مەملەكەت بويىنشا 2026 - جىلى ەمدەلۋدى قامسىزداندىرۋ قورىنا تۇتقيىل تەكسەرۋ جۇرگىزۋ رەسمي باستالدى 

مەملەكەت بويىنشا ەمدەلۋدى قامسىزداندىرۋ قورىنا قاتىستى تۇتقيىل تەكسەرۋ جۇرگىزۋدى باستاۋ ءماجىلىسى جانە ساقتاندىرۋ – تاربيە بەرۋ ءماجىلىسى 5 - ايدىڭ 14 - كۇنى حۋنان ولكەسىنىڭ چاڭشا قالاسىندا اشىلدى، بۇل مەملەكەت بويىنشا 2026 - جىلى ەمدەلۋدى قامسىزداندىرۋ قورىنا قاتىستى تۇتقيىل تەكسەرۋ جۇرگىزۋدىڭ رەسمي باستالعانىن بىلدىرەدى.

تەكسەرىلەتىن وڭىرلەر جونىنەن ايتقاندا، بۇكىل ەلىمىزدەگى بارلىق ولكە دارەجەلى اكىمشىلىك رايوندار ۇزدىكسىز تولىق قامتىلادى، ءتۇيىندى تۇردە ىركىندى قورداعى بۇرىننان قالعان نەمەسە كەزەكتە قىزىل سيفر تۋىنداعان، ەمحاناعا جاتۋ سالىستىرماسى، تولەۋ سالىستىرماسى، ءوزى اقى تولەۋ سالىستىرماسى قاتارلى كورسەتكىشتەردە كورنەكتى قالىپسىز جاعدايلار ساقتالعان، ەمدەلۋدى قامسىزداندىرۋدان قاراجات الداپ الۋشىلاردى مالىمدەۋ دەرەكتەرى مەن ءىرى ساندى مالىمەت ارقىلى ەكشەلگەن دەرەكتەر ءبىرشاما شوعىرلانعان، ءوزىن - ءوزى تەكسەرىپ، ءوزىن - ءوزى تۇزەتۋى تياناقتى بولماعان، رەتتەۋ - تۇزەتۋى پارمەندى بولماعان ءبىرتۇتاس جوسپارلاناتىن وڭىرلەردى تاڭداپ تەكسەرۋ جۇرگىزىلەدى.

تەكسەرۋ وبيەكتىلەرى جونىنەن ايتقاندا، بەلگىلەنگەن ەمدەۋ قۇرىلىمدارى، بەلگىلەنگەن بولشەك ساتۋ ءدارىحانالارى، ەمدەلۋدى قامسىزداندىرۋ ىستەرىن ءبىتىرۋ قۇرىلىمدارى، قامسىزداندىرۋعا قاتىناسۋشىلار، قامسىزداندىرۋعا قاتىناسۋشى ورىندار قاتارلى 5 ءتۇرلى نەگىزگى تۇلعانى ءتۇيىندى تۇردە قامتيدى.

تەكسەرۋ ءتۇيىنى جونىنەن ايتقاندا، ەمدەلۋدى قامسىزداندىرۋ قورىنان قاراجات الداپ الۋعا قاتىستى ءتۇرلى الدامكوستىك ارەكەتتەرگە نازاردى شوعىرلاندىرادى، سۇيەك اۋرۋلارى، جۇرەك ىشكى اۋرۋلارى، قان ءسۇزۋ، اۋىز قۋىسى، كوز اۋرۋلارى، رۋحاني اۋرۋلار مەديتسيناسى قاتارلى 15 ءتۇيىندى سالاعا، قوعامداعىلار كەڭ كولەمدە نازار اۋدارىپ وتىرعان، جۇرتشىلىق اڭىسى كۇشتى بولعان ءتۇرلى كورنەكتى ماسەلەلەرگە نازاردى شوعىرلاندىرادى؛ سونىمەن بىرگە، بەلگىلەنگەن بولشەك ساتۋ ءدارىحانالارىندا كوپ كەزىگەتىن زاڭعا، زاڭدىق تارتىپكە قايشى تيپتىك 7 ءتۇرلى ارەكەتتى ارنايى تەكسەرۋ ءتۇيىنى ەتىپ بەلگىلەيدى. (ءتىلشى پىڭ يۇنجيا)

كەلۋ قاينارى: حالىق تورابى