەرلەنگەن بالكۇلشەلەردى جاساپ ساتۋىنا بولمايدى، بادانا، سارى جوڭىشقا، جابايى ساڭىراۋقۇلاق، كوكتەگەن كارتوپ قاتارلى حاۋىپ - قاتەرى جوعارى ازىق – تۇلىكتەردى مانەرلەپ جاساۋىنا بولمايدى.

سونىمەن بىرگە، «مەكتەپ اسحاناسىنداعى قىزمەتكەرلەرگە قاتىستى ”10 ءتۇرلى تيىمدا“» مىناداي تالاپتار ورتاعا قويىلعان: كۇشكە يە دەنساۋلىق كۋالىگى بولماعان ادامداردىڭ تىكەلەي اۋىزعا سالىناتىن ازىق – تۇلىككە قول تيگىزەتىن جۇمىستارمەن شۇعىلدانۋىنا بولمايدى، تازا جۇمىس كيىمىن، باس كيىمىن كيمەي، ماسكى تاقپاي جانە قولىن جۋىپ تازالاماي تۇرىپ ازىق – تۇلىكتى مانەرلەۋ جۇمسىمەن شۇعىلدانۋىنا بولمايدى، ازىق – تۇلىكتەردىڭ شيكىسى مەن پىسقانىن ارالاستىرۋعا، قۇرال – جابدىقتاردى ارالاستىرىپ پايدالانۋعا بولمايدى.

كەلۋ قاينارى: حالىق تورابى