بولاشاق قالانىڭ جاڭا تولقىنى كوتەرىلدى

”15 - بەسجىلدىقتىڭ“ باستالعان جىلى حىبەي شيۇڭ - ان جاڭا رايونىندا جاڭا ىستەر ۇزدىكسىز باستالدى −

بەيجيڭ - تيانجين - حىبەيدىڭ تاپسىرىس بويىنشا تەز قارقىندى باجيڭشيۇڭ جالپىلىق قىزمەت وتەۋ جەلىسى ىسكە قوسىلىپ، فاكتورلاردىڭ اينالىمى اناعۇرلىم قولايلى بولدى؛ تۇڭعىش جەر استى كەڭىستىگىندەگى ءۇش ولشەمدى قوزعالمايتىن مال - مۇلىك ۇقىعى كۋالىگى تاراتىلىپ، ەگجەي - تەگجەيلى باسقارىلىپ، جاڭا جول قاراستىرىلدى؛ شيۇڭ - ان حالىقارالىق اۋە پورتى رەسمي ىسكە قوسىلىپ، ادامدار ىرگەدەگى حالىقارالىق اۆياتسيا تورابى قولايلىلىعىنان بارىنشا يگىلىكتەندى ...

جاڭالىق اشۋ فاكتورلارىنىڭ شوعىرلانۋىنا، جاڭالىق اشۋ كۇشتەرىنىڭ جەتىلۋىنە كۋا بولدى.

3 - ايدىڭ 23 - كۇنى باس شۋجي شي جينپيڭ شيۇڭ - ان جاڭا رايونىنا بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، اڭگىمە ءماجىلىسىن وتكىزدى؛ جوبا جاساپ، جەتەكشىلىك ەتتى، ”شيۇڭ - ان جاڭا رايونىنىڭ بەيجيڭنىڭ بەياستانالىق فۋنكتسيالارىن سەيىلتۋدى شوعىرلى مىندەتىنە العان جەر رەتىندەگى باستى فۋنكتسيالىق ورنىن مىقتاپ يگەرۋ كەرەك“، ”جاڭا داۋىردەگى جاڭالىق اشۋ بيىگىن جانە جوعارى ساپالى دامۋدى ىلگەرىلەتۋ ۇلگىسىن قۇلشىنا قۇرۋ كەرەك“.

سەيىلتۋدەن جاڭا بەينە جاراتىلىپ، بولاشاققا قادام تاستادى. شيۇڭ - انعا بارساڭىز، بولاشاق قالادا جاڭا تولقىننىڭ كوتەرىلگەنىن بايقايسىز.

”سەيىلتۋدىڭ“ اۋەلگى ماقساتىن ەستە بەرىك ساقتاپ، وسىزاماندانعان قالانىڭ جاڭا ۇلگىسى اشىلدى

”قالا اۋرۋى“ جوق بولاشاق قالانى قالاي قۇرۋ كەرەك؟

”سەيىلتۋدىڭ“ اۋەلگى ماقساتىن ەستە بەرىك ساقتاعان شيۇڭ - ان جوعارى ولشەمدى جوبالاۋدىڭ، جوعارى ساپالى قۇرىلىستىڭ، جوعارى دەڭگەيلى باسقارۋدىڭ جاڭا ۇلگىسىن اشتى.

بىرنەشە كۇننىڭ الدىندا، شيۇڭ - ان جاڭا رايونى ىسكە قوسىلعان اۋارايى ءىرى مودەلىنە جالعاندى، بۇنىمەن ”ءتورت ماۋسىمدا 20 ءتۇرلى“ ورتا تازالىعى ساپاسىن باعالاۋ ۇلگىسىن الدىمەن ىسكە قوسىپ، اۋا رايى جاعدايىنا قاراي سول كۇنگى ۇلگىنى اۆتوماتتى قالىپتاستىرىپ، ورتا تازالىعى جۇمىس شارالارى مەن ۋاقىتىن عىلمي ورنالاستىرىلادى. ”بۇلت ۇستىندەگى قالا“ سيفرمەن بىرگە ءومىر سۇرەتىن بولدى. ”شيۇڭ - ان كوزىنە“ جينالعان قالالاردىڭ اينالىم ساندى مالىمەتى 40 ميلليارد تارماقتان اسىپ، تۇتاس ءوڭىر بويىنشا سيفرلى قالا مەن رەال قالانى قاتار قۇرىپ، ءاربىر قۇرىلىس، ءاربىر جول، ءاربىر جول شىراقتارى ءبىر - بىرلەپ سايكەسىمىن تاپتى. سيفرلى تەحنيكا ارقىلى قالانىڭ ەگجەي - تەگجەيلى باسقارۋىنا قىزمەت وتەلەتىن بولدى.

جاڭا رايون جوباسىن جاساۋعا باستان - اياق ات سالىسۋدا جۇڭگو قالا جوباسىن جوبالاۋ - زەرتتەۋ ورنى شيۇڭ - ان زەرتتەۋ ورنىنىڭ اتقارۋشى باستىعىنىڭ ورىنباسارى يىن حۇيلياڭ ”ءاربىر سۇيەم جەردى انىق جوبالاعاننان كەيىن قۇرىلىس باستايتىن“ سابىرلىلىق پەن تاباندىلىققا كۋا بولدى. مىنا ءبىر جاي - جاپسار وعان تەرەڭ اسەر قالدىردى: جوبا جاساعاندا، بالالاردىڭ مەكتەپكە بارىپ - كەلۋىنە ارنايى ”وقۋشىلار جولى“ كەڭىستىگىن قالدىرىپ، بالالاردىڭ باقشاداعى جاسىل القاپتان ءوتىپ ۇيىنە امان - ەسەن جەتۋىنە مۇمكىندىك جاسالدى.

قۇرىلىسقا كوز جىبەرسەك، مىڭداعان عيمارات بوي كوتەرۋمەن بىرگە، ”بارلىق عيمارات قۇرىلىسى سيفرلى مودەل قۇرۋ مەن زەردەلى جاساۋ تۇعىرىنا سۇيەنىپ، ماتەريال الاڭىنا كىرۋدەن ورناتۋ دالدىگىنە دەيىنگى جالپى بارىستى ينتەرنەتتە باقىلاۋ - مەڭگەرۋدى جانە قۋزاستىرۋدى جۇزەگە اسىردى“. شيۇڭ - ان جاڭا رايونى قۇرىلىس جانە قاتىناس باسقارۋ مەكەمەسىنىڭ باستىعى ياڭ سۇڭ بىلاي دەپ تانىستىردى: ”’شيۇڭ - ان ساپاسى‘ ءاربىر كەرپىش پەن قاڭىلتاق كەرپىشتى، ءاربىر ارقالىقتى ساباقتاستىرۋعا كەپىلدىك ەتتى“.

مەملەكەتتىك كەڭەس ورنالاستىرعان 42 ءتۇيىندى ”ءبىر ءىس“ تۇگەلدەي تياناقتاندى، 8 جاڭا رايوننىڭ ەرەكشەلىگىندەگى ”ءبىر ءىس“ كورىنىسى ءبىر ۋاقىتتا جارىققا شىقتى، بەيجيڭ مەن شيۇڭ - اننىڭ 278 ءتۇرلى اكىمشىلىك قىزمەت وتەۋى ”ءبىر قالادا“ ءبىر جاقتى ەتىلدى... ”جۇمىس بىتىرۋدە ’باسقالارعا جالىنباۋ، تەكسەرىپ بەكىتۋدە كەدەرگىسىز بولۋ، ەڭ كوپ بولعاندا ءبىر رەت بارۋدى‘ شيۇڭ - اننىڭ ماڭىزدى بەلگىسىنە اينالدىرۋعا قۇلشىندىق“ دەدى شيۇڭ - ان جاڭا رايونى تيجارات - ساۋدا ورتاسى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى گاۋ ليچۇن تانىستىرىپ، شيۇڭ - ان جاڭا رايونى ”بەيجيڭنىڭ ءىسىن شيۇڭ - اندا دا بىتىرۋگە بولادى“ دەيتىن قىزمەت وتەۋ كولەمىن ۇزدىكسىز كەڭەيتىپ، ءوڭىر اتتاپ ءبىر جاقتى ەتىلەتىن ىستەردى بارىنشا ارتتىرىپ، سەيىلتۋ وبيەكتىلەرى مەن بۇقارانىڭ ءىس بىتىرۋدەگى قولايلىلىعىن ۇزدىكسىز جوعارىلاتتى.

”سەيىلتۋ“ ورايىن مىقتى يگەرىپ، كاسىپ سالاسىن دامىتۋدا جاڭالىق اشۋ بيىگىن قالىپتاستىردى

جۇڭگو تەلەگرابى زەردەلى قالا كاسىپ باقشاسى، جاڭا رايون تۇڭعىش توپتاعى بازارلانعان 3 سەيىلتۋ نىسانىنىڭ ءبىرى بولىپ، لي شيحۋان ىستەيتىن جۇڭگو تەلەگرافى سيفرلى قالا عىلىم - تەحنيكا شەكتى سەرىكتەستىگى وسى اراعا ىرگە تەپكەن. ول قول تەلەفونىن اشىپ، ساقتاپ جۇرگەن ەكى پارشا سۋرەتتەن شيۇڭ - اننىڭ كۇن سايىن جاڭالانىپ دامىعانىن كوردى: ءبىرى، 2021 - جىلى، كاسىپ باقشاسىنىڭ ىرگە تاسى قالانعان، قۇرىلىس ورنىنىڭ سۋرەتى بولسا؛ ەندى ءبىرى، 2024 - جىلى، كاسىپ باقشاسى ىسكە قوسىلىپ، عيماراتتاردىڭ ەڭسە كوتەرگەن سۋرەتى ەدى.

عيماراتتار ”ەڭسە كوتەردى“، وراي دا پىسىپ - جەتىلدى. جۇڭگو تەلەگرابى سيفرلى قالا عىلىم - تەحنيكا شەكتى سەرىكتەستىگىنىڭ شيۇڭ - ان جاڭا رايونىندا ات سالىسقان كورىنىس نىساندارى بارعان سايىن كوبەيىپ، زەردەلى قاتىناس، زەردەلى باقشا رايونى، زەردەلى قالا سياقتى سالالاردى قامتىدى، قاتىستى قۇرىلىس جەتىستىكتەرى باسقا قالالارعا جالپىلاستىرىلدى. وتكەن جىلى 3 - ايدا لي شيحۋان شيۇڭ - ان دارىندىلار اقىل - پاراسات تۇعىرىنىڭ قىزمەت وتەۋ تۇعىرىنان ”شيۇڭ - ان تالانت كارتوچكاسىن“ الدى، ”وسى كارتوچكامەن جاڭا رايوندا الەۋمەتتىك قاتىناسقا تەگىن وتىرۋعا بولادى، تۇراقتى شيپاحانالارعا، كەيبىر قاتىناس توراپتارىنا بارۋدىڭ دا جاسىل ارناسى بار“.

”ءبىز جاڭا رايونمەن بىرگە ەسەيىپ - ەرجەتتىك“ دەدى لي شيحۋان اسەرلەنە، سەرىكتەستىك العاش قۇرىلعان كەزدە 30 نەشە ادام عانا بار ەدى، قازىر 500 دەن استام ادامعا جەتىپ، جالپى تيجارات سوماسى 100 ميلليون يۋاننان استى.

جۇڭگو حۋانىڭ توبى سوڭعى جىلداردان بەرى جاڭا ەنەرگيا سالاسىندا ۇزدىكسىز ءورىس اشا جاڭالىق جاراتتى. وتكەن جىلى 10 - ايدا توپتىڭ باس شتابى مەن قاتىستى بولىمشە سەرىكتەستىكتەرىنەن مىڭنان استام قىزمەتكەر شيۇڭ - انعا ىرگە تەپتى، توپتىڭ باس ەكونوميسىنىڭ ورىنباسارى لي لايلۇڭ بىلاي دەدى: ءبىزدىڭ ورايىمىز ”دامۋ تاسىلىندە جاسىل، تومەن كومىرتەكتى بولۋعا بۇرىلىس جاساۋدى جەدەلدەتۋ“ سىندى ساياساتتىق بەتالىس پەن ”مىڭ جىلدىق ۇلى جوسپار“ سىندى مەملەكەتتىك ستراتەگيادا. قازىر ورتالىقتىڭ ەنەرگيا كاسىپورىندارى شيۇڭ - انعا شوعىرلانىپ، جاسىل ەنەرگيا كاسىبى شوعىرلانعان اۋقىم قالىپتاستىرىپ، ”ورتالىق كاسىپورىندارىنىڭ باس شتابى + زەرتتەۋ - اشۋ بازاسى + سايكەستى كاسىپورىن“ دامۋ جاعدايى العاشقى ادىمدا قالىپتاستىرىلدى.

شيۇڭ - اندا كەڭىستىك ينفورماتسياسى، جاساندى زەردە، سيفرلى عىلىم - تەحنيكا سياقتى جاڭادان گۇلدەنگەن كاسىپ سالالارى مەن بولاشاق كاسىپ سالالارى قالىپتاسىپ، كۇش توپتالىپ، اۋقىم قالىپتاستىرىلىپ، 2000 نان استام عىلىم - تەحنيكا كاسىپورنى تامىر تارتىپ، جەتىلىپ، زورايدى ...

”سەيىلتۋدىڭ“ بىرىككەن كۇشىن توپتاپ، سايكەستى دامۋدىڭ جاڭا قوزعاۋشى كۇشىن تۋىنداتتى

”شياۋدى، جاڭبىر جاۋىپ تۇر ەكەن“ دەگەن بۇيرىقتى ەستىگەن مەحانيكالىق قول دەرەۋ جاۋاپ قايتارىپ، زاتتاردىڭ ىشىنەن قول شاتىردى الىپ شىقتى. ميكاماند (شيۇڭ - ان) قۇلتەمىر عىلىم - تەحنيكا شەكتى جارنا سەرىكتەستىگىندە، مەحانيكالىق بىلەكتە ”كوز“، ”ۇلكەن مي“ جانە ”يكەمدىلىك“ سايكەستىرىلگەن بولىپ، ورتانى پارىقتاي الادى، بۇيرىقتى تۇسىنە الادى ءارى دەرەۋ اتقارادى ەكەن.

2024 - جىلى 9 - ايدا سەرىكتەستىكتىڭ قۇرۋشىسى شاۋ تيانلان باس شتاپتى بەيجيڭنەن شيۇڭ - انعا كوشىردى. وسى رەتكى كوشۋدە كوشىپ شىققان سەرىكتەستىك جەكە تۇيىندەرگە ورنالاسۋدان كوپ جەر سەلبەسىپ دامۋ وزگەرىسىن تۋدىردى. ”سەيىلتۋ ورايىنان پايدالانىپ، بەيجيڭ، تيانجين، حىبەي 3 جەردىڭ بايلىعى بىرىككەن كۇشكە اينالدى“ دەدى شاۋ تيانلان، ولار بەيجيڭدەگى جوعارى مەكتەپتەردىڭ بايلىعىنا سۇيەنىپ، الدىڭعى لەكتىك تەحنيكانى اشىپ، شيۇڭ - ان كورىنىسىنەن پايدالانىپ، ساندى مالىمەتتەردى جيناۋدى، قولدانۋدى سىناۋدى ىلگەرىلەتتى، ونىڭ ۇستىنە توڭىرەكتەگى كەمەلدى وزىق جاساۋ سايكەستى سەرىكتەستىكتەرى تەحنيكالىق زەرتتەۋ - اشۋدان، كورىنىستەردى دالەلدەۋدەن كاسىپ سالاسىن تياناقتاندىرۋدىڭ تۇتاس تىزبەگىن اشتى.

بۇل كۇندە ميكاماند سەرىكتەستىگىنىڭ كوپ ءتۇرلى ونىمدەرى كولەمدەنىپ تياناقتانىپ، جىلدىق زات شىعارۋ مولشەرى شامامەن 10 مىڭ دانا بولدى.

ميكاماند سەرىكتەستىگى ىرگە تەپكەن شيۇڭ - ان جاڭا رايونى جۇڭگۋانسۇن عىلىم - تەحنيكا باقشاسى ”بەيجيڭ - تيانجين - حىبەيدىڭ كاسىپ سالاسى سەلبەستىگىندەگى ’دانەكەر‘ بولۋعا“ كۇش سالىپ، ءار كۇنى ۇكىمەت پەن كاسىپورىن سەلبەستىگىنىڭ، كاسىپورىندار سەلبەستىگىنىڭ، وڭىرلىك سەلبەستىكتىڭ جاندى اڭگىمەلەرىنە اينالدى. قۇرىلعان قىسقا عانا 2 جىلدان استام ۋاقىتتا باقشا رايونىنا ىرگە تەپكەن عىلىم - تەحنيكالىق جاڭالىق اشۋ كاسىپورىندارى 200 دەن استى.

شيۇڭ - ان بەيجيڭدەگى كاسىپورىندار، جوعارى مەكتەپتەر، عىلمي زەرتتەۋ ورىندارى سياقتى ءتۇرلى جاڭالىق اشۋ تۇلعالارىمەن تىعىز ۇشتاستى، قازىر 13 مىڭنان استام كاسىپورىن شيۇڭ - انعا كىرىپ، عىلىم - تەحنيكادا قامال الۋدىڭ وڭىرلىك سەلبەستىك تەبىنىن ۇزدىكسىز ارتتىردى. وسى جىلدىڭ 2 - ايىنا ايىنا دەيىن شيۇڭ - ان جاڭا رايونىندا مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان 10 ”شاعىن قۋاتتى“ كاسىپورىن، 700 گە جۋىق مەملەكەتتىك جوعارى، جاڭا تەحنيكا كاسىپورنى شاڭىراق كوتەردى.

شيۇڭ - اندا جۇرگەندە، جاڭا ۇستانىم جەتەكشىلىك ەتكەن جاڭا امالياتقا، جاڭا كاسىپ سالاسىنىڭ استارىنداعى جاڭا مەحانيزمگە قاراۋىمىز كەرەك. ”سەيىلتۋ قاراپايىم تۇردەگى ’ورىن اۋىستىرۋ‘ بولماستان، قايتا جۇيەلى تۇردە قايتا قۇراستىرىلعان ’جول رەتتەۋ‘ بولىپ تابىلادى“ دەدى شيۇڭ - ان جاڭا رايونى پارتيا قىزمەتى كوميتەتىنىڭ مۇشەسى، باسقارۋ كوميتەتى مەڭگەرۋشىسىنىڭ ورىنباسارى يۇي گو - ي.

جاڭا اعىس جوڭكىلىپ، گۇلدەنىپ - كوركەيدى. جاڭا قالانىڭ قۇرىلىسى جاڭا ساپارعا اتتاندى.

كەلۋ قاينارى: حالىق تورابى