بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ جين جىڭىن وتكىزگەن قارسى الۋ سالتىنا قاتىناستى

2026.06.09 17:05     كەلۋ قاينارى : حالىق تورابى

سول جەر ۋاقىتى 6 - ايدىڭ 8 - كۇنى تۇستە چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن پيڭراڭداعى كيم ەرسەن الاڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭگە ارناپ سالتاناتتى قارسى الۋ سالتىن وتكىزدى. سۋرەتتە: شي جينپيڭ جين جىڭىننىڭ سەرىك بولۋىندا چاۋشيان حالىق ارمياسى 3 ارمياسىنىڭ قۇرمەت قاراۋىلىن كوزدەن كەشىرۋدە.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

«حالىق گازەتى»، 6 - ايدىڭ 8 - كۇنى، پيڭراڭ (ءتىلشى ياڭ چياۋچۋ). سول جەر ۋاقىتى 6 - ايدىڭ 8 - كۇنى تۇستە چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن پيڭراڭداعى كيم ەرسەن الاڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭگە ارناپ سالتاناتتى قارسى الۋ سالتىن وتكىزدى.

كيم ەرسەن الاڭىنىڭ ءدال ورتاسىنا جۇڭگو، چاۋشيان پارتيالارىنىڭ، مەملەكەتتەرىنىڭ ەڭ جوعارى باسشىلارىنىڭ ۇلكەن سۋرەتى ىلىنگەن، ەكى جاعىنا جۇڭگوشا - چاۋشيانشا جازىلعان ”چاۋشيان - جۇڭگو دوستىعى ماڭگى جالعاسادى“، ”مىزعىماس چاۋشيان - جۇڭگو دوستىعى، ىنتىماعى جاساسىن“ دەگەن ۇراندار ەرەكشە كوز تارتادى. ەكى ەلدىڭ مەملەكەت تۋى جەلبىرەپ، قارسى الۋشىلار شاتتىققا شومىپ، اسىعا كۇتتى.

شي جينپيڭ مەن حانىمى پىڭ لييۋان اۆتوكولىكپەن جەتكەندە، اتتى اسكەرلەر ساپ تۇزەپ قارسى الدى، اسكەري وركەستر قارسى الۋ مۋزىكاسىن ورىندادى. جين جىڭىن مەن حانىمى لي شۋەجۋ الاڭدا قارسى الدى. شي جينپيڭ مەن حانىمى جانە جين جىڭىن مەن حانىمى جەكە - جەكە قارسى جاقتىڭ سەرىك بولۋشىلارىمەن قول الىسىپ قۇرمەت ءبىلدىردى. ەكى پارتيانىڭ، ەكى ەلدىڭ ەڭ جوعارى باسشىلارى قۇرمەت قاراۋىلى مىنبەسىنە بىرگە شىقتى، اسكەري وركەستر جۇڭگو مەن چاۋشياننىڭ مەملەكەت اندەرىن ورىندادى، 21 رەت قۇرمەت ساليۋتى اتىلدى. شي جينپيڭ جين جىڭىننىڭ سەرىك بولۋىندا چاۋشيان حالىق ارمياسى 3 ارمياسىنىڭ قۇرمەت قاراۋىلىن كوزدەن كەشىردى، قۇرمەت قاراۋىلىنىڭ مۇشەلەرى چاۋشيان تىلىندە ءور داۋىسپەن ”شي جينپيڭ جولداستىڭ دەنساۋلىعىنىڭ مىقتى بولۋىن تىلەيمىز“ دەدى. وسىدان كەيىن شي جينپيڭ جين جىڭىنمەن بىرگە سالتانات قاتارىن كوردى.

پيڭراڭداعى ءار سالا بۇقاراسى مەن ورەندەر، بالالار مەرەكەلىك كيىم كيىپ، قولدارىنا تۋ، گۇل جانە شار ۇستاپ، جۇڭگو مەن چاۋشياننىڭ دوستىق ۇرانىن جاڭعىرتا ايتىپ، شاتىرلاتا شاپالاق سوعىپ، ساپارلاي كەلگەن جۇڭگولىق سيلى قوناقتاردى شات مەرەيمەن شىنايى قارسى الدى. شي جينپيڭ مەن جين جىڭىن قىزىل كىلەممەن ءجۇرىپ، قارسى العان بۇقاراعا جانە ورەندەر مەن بالالارعا قول بۇلعاپ قۇرمەت ءبىلدىردى.

قارسى الۋ سالتى اياقتاعان كەزدە الاڭدا جۇڭگو تىلىندە جانە چاۋشيان تىلىندە قارسى الۋ سوزدەرى جازىلعان الۋان ءتۇستى شارلار اسپانعا ۇشىرىلدى. وسىدان كەيىن شي جينپيڭ مەن پىڭ لييۋان اۆتوكولىكپەن جينشيۋشان يىڭبيڭ قوناق سارايىنا ءتۇستى، جين جىڭىن مەن حانىمى لي شۋەجۋ يىڭبيڭ قوناق سارايىنا دەيىن جەتكىزىپ سالدى.

اۋەجايدان كيم ەرسەن الاڭىنا جانە كيم ەرسەن الاڭىنان جينشيۋشان يىڭبيڭ قوناق سارايىنا دەيىنگى جول بويىندا چاۋشيان بۇقاراسى جولدىڭ ەكى جاعىندا قول بۇلعاپ شي جينپيڭنىڭ ساپارلاي كەلگەنىن قارسى الدى.

ساي چي، ۋاڭ ي قاتارلىلار قاتىناستى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى