بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

چاۋشياندا مەملەكەتتىك ساپاردا بولۋ ءۇشىن بەيجيڭنەن اتتاندى

شي جينپيڭ پيڭراڭعا جەتتى

2026.06.09 17:04     كەلۋ قاينارى : حالىق تورابى

6 - ايدىڭ 8 - كۇنى تۇستە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاققا وتىرىپ پيڭراڭعا جەتىپ، چاۋشيانداعى مەملەكەتتىك ساپارىن باستادى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ اۋەجايعا بارىپ شي جينپيڭ مەن حانىمى پىڭ لييۋاندى قارسى الدى.

سۋرەتتى شينحۋا اگەنتتىگىنىڭ ءتىلشىسى بي شياۋياڭ تۇسىرگەن

«حالىق گازەتى»، 6 - ايدىڭ 8 - كۇنى، پيڭراڭ (ءتىلشى ليۋ رۇڭ). 6 - ايدىڭ 8 - كۇنى تۇستە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاققا وتىرىپ پيڭراڭعا جەتىپ، چاۋشيانداعى مەملەكەتتىك ساپارىن باستادى.

سول جەر ۋاقىتى ساعات 12 دە شي جينپيڭ وتىرعان ۇشاق اۋەجايعا جەتتى. چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ اۋەجايعا بارىپ قارسى الدى. شي جينپيڭ مەن حانىمى پىڭ لييۋان ۇشاق ەسىگىنەن شىعىپ، باسپالداقتان ءتۇستى. جين جىڭىن شي جينپيڭمەن ىستىق ىقلاسپەن قول الىستى. چاۋشيان ورەندەرى مەن بالالارى شي جينپيڭ مەن حانىمى پىڭ لييۋانعا گۇل ۇسىندى.

ساي چي، ۋاڭ ي قاتارلى سەرىكتەرى دە وسى ۇشاقپەن بىرگە جەتتى.

جۇڭگونىڭ چاۋشياندا تۇراتىن باس ەلشىسى ۋاڭ ياجۇن دە اۋەجايعا بارىپ قارسى الدى.

«حالىق گازەتى»، 6 - ايدىڭ 8 - كۇنى، بەيجيڭ. 6 - ايدىڭ 8 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاقپەن بەيجيڭنەن اتتاندى، چاۋشيان ەڭبەك پارتياسىنىڭ باس شۋجيى، چاۋشيان دەموكراتيالىق حالىق رەسپۋبليكاسى مەملەكەت ىستەرى كوميتەتىنىڭ باستىعى جين جىڭىننىڭ ۇسىنىسىمەن چاۋشياندا مەملەكەتتىك ساپاردا بولادى.

ساپارعا بىرگە اتتانعانداردان باس شۋجي، مەملەكەت ءتوراعاسى شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلىلار بار.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى