جاڭاشا ەلەكتر تورابى قۇرىلىسىن كۇش سالا ىلگەرىلەتىپ، ەنەرگيا قۇرىلىمىن رەتتەۋدى، ساپالىلاندىرۋدى جەدەلدەتىپ، ەكونوميكانىڭ، قوعامنىڭ جوعارى ساپالى دامۋىنا پارمەندى تىرەك ازىرلەۋ كەرەك

شينحۋا اگەنتتىگى، 4 - ايدىڭ 1 - كۇنى، چىڭدۋ (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 3 - ايدىڭ 30 - كۇنىنەن 4 - ايدىڭ 1 - كۇنىنە دەيىن سىچۋاندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ جاسىل دامۋ جانە ەنەرگيادا قۋاتتى ەل قۇرۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، ەنەرگيا حاۋىپسىزدىگىنىڭ جاڭا ستراتەگياسىن ويداعىداي اتقارىپ، جاڭالىق اشۋ ارقىلى جەتەكشىلىك ەتۋگە تاباندى بولىپ، بايلىق قاسيەتى باسىمدىعىن ساۋلەلەندىرىپ، جاسىل ەلەكترمەن قامداۋدى ۇزدىكسىز كەڭەيتىپ، جاڭاشا ەلەكتر تورابى قۇرىلىسىن كۇش سالا ىلگەرىلەتىپ، ەنەرگيا قۇرىلىمىن رەتتەۋدى، ساپالىلاندىرۋدى جەدەلدەتىپ، ەكونوميكانىڭ، قوعامنىڭ جوعارى ساپالى دامۋىنا پارمەندى تىرەك ازىرلەۋ كەرەك.

لي چياڭ ىلگەرىندى - كەيىندى چىڭدۋ قالاسىنا، دىياڭ قالاسىنا بارىپ، جاڭا ەنەرگيانى اشۋ جانە قاتىستى جابدىق جاساۋ كاسىپورىندارى سياقتىلاردى تەكسەردى. تۇڭۋەي دۇنيە جۇزىلىك جاڭالىق اشۋ، زەرتتەۋ ورتالىعىندا فوتوۆولت تەحنيكاسىنان قامال الۋ جونىندەگى تانىستىرۋدى تىڭداپ، سەحقا كىرىپ، باتەريا بولشەكتەرىن زەرتتەپ جاساۋ جاعدايىن كوزدەن كەشىردى. ول بىلاي دەدى: تاياۋ جىلداردان بەرى فوتوۆولت تەحنيكاسىنىڭ العا باسۋى كۇن ەنەرگياسىنان پايدالانۋ دەڭگەيىن ءونىمدى جوعارىلاتتى. كاسىپورىنداردىڭ ىزدەنىس جاساۋىن، جاڭالىق اشۋىن زور كۇشپەن قولداپ، زەرتتەۋ - اشۋعا ۇسىنىلىمدى ارتتىرىپ، شەشۋشى تەحنيكالاردان قۇلشىنا قامال الىپ، ءتۇرلى قولدانىلمالى كورىنىستەردى اشىپ، جاڭا تەحنيكالاردى كولەمدەندىرىپ قولدانۋدى جەدەلدەتۋ كەرەك. يالۇڭجياڭ وزەنى الابىنداعى سۋ ەلەكترىن اشۋ شەكتى سەرىكتەستىگىندە لي چياڭ سۋ، جەل، جارىق ەلەكترىن ءبىر تۇلعالاندىرۋ بازاسىن اشۋ سياقتى جاعدايلاردى ۇعىسىپ، سىچۋان ولكەسىنىڭ جاڭاشا ەلەكتر تورابى قۇرىلىسى جونىندەگى مالىمەتتى تىڭدادى. ول مىنالاردى اتاپ كورسەتتى: جاڭاشا ەلەكتر تورابى قۇرىلىسى ەنەرگيا حاۋىپسىزدىگىن قامتاماسىز ەتۋدە، جاسىل دامۋدى جەبەۋدە ماڭىزدى مانگە يە. جاڭا قۇرىلىم، جاڭا تەحنيكا، جاڭا قىزمەت وتەۋ جونىندە بەلسەنە ىزدەنىس جاساپ، توراپ قۇرىلىسىن كەمەلدەندىرىپ، جۇيەنىڭ سايكەسۋ جانە رەتتەۋ قابىلەتىن جوعارىلاتىپ، كوپ نەگىزدى سۇرانىستى قامتاماسىز ەتۋدى كۇشەيتىپ، حاۋىپسىز، سەنىمدى، جاسىل، تومەن كومىرتەكتى، پارمەندى، زەردەلى، يكەمدى جاڭاشا ەلەكتر تورابىن قۇرۋ كەرەك. سىچۋان _ ەلىمىزدىڭ ماڭىزدى تازا ەنەرگيا بازاسى، سۋ، جەل، جارىق، سۋتەگى، تابيعي گاز سياقتى كوپ ەنەرگيانىڭ ءبىرىن - ءبىرى تولىقتاۋىن ىلگەرىلەتىپ، تازا ەنەرگيانى اشۋ، پايدالانۋ جانە جاڭاشا ەلەكتر تورابى قۇرىلىسى جاعىندا الدىڭعى لەكتە ءجۇرىپ، جاڭاشا ەنەرگيا جۇيەسى قۇرىلىسىن بەلسەنە ىلگەرىلەتۋ، سونىمەن بىرگە، قاتىستى كاسىپ سالالارىنىڭ دامۋىن اناعۇرلىم ويداعىداي جەبەۋ كەرەك. گوجي اۋىر تۇرپاتتى جابدىق توبى شەكتى جارنا سەرىكتەستىگى مەن دۇڭفاڭ ەلەكتر توبى دۇڭفاڭ گەنەراتور شەكتى سەرىكتەستىگىندە لي چياڭ كاسىپورىننىڭ ەڭ جاڭا عىلمي زەرتتەۋ جەتىستىكتەرىن ۇعىسىپ، يادرو ەلەكترى، سۋ ەلەكترى سياقتى جابدىقتاردى جانە وزەكتى ۇساق بولشەكتەردى كوزدەن كەشىردى. ول كاسىپورىندى عىلىم - تەحنيكانىڭ الدىڭعى لەگى مەن بازار قاجەتىن كوزدەپ، جاساندى زەردە سياقتى وزىق تەحنيكالاردىڭ جاساۋ كاسىبىمەن ىشكەرىلەي توعىسۋىن ىلگەرىلەتىپ، تازا ەنەرگيا جابدىقتارىن جاساۋ سياقتى سالالاردا ۇزدىكسىز تىڭ تابىستارعا قول جەتكىزىپ، ەلىمىزدىڭ جاڭا ەنەرگيا كاسىبىنىڭ دامۋى مەن ەنەرگيا تيپىن وزگەرتۋگە اناعۇرلىم ويداعىداي قىزمەت وتەۋگە شابىتتاندىردى.

لي چياڭ مينجياڭ زىپيڭپۋ سۋ يگىلىگى تورابى ينجەنەرياسىنا كەلىپ، زىپيڭپۋ سۋ قويماسى رايونىن كوزدەن كەشىرىپ، سىچۋان ولكەسىنىڭ سۋ يگىلىگى قۇرىلىسى سياقتى جاعدايلاردى ۇعىستى، ىلە - شالا دۋجياڭ توسپاسى سۋ يگىلىگى ينجەنەرياسىن تەكسەردى. لي چياڭ بىلاي دەدى: سۋدى جونگە سالۋ _ ۇزاق بولاشاقتىق ءىس. سۋدى جونگە سالۋ اقىل - پاراساتىنا مۇراگەرلىك ەتىپ جانە ونى دامىتىپ، سۋ يگىلىگى قۇرىلعىلارىنىڭ وسىزاماندانۋىن جەدەلدەتىپ، تاسقىننان ساقتانۋ، سۋارۋ، سۋمەن قامداۋ، توك شىعارۋ، ەكولوگيا سياقتى جالپىلىق فۋنكتسيالاردى اناعۇرلىم ويداعىداي ساۋلەلەندىرىپ، سۋدى جونگە سالۋدىڭ، سۋ ىستەرىن گۇلدەندىرۋدىڭ جاڭا ونىمدىلىگى ارقىلى حالىققا باقىت جاراتۋ كەرەك. گۋاڭحان قالاسىنىڭ ”تيانفۋ استىق قامباسى“ 10 مىڭ مۋلىق ءبيدايدىڭ بىرلىك ءونىمىن جوعارىلاتۋدان ۇلگى كورسەتۋ رايونىندا لي چياڭ اتىز باسىنا بارىپ، ءبيدايدىڭ ءوسۋى، كۇرىش مايساسىن جەتىلدىرۋ، ۇشقىشسىز اپپاراتپەن جۇمىس جۇرگىزۋ جاعدايلارىن كوزدەن كەشىرىپ، اۋىل شارۋاشىلىق تەحنيكا ماماندارىمەن، استىق ەگەتىن شارۋا وتباسىلارىمەن پىكىر اۋىستىردى. ول بىلاي دەدى: قازىر كوكتەمگى ەگىس مەزگىلى، ەگىس ۋاقىتىن مىقتى يگەرىپ، اۋىل شارۋاشىلىق ماتەريالدارىمەن قامداۋ، تەحنيكالىق قىزمەت وتەۋ سياقتى قىزمەتتەردى ويداعىداي ىستەپ، زەردەلى اۋىل شارۋاشىلىق ماشينالارى سياقتى جاڭا تەحنيكالاردى، جاڭا جابدىقتاردى قولدانۋدى كۇشەيتىپ، اتىز باسقارۋدى جوعارى ولشەممەن ويداعىداي يگەرۋ كەرەك. استىق ەگەتىن ءىرى وتباسىلارىنىڭ جەتەكتەۋ رولىن ساۋلەلەندىرىپ، اۋىل شارۋاشىلىق تيجارات تاسىلىندە جاڭالىق اشىپ، اۋىل شارۋاشىلىعىنا تيىمدىلىك جاساۋ ساياساتىن ويداعىداي تياناقتاندىرىپ، استىق ەگۋدىڭ پايداسىن قامتاماسىز ەتۋدى كۇشەيتۋ كەرەك. جەردى قۇنارلاندىرۋ، ساپالى تۇقىم جەتىلدىرۋ سياقتى جاقتارعا ۇزدىكسىز كۇش سالىپ، اۋىل شارۋاشىلىق ءوندىرىسىنىڭ سيفرلانۋىن، زەردەلىلەنۋىن جەدەلدەتىپ، استىق حاۋىپسىزدىگىن قامتاماسىز ەتۋ قابىلەتىن ۇزدىكسىز جوعارىلاتۋ كەرەك.

ۋ جىڭلۇڭ تەكسەرۋ - زەرتتەۋدە بىرگە بولدى.

كەلۋ قاينارى: حالىق تورابى