جۇڭگو جاق تايۋان رايونىنىڭ بيىلعى دۇنيە جۇزىلىك دەنساۋلىق ساقتاۋ ماجىلىسىنە قاتىناسۋىنا قوسىلماۋدى ۇيعاردى

تايۋاننىڭ قازىرگە دەيىن 79 - كەزەكتى دۇنيە جۇزىلىك دەنساۋلىق ساقتاۋ ماجىلىسىنە قاتىناسۋعا ۇسىنىس ەتۋ حاتىن تاپسىرىپ الماعاندىعى جونىندە، سىرتقى ىستەر مينيسترلىگىنىڭ مالىمدەمەشىسى گو جياكۇن 5 - ايدىڭ 11 - كۇنى كەزەكتى تىلشىلەر ماجىلىسىندە سۇراققا جاۋاپ بەرگەندە بىلاي دەدى: جۇڭگونىڭ تايۋان رايونىنىڭ حالىقارالىق ۇيىمدارعا، دۇنيە جۇزىلىك دەنساۋلىق ساقتاۋ ۇيىمىن قامتىعان حالىقارالىق ۇيىمداردىڭ قيمىلدارىنا قاتىناسۋى تۋرالى ماسەلەدە، جۇڭگو جاقتىڭ مايدانى دايەكتى، ايقىن بولىپ كەلەدى، ياعني، ءسوزسىز، ءبىر جۇڭگو پرينسيبى بويىنشا ءبىرجايلى ەتۋ كەرەك. جۇڭگونىڭ تايۋان رايونىنىڭ ورتالىق ۇكىمەتتىڭ ماقۇلداۋىن الماي تۇرىپ، دۇنيە جۇزىلىك دەنساۋلىق ساقتاۋ ماجىلىسىنە قاتىناساتىن ەشقانداي نەگىزى، قيسىنى جانە ۇقىعى جوق. تايۋانداعى دەموكراتيانى ىلگەرىلەتۋ پارتياسىنىڭ بيلىك باسىنداعىلارى ”تايۋاندى دەربەستەندىرۋ“ سىندى بولشەكتەۋشىلىك مايدانىن توڭمويىندىقپەن جالعاستىرعاندىقتان، تايۋان رايونىنىڭ دۇنيە جۇزىلىك دەنساۋلىق ساقتاۋ ماجىلىسىنە قاتىناسۋىنىڭ ساياسي نەگىزى قالمادى.

”ءبىر جۇڭگو پرينسيبىن قورعاۋ، بىرلەسكەن مەملەكەتتەر ۇيىمىنىڭ ءماجىلىسىنىڭ جانە دۇنيە جۇزىلىك دەنساۋلىق ساقتاۋ ۇيىمىنىڭ ءماجىلىسىنىڭ قاتىستى قاۋلىلارىنىڭ قاتاڭدىعى مەن بەدەلىن قورعاۋ ءۇشىن، جۇڭگو جاق تايۋان رايونىنىڭ بيىلعى دۇنيە جۇزىلىك دەنساۋلىق ساقتاۋ ماجىلىسىنە قاتىناسۋىنا قوسىلماۋدى ۇيعاردى. ءبىر جۇڭگو پرينسيبىنە قايشى كەلەتىن، ’تايۋاندى العا تارتىپ‘ ساياسي ويىن ويناماق بولعان ءارقانداي قاسكۇنەمدىك ءسوزسىز جەڭىلىسپەن تىنادى“، - دەدى گو جياكۇن.

كەلۋ قاينارى: حالىق تورابى