جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدە كۇش ۇيىستىرايىق

جۇڭگو ۇلگىسىندەگى وسىزامانداندىرۋ _ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ بىردەن - ءبىر دۇرىس جولى.

باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن جۇرت تىلەگىن كەڭىنەن ۇيىستىرۋ، ورتاق تانىمدى ۇيىستىرۋ، اقىل - پاراساتتى ۇيىستىرۋ، كۇش - قۋاتتى ۇيىستىرۋ كەرەك“.

”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالايتىن، جاپپاي كۇش سالاتىن شەشۋشى مەزگىل. جاڭا جورىقتا قايتكەندە باستان - اياق ”كەڭ كولەمدە كۇش ۇيىستىرۋعا بولادى؟“

”ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، بىرگە كۇرەس جاسايتىن كۇشتەردى مۇمكىندىكتىڭ بارىنشا ۇيىستىرۋ كەرەك“.

جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، جۇرت تىلەگى كۇشى - قۋاتىن ۇيىستىرۋ كەرەك.

”ءبىزدىڭ نىسانامىز وتە ايبىندى ءارى وتە قاراپايىم، سايىپ كەلگەندە، بۇقارانى اناعۇرلىم جاقسى تۇرمىسقا كەنەلتۋ“. باس شۋجي شي جينپيڭ جۇڭگو ۇلگىسىندەگى وسىزامانداندىرۋدىڭ ءتۇبىرلى تياناعىن كورسەتىپ بەردى.

كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەن دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ، دەنساۋلىق ساقتاۋ جۇيەسىن قۇرۋعا دەيىن... ۋاقىتپەن جارىسىپ العا ىلگەرىلەپ، ”حالىقتىڭ قامىن ويلاپ، الەمنىڭ مۇددەسىن كوزدەدى“.

بارلىعىندا حالىق ءۇشىن ىستەۋ كەرە، بۇل _ حالىقتىڭ تىلەگى. جۇڭگو حالقىنىڭ تاماشا تۇرمىسقا دەگەن تالپىنىسى _ جۇڭگو دامۋىنىڭ ەڭ ۇلكەن ىشكى قوزعاۋشى كۇشى.

2022 - جىلى 10 - ايدا باس شۋجي شي جينپيڭ جاڭا كەزەكتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ شانشي ولكەسىنىڭ يان - ان قالاسىنا بارىپ، يان - ان توڭكەرىسى ەسكەرتكىش ورنىن قۇرمەتپەن كورىپ، ”ماڭگى وقىپ بىتىرە المايتىن وسى كىتاپتى“ قايتا ەسكە الدى. ”جۇرت كوڭىلى يان - انعا اۋدى“، مۇنىڭ سەبەبى ”بۇلجىماستان بۇقارا جاقتا تۇرۋدا ەدى“.

جۇڭگو كوممۋنيستىك پارتياسى _ ۇلى ىستەردى تىندىراتىن ەڭ سەنىمدى تىرەك. باس شۋجي شي جينپيڭ بىلاي دەپ اتاپ كورسەتتى: ”پارتيامىز _ جالپى ءۇشىن پارتيا قۇراتىن، حالىق ءۇشىن بيلىك جۇرگىزەتىن پارتيا، بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا، تەك ساياسي ناتيجەمەن پارتيا مەن مەملەكەت ىستەرىنىڭ دامۋىن ۇزدىكسىز ىلگەرىلەتىپ، حالىقتى باقىتقا كەنەلتكەندە عانا، پارتيانىڭ نەگىزگى ماقساتىن ويداعىداي امالياتتا ايگىلەۋگە، پارتيانىڭ تاريحي بورىشىن ويداعىداي ورىنداۋعا بولادى“.

جۇڭگو ۇلگىسىندەگى وسىزامانداندىرۋدى ىلگەرىلەتۋ ورتاق تانىمنىڭ كۇشىنەن ايرىلا المايدى.

”ىنتىماق _ كۇش، ىنتىماق _ كۇش، بۇل كۇش قۇرىشتاي بەرىك ...“

مەملەكەتتىك ساياسي كەڭەستىڭ تالاي رەتكى جاڭا جىل شاي ءماجىلىسى اياقتالاردا بۇكىل زالداعىلار ورىندارىنان تۇرىپ، ”ىنتىماق − كۇش“ ءانىن اسقاقتاتا شىرقاپ، كوڭىلدەرى كولدەي تولقىدى.

100 جىلدان استام كۇرەس بارىسىندا جۇڭگو كوممۋنيستىك پارتياسى بىرلىكساپتى باستان - اياق ماڭىزدى ورىنعا قويدى. جۇڭگو وسىنشاما ۇلكەن، تۇرلىشە ادامداردا تۇرلىشە تالاپ - تىلەك، ۇقساس ءبىر ءىس جونىندە دە تۇرلىشە كوزقاراس بولادى. باس شۋجي شي جينپيڭ بىلاي دەپ اتاپ كورسەتتى: ”بۇل وتە قالىپتى، پىكىرلەسۋ، كەڭەسۋ ارقىلى ورتاق تانىمدى ۇيىستىرۋ كەرەك“.

تالاي رەتكى ماڭىزدى ماجىلىستەردە، تالاي رەتكى تەكسەرۋ - زەرتتەۋلەردە، باس شۋجي: ”ءبىز ەڭ كەڭ كولەمدى وتانشىلدىق بىرلىكساپتى بەكەمدەۋىمىز جانە دامىتۋىمىز كەرەك“، ”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن كۇش سالا ويداعىداي سىزۋىمىز كەرەك“ دەپ قاداعالاي تاپسىردى. باس شۋجي شي جينپيڭنىڭ جەتەكشىلىگىندە پارتيا - توپتار مەن ءار سالا قايراتكەرلەرىنىڭ ورتاق تانىمى مەن كۇش - قۋاتىن ۇيىستىرۋدىڭ تۇزىمدىك نەگىزى بارعان سايىن بەكەمدەلدى.

ورتاق تانىم بولعاندا عانا، بىرگە ويلاپ، بىرگە ىستەۋگە بولادى.

”15 - بەسجىلدىق“ جوبانىڭ باستاماسى باستالدى، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورما جاساپ، ەسىك اشۋدى اناعۇرلىم جاپپاي تەرەڭدەتۋدىڭ مىندەتى جاپالى. باس شۋجي بىلاي دەپ اتاپ كورسەتتى: ”ورتاق تانىمدى كەڭىنەن ۇيىستىرۋ، بارلىق بەلسەندى فاكتورلاردى تولىق جۇمىلدىرۋ رەفورمانى ءساتتى ىلگەرىلەتۋ جونىنەن توتەنشە ماڭىزدى“، ”كۇدىك - كۇماننان ارىلتۋ، ورتاق تانىمدى ۇيىستىرۋ قىزمەتىن ويداعىداي ىستەپ، ەڭ زور دارەجەدە تۇسىنۋگە جانە قولداۋعا قول جەتكىزۋ كەرەك“.

جۇڭگو ۇلگىسىندەگى وسىزامانداندىرۋدى ىلگەرىلەتۋ كۇرەس كۇشىن تاسقىنداتۋدى قاجەت ەتەدى.

كۇش - قۋات ىنتىماقتان كەلەدى، ءىس كۇرەس ارقىلى ناتيجەلى بولادى.

وتكەن عاسىردىڭ 60 - جىلدارىندا حىناننىڭ لينشيان اۋدانىندا (قازىرگى لينجوۋ قالاسى) پارتيالى كادرلار مەن حالىق بۇقاراسى ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، بالتا، قايلانى ىسكە قوسىپ، قوس قولعا سۇيەنىپ، جالاما جارتاستار اراسىنان 1500 كيلومەتر ۇزىندىقتاعى جولدى سالدى.

2022 - جىلى 10 - ايدا باس شۋجي شي جينپيڭ قىزىلتۋ توعانى ەسكەرتكىش سارايىنا كەلىپ، تەرەڭ ماعىنادا بىلاي دەپ اتاپ كورسەتتى: ”سوتسياليزم ەڭبەكتەنۋدەن، ىستەۋدەن، ءومىردىڭ بوداۋىنان كەلگەن، بۇرىن وسىلاي بولىپ قالماستان، جاڭا داۋىردە دە وسىلاي بولماق“.

”جۇڭگونىڭ بۇگىنى جۇڭگو حالقىنىڭ ەڭبەكتەنۋىنەن كەلەدى!“ مۇنىڭ ىشىندە كۇرەسكەرلەردىڭ اقىل - پاراساتى، جاسامپازدىعى، ۇلەس قوسۋ، جاۋاپكەرشىلىك ارقالاۋ، باتىلدىعى قامتىلعان.

جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا باس شۋجي شي جينپيڭ پارتيا ىشىندەگى ەڭ جوعارى داڭق ”1 - شىلدە وردەنىن“ ءوز قىزمەتىن تياناق ەتكەن، ءۇن - ءتۇنسىز ۇلەس قوسقان 29 قاراپايىم قاھارمانعا بەرىپ، كۇرەسكەرلەرگە قۇدىرەتتى رۋحاني قوزعاۋشى كۇش ۇستەدى.

سوتسياليستىك وسىزامانداندىرۋدى جۇزەگە اسىرۋ _ ساتىلى ىلگەرىلەيتىن، ۇزدىكسىز دامىپ، العا باساتىن تاريحي بارىس، ول قاجىماي - تالماي قۇلشىنىپ، ۇزدىكسىز كۇرەس جۇرگىزۋدى قاجەت ەتەدى.

بەيجيڭ ي - جۋاڭ مەملەكەتتىك سەنىم جاسامپازدىعى باقشاسىندا باس شۋجي بارشا عىلىم - تەحنيكا قىزمەتكەرلەرىن وتان ءۇمىتىن اقتاۋ سۇيىسپەنشىلىگىن بەكەمدەپ، كۇرەس رۋحىن ساۋلەلەندىرىپ، جۇڭگو ۇلگىسىندەگى وسىزامانداندىرۋ ساپارىندا ەڭبەك ءسىڭىرىپ، ۇلەس قوسۋعا شابىتتاندىردى؛

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىندە باس شۋجي پارتيالى كادرلاردان ”جۇڭگو ۇلگىسىندەگى وسىزامانداندىرۋ قۇرىلىسىنىڭ امالياتىنا بەلسەنە ات سالىسىپ، ءىس تىندىرىپ، ناتيجە شىعارۋ بارىسىندا كۇرەس جاساۋ ءومىرىن شىڭداۋدى“ تالاپ ەتتى؛

بيىل 4 - مامىر جاستار مەرەكەسى قارساڭىندا باس شۋجي جۇڭگو جاستار 4 - مامىر مەدالىن جانە جاڭا داۋىردەگى جاستار اۆانگارد سيلىعىن العانداردىڭ ۋاكىلدەرىن ”قالىڭ جاستاردى جەكە تالپىنىسىن مەملەكەتتىڭ دامۋ كەلەلى جاعدايىمەن توعىستىرۋعا جەتەكتەپ، ءوز قىزمەت ورىندارىن تياناق ەتىپ، ۇزدىكسىز جاڭا ناتيجە جاراتىپ، جاڭا جورىقتا جاستىق كوكتەمنىڭ كۇش - قۋاتىن ارناۋعا“ شابىتتاندىردى؛

…

جاڭا جورىقتا ءاربىر ادام باس كەيىپكەر، ءاربىر بوداۋ توتەنشە قاستەرلى، ءاربىر ساۋلە جارقىراپ شۇعىلا شاشادى. ءبىر ميلليارد 400 ميلليوننان استام حالىق ءبىر جاعادان باس، ءبىر جەڭنەن قول شىعارىپ، جۇدىرىقتاي جۇمىلسا، جۇڭگو ۇلگىسىندەگى وسىزامانداندىرۋ ۇلى جوباسى، ءسوز جوق، بىرتىندەپ تاماشا رەالدىققا اينالادى.

كەلۋ قاينارى: حالىق تورابى