تاپسىرىس 3 جىلدان كەيىنگە دەيىن جوسپارلاندى! وتاندىق كەرەمەت بۇيىم ءوتىمدى بولدى 

ونەركاسىپ جانە ينفورماتسيالاندىرۋ مينيسترلىگى 5 - ايدىڭ 9 - كۇنى ەلىمىزدىڭ كەمە جاساۋ كاسىبى جونىندەگى ەڭ جاڭا ساندى مالىمەتتى جاريالادى، 2026 - جىلى ءبىرىنشى توقساندا، ەلىمىزدىڭ كەمەنى جاساپ بولۋ مولشەرى، جاڭادان قابىلداعان تاپسىرىس مولشەرى، قولدا بار تاپسىرىس مولشەرى سىندى ءۇش ءىرى كورسەتكىشى دۇنيە ءجۇزى بويىنشا الدىڭعى ورىندا بولعان.

كەمەنى جاساپ بولۋ مولشەرى كەمە جاساۋ كاسىبىنىڭ ونىمدىلىگىن ايگىلەيدى. بيىل ءبىرىنشى توقساندا، ەلىمىز جيىنى 15 ميلليون 680 مىڭ توننالىق كوتەرىمدىلىكتەگى كەمەلەردى جاساپ بولعان، بۇل بىلتىرعى وسى مەزگىلدەگىدەن %46.0 ارتقان. جياڭسۋ نانتۇڭداعى ءبىر كەمە جاساۋ زاۆودىندا، ءبىر جاڭا كەمە قالقىمالى سۇيىلتىلعان تابيعي گاز قۇرىلعىسى بولشەكتەرىن ورناتۋ كەزەڭىنە ەنگەن، دانەكەرلەۋ سەحىندا، بويىنىڭ بيىكتىگى 60 سانتيمەترگە دە جەتپەيتىن ءبىر روبوت دانەكەرلەگىشتى شەبەرلىكپەن پايدالانىپ بولات تاقتانى دانەكەرلەۋدە. سيفرلاندىرۋ جانە زەردەلىلەندىرۋ بارىسىندا دارەجەسىن جوعارىلاتۋ ارقىلى، بۇل كاسىپورىن قالقىمالى سۇيىلتىلعان تابيعي گاز قۇرىلعىسىنا قاتىستى شەتەلدىڭ مونوپولياسىن بۇزىپ قانا قويماي، 33 اي ىشىندە كاسىپ سالاسى بويىنشا ەڭ تەز ءبىتىرۋ رەكوردىن جاراتتى.

بۇكىل كاسىپ تىزبەگىنىڭ قۋاتىن جوعارىلاتۋ، جۇڭگونىڭ كەمە جاساۋ كاسىبىنىڭ دۇنيە جۇزىندەگى باسەكەلىك قۋاتىن ساقتاۋعا مۇمكىندىك جاسادى. بيىل ءبىرىنشى توقساندا جيىنى 59 ميلليون 530 مىڭ توننا كوتەرىمدىلىكتەگى كەمەلەردى جاساۋ تاپسىرىسىن جاڭادان قابىلداعان، بۇل بىلتىرعى وسى مەزگىلدەگىدەن %195.2 ارتقان. ءىرى تيپتى كەمە جاساۋ سالاسىندا، اسا ءىرى تيپتى تابيعي مۇناي تاسىمالداۋ كەمەسى، ءىرى تيپتى اۆتوموبيل تاسىمالداۋ كەمەسى جانە 10 مىڭ قوراپتىق دارەجەدەن جوعارى ءىرى جۇك قورابىن تاسىمالداۋ كەمەسى تاپسىرىسىنىڭ حالىقارالىق بازاردا ۇستايتىن ۇلەسى %90 تەن اسقان.

كەلۋ قاينارى: حالىق تورابى