2026.06.09 17:06 كەلۋ قاينارى : حالىق تورابى

سول جەر ۋاقىتى 6 - ايدىڭ 8 - كۇنى كەشتە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋدىڭ سەرىك بولۋىندا پيڭراڭداعى دەنە تاربيە سارايىندا چاۋشياننىڭ ءار سالا بۇقاراسىمەن بىرگە ارناۋلى ادەبيەت - كوركەمونەر كونسەرتىن تاماشالادى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 6 - ايدىڭ 8 - كۇنى، پيڭراڭ (ءتىلشى گۇڭ حان). سول جەر ۋاقىتى 6 - ايدىڭ 8 - كۇنى كەشتە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋدىڭ سەرىك بولۋىندا پيڭراڭ دەنە تاربيە سارايىندا چاۋشياننىڭ ءار سالا بۇقاراسىمەن بىرگە ارناۋلى ادەبيەت - كوركەمونەر كونسەرتىن تاماشالادى.
ساعات 21 شاماسىندا شي جينپيڭ مەن حانىمى جين جىڭىن مەن حانىمىنىڭ سەرىك بولۋىندا دەنە تاربيە سارايىنىڭ ءتوراعالار مىنبەسىنە بىرگە شىقتى. بۇكىل زالداعى كورەرمەندەر مەن ارتيستەر دۋ قول شاپالاق سوعىپ، الاقايلاپ قارسى الدى جانە قۇرمەت ءبىلدىردى.
كونسەرت اسقاق سەزىمگە تولى، ايبىندى بولىپ، جۇڭگو - چاۋشيان حالىقتارى اراسىنداعى دوستىق سۇيىسپەنشىلىك ايقىن اڭعارىلىپ تۇردى. ارتيستەر ءان - ءبي، سەرىك ويىنى سياقتى نومىرلەردى ورىنداپ، شي جينپيڭنىڭ 7 جىلدان كەيىن چاۋشيانعا تاعى ساپارلاي كەلگەندىگىن قىزۋ قارسى الاتىندىعىن ءبىلدىرىپ، جۇڭگو مەن چاۋشياننىڭ ءداستۇرلى دوستىق سەلبەستىگىن بەكەمدەۋدى جانە دامىتۋدى ءۇمىت ەتكەن شىنايى سۇيىسپەنشىلىگىن بەينەلەدى. «مەن جانە مەنىڭ وتانىم»، «جۇپارگۇل»، «قىزىل تۋ جەلبىرەيدى» سياقتى قۇلاققا تانىس اندەر بۇكىل زالداعىلاردىڭ كۇشتى اڭىسىن قوزعاپ، ءالسىن - ءالى شاپالاق سوعىلدى. شي جينپيڭ مەن جين جىڭىن ارتيستەردىڭ تارتىمدى ويىندارىنا ءالسىن - ءالى شاپالاق سوعىپ قۇرمەت ءبىلدىردى.
كونسەرت «چاۋشيان - جۇڭگو دوستىعى ماڭگى جالعاسادى» دەگەن ءان اۋەنىمەن اياقتادى. جۇڭگو، چاۋشيان ەكى جاقتىڭ ۋاكىلدەرى ەكى پارتيانىڭ، ەكى ەلدىڭ ەڭ جوعارى باسشىلارى مەن ولاردىڭ حانىمدارى اتىنان ارتيستەرگە گۇل شارباقتارىن ۇسىنىپ، كونسەرتتىڭ ءساتتى بولعاندىعىن قۇتتىقتادى.
ساي چي، ۋاڭ ي قاتارلىلار قاتىناستى.
كەلۋ قاينارى: حالىق تورابى