قوعام حاۋىپسىزدىگى مينيسترلىگى قاتارلى 8 تاراۋ: باجىنى جالعان كەسۋ، الدامكوستىك ىستەۋ قاتارلى باجىعا ساياتىن زاڭعا قايشى قىلمىستىق ارەكەتتەرگە قاتاڭ سوققى بەرۋدىڭ تەگەۋرىندى كۇيىن ساقتاۋ كەرەك

ءتىلشىنىڭ 4 – ايدىڭ 17 – كۇنى قوعام حاۋىپسىزدىگى مينيسترلىگىنەن ۇعىسۋىنشا، باجى باس مەكەمەسى، قوعام حاۋىپسىزدىگى مينيسترلىگى، ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، جۇڭگو حالىق بانكەسى، كەدەن باس باسقارماسى، بازاردى باقىلاۋ – باسقارۋ باس مەكەمەسى، مەملەكەتتىك شەتەل اقشاسى مەكەمەسى قاتارلى 8 تاراۋ 4 – ايدىڭ 16 - كۇنى بەيجيڭدە باجىعا ساياتىن زاڭعا قايشى قىلمىستىق ارەكەتتەرگە بىرلەسىپ سوققى بەرۋ قىزمەتىن ىلگەرىلەتۋ ءماجىلىسىن اشتى. ءماجىلىس كەلەسى ساتىداعى ءتۇيىندى قىزمەت مىندەتتەرىن اقىلداسىپ ورنالاستىرىپ، باجىعا ساياتىن زاڭعا قايشى قىلمىستىق ارەكەتتەرگە بىرلەسىپ سوققى بەرۋ قىزمەت مەحانيزمىن ۇدايىلاندىرۋدى كۇش سالا ىلگەرىلەتىپ، اناعۇرلىم زور رول اتقارىپ، زاڭمەن جونگە سالىناتىن، ءادىل ەكونوميكالىق باجى ءتارتىبىن شىنايى قورعاپ، جوعارى ساپالى دامۋعا اناعۇرلىم ويداعىداي قىزمەت ەتتى.

ەكى جىلدان بەرى، بۇكىل ەل بويىنشا باجىنى جالعان كەسكەن كاسىپورىندار 130 مىڭنان اسىپ، سىرتقا قاراتا 7 ميلليون 380 مىڭ دانا ارتقان قۇن باجىسى تالونىن جالعاننان كەستى دەپ تۇراقتاندىرىلدى؛ ەكسپورتتا باجىدا الدامشىلىق ىستەگەن 4850 كاسىپورىن تەكسەرىلىپ، ەكسپورتتان قايتارىلاتىن باجى زيانى 24 ميلليارد 600 ميلليون يۋان بولدى.

ءماجىلىس مىنالاردى باسا دارىپتەدى: تاراۋلار اكىمشىلىك زاڭ اتقارۋدان قىلمىستىق ىستەر ءادىلياسىنا دەيىنگى تۇتاس تىزبەكتى، ءبىر تۇلعالانعان سوققى بەرۋ مەحانيزمىن كۇش سالا ورناتىپ، كوپ تاراۋدىڭ ساندى مالىمەتتەن ورتاق يگىلىكتەنۋىن، ينفورماتسيانى ءوزارا بايلانىستىرۋىن، بىرلەسىپ تۇجىرىم جاساۋىن، سەلبەسىپ سوققى بەرۋىن كۇش سالا تەرەڭدەتىپ، تالون كەسۋدە زاڭعا قايشىلىق جاساۋ، ەكسپورت ەتۋدە باجىدا الدامشىلىق ىستەۋ، باجىدا جەڭىلدىك جاساۋدان الداپ يگىلىكتەنۋ قاتارلى باجىعا ساياتىن زاڭعا قايشى قىلمىستىق ارەكەتتەرگە كۇش سالا سوققى بەرىپ، دەلو ارقىلى باجىعا توقتالۋ، دەلو ارقىلى زاڭدى ءتۇسىندىرۋ قىزمەتىن كۇش سالا ورىستەتىپ، ساقتاندىرۋ، سەس كورسەتۋدى ۇزدىكسىز كۇشەيتىپ، بىرلەسىپ جازالاۋ ونىمدىلىگىن ۇزدىكسىز جوعارىلاتىپ، باجىعا ساياتىن زاڭعا قايشى قىلمىستىق ارەكەتتەرگە بىرلەسىپ سوققى بەرۋ قىزمەتىنىڭ جاڭا جاعدايىن ونان ارى اشۋ كەرەك.

كەلۋ قاينارى: حالىق تورابى