مەملەكەت بويىنشا اۋىل شارۋاشىلىعى سالاسىنداعى اپاتتى اۋا رايى جونىندەگى ساقتىق دابىلى 

اۋىل شارۋاشىلىعى مينيسترلىگى مەن جۇڭگو اۋا رايى مەڭگەرمەسى 2026 – جىلى 5 – ايدىڭ 5 – كۇنى ەگىستىكتى سۋ باسۋ اپاتى سىندى حاۋىپ – قاتەردەن ساقتانۋ دابىلىن بىرگە جاريالادى: 5 – ايدىڭ 6 – كۇنىنەن 8 – كۇنىنە دەيىن چاڭجياڭنىڭ وڭتۇستىگىندەگى وڭىرلەردە، چاڭجياڭ – حانجياڭ وڭىرىندە، باتىس - وڭتۇستىك بولىكتەگى ءىشىنارا وڭىرلەردە قالىڭ جاڭبىر نەمەسە نوسەر جاۋادى، حۋناننىڭ باتىس بولىگى قاتارلى جەرلەردىڭ ءىشىنارا وڭىرلەرىندە نوسەر جاۋادى ءارى كۇننىڭ كۇركىرەۋى، داۋىل سوعۋ، بۇرشاق جاۋۋ سىندى كۇشتى كونۆەكسيالىق اۋا رايى قوسانجارلايدى، وسى جولعى جاۋىن – شاشىندى وڭىرلەر مەن الدىڭعى مەزگىلدە جاۋىن – شاشىن كوپ جاۋعان وڭىرلەردە قايتالاۋ دارەجەسى ءبىرشاما جوعارى بولعاندىقتان، حۋبەيدىڭ شىعىس جانە وڭتۇستىك بولىگى، حۋناننىڭ ورتا - سولتۇستىك بولىگى، جياڭشيدىڭ ورتا - سولتۇستىك بولىگى، گۇيجوۋدىڭ شىعىس بولىگى قاتارلى جەرلەردەگى ويىس وڭىرلەردەگى ەگىستىكتەردى سۋ باسۋ اپاتىنىڭ تۋىلۋ حاۋپى ءبىرشاما جوعارى. ارىق – اعارلاردى دەر كەزىندە ارشىپ، ىركىلگەن سۋدى ىعىستىرىپ، جاڭبىر جاۋاردان بۇرىن نەمەسە جاڭبىر توقتاي قالعان ارالىقتا پىسقان ەگىندى جيناپ العان ءجون.

كەلۋ قاينارى: حالىق تورابى