91 ميلليارد 500 ميلليون يۋان قارجى ءبولىندى! مىنا سالالارعا قولداۋ كورسەتىلەدى 

ءتىلشىنىڭ مەملەكەتتىك دامۋ - رەفورما كوميتەتىنەن ۇعىسۋىنشا، بيىل جابدىقتى جاڭالاۋعا قولداۋ كورسەتۋ ءۇشىن ۇزاق مەرزىمدى ارناۋلى زايوممەن ەكىنشى توپتا 91 ميلليارد 500 ميلليون يۋان قاراجات بولىنگەن.

ۇعىسۋعا قاراعاندا، جاڭا ءبىر توپتاعى قاراجات ارقىلى ونەركاسىپ، ەنەرگيا جانە ەلەكتر قۋاتى، ەلەكتروندىق ينفورماتسيا، قاتىناس - تاسىمال، زات اينالىمى، وقۋ – اعارتۋ، مادەنيەت جانە ساياحات، ەمدەۋ، قۇرىلعىلى اۋىل شارۋاشىلىعى، استىق جانە ماي مانەرلەۋ، تۇرعىن ۇيلەردەگى ەسكى ليفىت، حاۋىپسىز ءوندىرىس، ءورت ءسوندىرۋ – قۇتقارۋ، تەكسەرۋ جانە ولشەۋ، ەنەرگيا ۇنەمدەۋ جانە كومىر قىشقىل گازىن ازايتۋ، قورشاعان ورتانى قورعاۋ، قايتالاي پايدالانۋ جانە اينالىمعا ءتۇسىرۋ سياقتى 16 سالاداعى 6700 دەن استام نىسانعا قولداۋ كورسەتىلەدى، جالپى قوسىلعان قارجىنىڭ 380 ميلليارد يۋاننان اسۋىن جەبەيدى. سونىمەن قاتار، تيجاراتتىق ەسكى جۇك اۆتوموبيلىن، قالاداعى جاڭا ەنەرگيالى اۆتوبۋستى، ەسكى اۋىل شارۋاشىلىق ماشينالارىن كەرەكتەن قالدىرۋعا جانە جاڭالاۋعا ۇزدىكسىز قولداۋ كورسەتىلەدى.

ۇعىسۋعا قاراعاندا، بيىل ”ەكىنى جاڭالاۋعا“ ساياتىن جابدىق جاڭالاۋ قاراجاتىنان جيىنى 185 ميلليارد 100 ميلليون يۋان ورنالاستىرىلىپ بولعان، بۇل جىلدىق جوسپارداعى 200 ميلليارد يۋاننىڭ %92 ىن ۇستاعان.

جابدىقتى جاڭالاۋ ساياساتىنىڭ جەبەۋىندە، ءبىرىنشى توقساندا جابدىق جانە اسپاپ ساتىپ الۋعا قوسىلعان قارجى ءبىر جىل بۇرىنعى وسى مەزگىلدەگىدەن %13.9 ارتىپ، ارتۋ قارقىنى 1 – ايدان 2 – ايعا دەيىن 2.4 پايىز تەزدەپ، جالپى قارجى قوسىلىمىنىڭ 2.3 پايىز ارتۋىن ىلگەرىلەتكەن.

كەلەسى قادامدا، مەملەكەتتىك دامۋ - رەفورما كوميتەتى قاتىستى تاراۋلارمەن بىرگە وكشەلەي باقىلاۋدى ۇزدىكسىز ويداعىداي ىستەپ، قاراجاتتىڭ تۇتاس تىزبەك بويىنشا ورىندى پايدالانىلۋىن باقىلاۋدى كۇشەيتىپ، نىسان قۇرىلىسىن جانە قارجى تولەۋدى، پايدالانۋدى تەزدەتىپ، اناعۇرلىم كوپ ناقتى جۇمىس كولەمىن قالىپتاستىرۋدى ىلگەرىلەتىپ، ”ەكىنى جاڭالاۋ“ قاراجاتىن پايدالانۋ ونىمدىلىگىن اناعۇرلىم ويداعىداي ساۋلەلەندىرەدى.

كەلۋ قاينارى: حالىق تورابى