وقۋ – اعارتۋ مينيسترلىگى: 3 جىل ىشىندە شۇعىل قۇتقارۋ وقۋ – اعارتۋ نەگىزى ءالسىز رايوندارداعى ورتا، باستاۋىش مەكتەپتەرگە AED بەرىلەدى

تاياۋدا وقۋ – اعارتۋ مينيسترلىگى كەڭسەسى «<ءومىردى قورعاۋداعى ءبىرىنشى ساباق> الەۋمەتتىك يگىلىك نىسانى قىزمەتىن ورىستەتۋ جونىندەگى ۇقتىرۋدى» باسىپ تاراتىپ، الەۋمەتتىك يگىلىك سيپاتىنداعى جىلۋ اتاۋ قاتارلى تاسىلدەر ارقىلى جەر – جەردىڭ شۇعىل قۇتقارۋ بىلىمدەرىن جالپىلاستىرۋ، شۇعىل قۇتقارۋ قۇرىلعىلارىن دايىنداۋ، قۇتقارۋ ونەرىنە باۋلۋ سياقتى قىزمەتتەردى ىشكەرىلەي ورىستەتۋىنە قولداۋ كورسەتىپ، جاستار مەن ورەندەردىڭ ءومىرى مەن دەنساۋلىعىن شىنايى قورعاۋدى ايتتى.

نىساننىڭ اتقارىلۋ پەريودى 3 جىل، 3 مەرزىمگە ءبولىنىپ، بۇكىل ەلدەگى 31 ولكە، قالا، اۆتونوميالى رايوندى جانە شينجياڭ ءوندىرىس ـ قۇرىلىس بيڭتۋانىن قامتيدى. نەگىز جاقتان مىندەتى: شۇعىل قۇتقارۋ اسپاپتارى ءالسىز رايوندارداعى ورتا، باستاۋش مەكتەپتەرگە اۆتوماتتى دەنە سىرتىنان سوقتىرۋ اسپابىن (AED) بەرەدى، قايسى رايون، اۋدانداردا شۇعىل قۇتقارۋ وقۋ - اعارتۋى قىزمەت كەڭسەسىن قۇرادى ءارى ۇلگى ماشىق اسپاپتارىن دايىندايدى؛ ءاربىر قىزمەت كەڭسەسىنە كاسىپتىك وقىتۋشىلار جەتىلدىرەدى؛ بولەكتەرگە ءبولىپ وقۋشىلاردى شۇعىل قۇتقارۋ بىلىمدەرىن ۇيرەنۋ جانە قابىلەت ماشىعىن قانات جايدىرۋعا ۇيىمداستىرادى؛ ۇقساماعان وقۋ بولەگىندەگى ساباق بايلىعىنىڭ ۇيلەسىمدىلىگىن زەرتتەپ جاساپ، مامانداردىڭ شۇعىل قۇتقارۋ ەرىكتىلەر قويماسى مەن مەكتەپ اۋلاسىنداعى ”شۇعىل قۇتقارۋ شەڭبەرىن“ قۇرىپ، شابىتتاندىرۋ مەحانيزمى ارقىلى وقىتۋشى - وقۋشىلاردى شۇعىل قۇتقارۋعا قاتىناسۋعا شابىتتاندىرادى.

كەلۋ قاينارى: حالىق تورابى