جۇڭگو اۋا رايى مەكەمەسى بوراننان، كۇشتى كونۆەكسيادان ساقتانۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن باستادى

4 – ايدىڭ 19 – كۇنىنەن 23 – كۇنىنە دەيىن سۋىق اۋا ەلىمىزگە ىقپال جاساپ، بوران، جاڭبىر، كۇشتى كونۆەكسيا قاتارلى اۋا رايى تۋىلادى. ورتالىق اۋا رايى ستانسياسى 4 – ايدىڭ 19 - كۇنى بوراننان ساقتانۋدىڭ سارى ءتۇستى جانە كۇشتى كونۆەكسيالىق اۋا رايىنان ساقتانۋدىڭ كوك ءتۇستى ساقتىق سيگنالىن جاريالادى، مەجەمەن 4 – ايدىڭ 19 – كۇنىنەن 20 – كۇنىنە دەيىن حىبەيدىڭ وڭتۇستىگى، شاندۇڭنىڭ ورتا، باتىس بولەگى، حىناننىڭ ورتا، سولتۇستىك بولەگى جانە شىعىس بولەگى، انحۇيدىڭ سولتۇستىگى، حۋناننىڭ باتىس بولەگى، سىچۋان ويپاتىنىڭ شىعىس وڭتۇستىك بولەگى، چۇڭچيڭنىڭ ورتا بولەگى، گۇيجوۋدىڭ ورتا، سولتۇستىك بولەگى، گۋاڭشيدىڭ باتىس بولەگى قاتارلى جەرلەردە 10 بالدان جوعارى ناجاعايلى بوران سوعادى نەمەسە بۇرشاق جاۋادى، ەڭ جوعارى جەل كۇشى 11 بالدان اسادى؛ چۇڭچيڭنىڭ ورتا، باتىس بولەگى، گۇيجوۋدىڭ باتىس بولەگى مەن سولتۇستىك بولەگى، گۋاڭشيدىڭ باتىس بولەگى مەن وڭتۇستىك تەڭىز جاعالاۋى قاتارلى جەرلەردىڭ ءىشىنارا رايوندارىندا ساعاتتىق جاۋىن - شاشىن مولشەرى 50 ميلليمەتردەن اسادى، ەڭ كوپ بولعاندا 60 ميلليمەتردەن اسادى.

جان ـ جاقتى تۇجىرىم جاساۋ جانە شۇعىل جاعدايعا توتەپ بەرۋ جونىندە اقىلداسۋ ارقىلى 4 – ايدىڭ 19 – كۇنى ساعات 9 دا جۇڭگو اۋا رايى مەكەمەسى اۋىر اۋا رايى اپاتىنىڭ (بوران، كۇشتى كونۆەكسيا) 4 ـ دارەجەلى شۇعىل جاعدايعا توتەپ بەرۋ ۇندەۋىن باستادى.

كەلۋ قاينارى: حالىق تورابى