حىبەي شيبايپو تاقىرىپتىق كورمەنى ساپالىلاندىرىپ، ونىمدەردى بايىتىپ، قىزىل اڭگىمەلەردى ويداعىداي بايانداپ، دامۋدىڭ قوزعاۋشى كۇشىن ارتتىردى (بايىرعى رايوننىڭ جاڭا ىستەرى)

5 - ايدا شيبايپو جۇڭگو كوممۋنيستىك پارتياسى ورتالىق كوميتەتىنىڭ كونە جۇرتىنداعى اۋلادا قاراعايلار جاسىل جەلەك جامىلىپ، پارتيا تۋى جايناپ تۇر.

ساياحاتشىلار تەڭبىلدەنىپ سىلانعان تام ۇيلەرگە كوز تاستاپ، جان تەبىرەنتەرلىك تاريحتى ەسكە الدى. ءبىر ءسات سىڭعىرلاعان تاقپاق ءۇنى شىعانداپ، كوزدى اشىپ - جۇمعانشا بارلىق ادامنىڭ نازارىن اۋداردى.

ءتۇسىندىرۋشى لي حۇڭجيە اسقاق ۇنمەن: ”تايحاڭشان رايونىنىڭ كونە تاۋ قويناۋىندا ءبىر شاعىن تاۋلى قىستاق بار. بۇل شاعىن تاۋلى قىستاق وتە ەرەكشە، جارقىراعان مەرۋەرتكە ۇقسايدى، جۇڭگونىڭ نۇرلى جولعا تۇسۋىنە جول نۇسقاعان بولاتىن ... “

”وسىنداي جاندى ويىندى كورىپ، مەنى سول ءبىر قىزىل جىلدارعا بىردەن الىپ كىردى“ دەدى شاندۇڭدىق ساياحاتشى جاۋ كۇن تەبىرەنىسىن جاسىرا الماي.

شيبايپو توڭكەرىستىك بايىرعى رايون حىبەي ولكەسىنىڭ پيڭشان اۋدانىنا ورنالاسقان، پارتيا ورتالىق كوميتەتىنىڭ بەيپيڭگە كىرىپ، بۇكىل جۇڭگونى ازات ەتۋدەگى ەڭ سوڭعى اۋىل - قىستاق قولباسشىلىق ورنى، قىزىل بايلىعى مول.

باس شۋجي شي جينپيڭ توڭكەرىستىك مادەني مۇرالار قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: ”توڭكەرىستىك مادەني مۇرالاردى شىن مانىندە ويداعىداي قورعاۋ، ويداعىداي باسقارۋ، ويداعىداي پايدالانۋ ارقىلى، توڭكەرىستىك مادەني مۇرالاردىڭ پارتيا تاريحىن ۇيرەنۋ تاربيەسى، توڭكەرىستىك ءداستۇر تاربيەسى، وتانشىلدىق تاربيە سياقتى جاقتارداعى ماڭىزدى رولىن ويداعىداي ساۋلەلەندىرۋىمىز كەرەك“.

”قىزىل حيكايانى اناعۇرلىم الىس، اناعۇرلىم كەڭ جەتكىزۋ _ بايىرعى رايونداردى گۇلدەندىرۋگە قۋات بەرەتىن ماڭىزدى تاقىرىپ“ دەدى شيبايپو ەسكەرتكىش سارايى باستىعىنىڭ ورىنباسارى زو لۋياۋ.

77 جىلدىڭ الدىندا پارتيا ورتالىق كوميتەتى شيبايپودان اتتانىپ ”بەيجيڭگە كەلىپ ەمتيحانعا قاتىناسقان“. جاڭالىق جاراتۋ ارقىلى، ”ولەڭ - جىر ىشىندەگى شيبايپو“ نەگىزگى تاقىرىپتىق ءىس - شاراسىن كەرەمەت بەينەلەگەن ەدى.

اسكەري كيىم، شۇپەرەك شاقاي كيىپ، بۇرىمىن ءورىپ العان ەسكەرتكىش سارايىنىڭ ءتۇسىندىرۋشىسى توڭىرەكتىڭ ءتورت بۇرىشىنان كەلگەن ساياحاتشىلاردى ەرتىپ، ”بەيجيڭگە كەلىپ ەمتيحانعا قاتىناسۋ“ قارساڭىنداعى شيبايپوعا قايتىپ كەلدى: اسكەري ىستەر كوميتەتىنىڭ سوعىس بولمەسىندە «مەنىڭ شيبايپوم» ءانى توڭكەرىستىك جىلداردى قايتا ەسكە ءتۇسىردى؛ پارتيا 7 - كەزەكتى ورتالىق كوميتەتى ەكىنشى جالپى ءماجىلىسىنىڭ ورنى الدىندا، «شيبايپو جىرى» اتتى ولەڭ وقۋ ورلەۋگە كوتەرىلدى ...

شيبايپو ەسكەرتكىش سارايى عىلىم - تەحنيكا ارقىلى ەنەرگيا بەرىپ، مادەني مۇرالار مەن تاريحي سۋرەتتەردىڭ ”سويلەۋىنە“ مۇمكىندىك جاسادى.

ەسكەرتكىش سارايىنىڭ 2 - كورمە زالىندا جەر رەفورماسى ءماجىلىسىنىڭ رەڭسىز سۋرەتى الدىندا، ەسكەرتكىش سارايىنىڭ شاعىن باعدارلاماسىنداعى AR (رەالدىقتى كۇشەيتۋ) پارىقتاۋ يقۋاتى اقىرىن جايمالانىسىمەن، ەكراننان سول جىلعى رەڭسىز دەرەكتى كەسكىن دەرەۋ قويىلدى.

قىزىل اڭگىمە تاريحي ماتەريالداردا ءومىر ءسۇردى ءارى سەزىنۋگە بولاتىن دانەكەردە قويىلدى.

ەسكەرتكىش سارايىنىڭ مادەنيەت جاسامپازدىعى زالىندا سەيىلدەگەندەرگە كورسەتىلەتىن 100 دەن استام قىزىل مادەنيەت جاسامپازدىق ونىمدەرى ادامدى قايران قالدىردى. بايىرعى كىتاپتار فورماسىندا جارىققا شىققان تەلەگرامما، مادەنيەت جاسامپازدىعى كىتاپتارى ”جۇرت جىگەرىنىڭ تالعامىنا“ اينالدى.

”بۇل كىتاپقا ماۋ زىدۇڭ جولداستىڭ كەزىندە شيبايپودا جولداعان 100 دەن استام تەلەگرامماسىنىڭ 40 تان استامى جيناقتالعان“ دەدى شيبايپو مادەنيەتتى دامىتۋ ورتالىعىنىڭ جاۋاپتىسى لي جيانزىڭ.

حىبەيدىڭ شىجياجۋاڭىنان كەلگەن ساياحاتشى ۋ يانچۇن قىزىن ەرتىپ ءجۇرىپ، ماتەريالداردى زەر سالا وقىپ شىقتى، ”وسى تەلەگراممالاردان توڭكەرىستىك اعا بۋىنداردىڭ ستراتەگيالىق اقىل - پاراساتى مەن بەرىك ەرىك - جىگەرىن شىنايى سەزىنۋگە بولادى ەكەن“.

جاندى اڭگىمە مازمۇنى، كوپ نەگىزدى بايانداۋ فورماسى شيبايپونىڭ باۋراۋ قۋاتىن ۇزدىكسىز جوعارىلاتتى. 2025 - جىلى شيبايپو ەسكەرتكىش سارايى 3 ميلليون 610 مىڭ ادام - رەت ساياحاتشى قابىلدادى.

قىزىل حيكايانى جاقسى ايتۋعا مۇراگەرلىك ەتەمىز، ونان دا ماڭىزدىسى، بۇل _ ءبىزدىڭ بورىشىمىز. ”ءبىز وزەكتى كورىنىس وڭىرلەرىنىڭ نەگىزگى تاقىرىپتىق كورمەسىن ۇزدىكسىز ساپالىلاندىرىپ، ونىمدەردىڭ سەزىنۋىن بايىتىپ، توڭكەرىستىك بايىرعى رايونداردىڭ گۇلدەنۋىنە، دامۋىنا اناعۇرلىم كوپ قوزعاۋشى كۇش ۇستەيمىز“ دەدى زو لۋياۋ.

كەلۋ قاينارى: حالىق تورابى