اليشەر اعا جۇلدەگەر بولدى

6 – ايدىڭ 7 – كۇنى، 2026 ـ جىلعى مەملەكەتتىك جەڭىل اتلەتيكا سيلىقتى جارىسى (حۋاڭشى بەكەتى) حۋاڭشى وليمپيادا دەنە تاربيە ورتالىعىندا ءساتتى اياقتادى. شينجياڭ جەڭىل اتلەتيكاسىنىڭ جاس سپورتشىسى اليشەر ءومار بابىنا قايتا كەلىپ، ەرلەردىڭ 400 مەترلىك نىسانىنىڭ شەشۋشى جارىسىندا 46 سەكۋند 12 تاقىلدىق ناتيجەمەن اعا جۇلدەگەر بولدى.

بۇل ناتيجە اليشەردىڭ 2026 – جىلعى جارىس ماۋسىمىنداعى ەڭ تاماشا جەكە ناتيجەسى، سونداي - اق ونىڭ 2025 - جىلى جارالانىپ دەمالعاننان كەيىن، قايتادان جارىسقا قاتىناسقانداعى تۇڭعىش مەملەكەتتىك جارىستا قول جەتكىزگەن اعا جۇلدەگەرلىگى. كوز الداعى باسەكەدەگى جاعدايىنىڭ ورنىقتى جوعارىلاۋى ونىڭ بيىلعى ازيا سپورت جارىسىنىڭ شوعىرلى جاتتىعۋىنا جانە جارىسقا قاتىناسۋ تىزىمدىگىنە كىرۋىنە كوپتەگەن مۇمكىندىكتەر ازىرلەدى.

ەل ىشىندەگى ەرلەر 400 مەترلىك جارىس نىسانىنداعى ماڭىزدى جاس سپورتشى رەتىندە اليشەر ەل ىشىندەگى ءار دارەجەلى جارىس رەكوردىن تالاي رەت جاڭالاپ، وسى نىساننىڭ دامۋىنا شىت جاڭا ومىرشەڭدىك كۇش قوستى. 2024 – جىلى 3 – ايدىڭ 31 - كۇنى ول مەملەكەتتىك بولمە ىشىندەگى جەڭىل اتلەتيكا جۇلدەلى جارىسىنىڭ ەرلەردىڭ 400 مەترلىك جارىسىندا اعا جۇلدەگەر بولىپ، سول كەزدەگى مەملەكەتتىك بولمە ىشىندەگى نىسان رەكوردىن جاڭالادى؛ سول جىلى 4 – ايدىڭ 25 – كۇنى، ازيا جاستارى جەڭىل اتلەتيكا جۇلدەلى جارىسىنىڭ جارىس الاڭىندا ول 45 سەكۋند 53 تاقىلدىق ناتيجەمەن التىن مەدالدى قانجىعالاپ، مەملەكەتتىك جاستار رەكوردىن ءساتتى بۇزدى. 2024 – جىلى 4 – ايدىڭ 10 - كۇنى مەملەكەتتىك جەڭىل اتلەتيكا سيلىقتى جارىسىندا (جاۋچيڭ بەكەتى) ەرلەردىڭ 200 مەترلىك دايىندىق جارىسىندا اليشەر 20 سەكۋند 72 تاقىلدىق ناتيجەمەن مەملەكەتتىك U20 جاستار مەن ورەندەر رەكوردىن جاڭالادى، بۇل رەكورد كۇنى بۇگىنگە دەيىن كۇشكە يە بولىپ كەلەدى.

كەلۋ قاينارى: حالىق تورابى