مەملەكەتتىك دەنساۋلىق ساقتاۋ – سالاماتتىق كوميتەتى قاتارلى تاراۋلار اۋدان دارەجەلى ەمحانالارعا باعىتتامالى كومەكتەسۋدى كۇشەيتتى 

حالىق گازەتى 8 - ايدىڭ 27 - كۇنى بەيجيڭنەن حابارلايدى (ءتىلشى شىن شاۋتيە). مەملەكەتتىك دەنساۋلىق ساقتاۋ – سالاماتتىق كوميتەتى، اۋىل شارۋاشىلىعى جانە اۋىل – قىستاق مينيسترلىگى قاتارلى 5 تاراۋ جۋىردا «”15 – بەسجىلدىق“ مەزگىلىندە 3 – دارەجەلى ەمحانالاردىڭ اۋدان دارەجەلى ەمحانالارعا باعىتتامالى كومەكتەسۋى جوباسىن» جاريالادى. جوبادا ورتا جانە جوعارى دارەجەلى كاسىپتىك اتاعى بار زەينەتكە شىققان ەمدەۋ قىزمەتكەرلەرىن باعىتتامالى كومەكتەسۋ ارقىلى ۇلگى كورسەتۋ، جەتەكشىلىك ەتۋ جاعىندا قىزمەت وتەۋگە يكەمدى ورنالاستىرىپ، زەينەتكە شىققان شيپاگەرلەردىڭ كاسىپتىك ءبىلىمى جانە ارتىقشىلىعىن ساۋلەلەندىرۋ ايقىن بەلگىلەنگەن.

جوبادا اۋدان كولەمىندەگى ەمدەۋ – دەنساۋلىق ساقتاۋ جاعىندا قىزمەت وتەۋ جۇيەسىنىڭ قازىرگى جاعدايى، دامۋ جوسپارى، اۋدان دارەجەلى ەمحانالاردىڭ پاندەردى دامىتۋى قاجەتى قاتارلىلارعا نەگىزدەلىپ، باسقارۋ جانە ەمدەۋ – دەنساۋلىق ساقتاۋ سالاسىنداعى ورەلى دە بىلىكتى مامانداردى دالمە – ءدال تاڭداپ جىبەرىپ، باسقارۋ جانە تەحنيكالىق جاقتان باعىتتامالى كومەكتەسۋ ورتاعا قويىلعان. اۋدان دارەجەلى ەمحانالاردىڭ قىزمەت وتەۋ قۋاتىن جوعارىلاتۋ جاعىندا، باعىتتامالى كومەكتەسەتىن ەمحانا كومەككە يە بولاتىن ەمحانانىڭ دامۋ جاعدايى مەن اۋدان كولەمىندەگى ەمدەۋ جاعىندا قىزمەت وتەۋ قاجەتىنە نەگىزدەلىپ، ”جاي اۋرۋلاردى قالا، اۋدان كولەمىندە ەمدەۋدى“ باعدار ەتىپ، كومەككە يە بولعان وڭىردەگى سىرتقا جوتكەۋ مولشەرى جوعارى، ەمدەلۋ جاعىنداعى قاجەتسىنۋ زور اۋرۋ تۇرلەرىن توڭىرەكتەي وتىرىپ، اۋدان دارەجەلى ەمحانالاردىڭ كلينيكالىق ارناۋلى ءبولىمدى دامىتۋ جوباسىن جاساۋىنا كومەكتەسىپ، ەمدەۋ تۇرلەرىن اناعۇرلىم كەمەلدەندىرىپ، گرۋپپانى گرۋپپامەن جەتەلەۋ، شالعايدان ەمدەۋ، شالعايدان وپەراتسيا جاساۋ سياقتى كوپ ءتۇرلى فورمالار ارقىلى ساپالى ەمدەۋ بايلىعىن نەگىزگى ساتى مەن شەكاراداعى شالعاي وڭىرلەرگە دالمە – ءدال جەتكىزىپ، ءجيى كەزدەسەتىن اۋرۋلار مەن كوپ تارالاتىن اۋرۋلاردى ەمدەۋ قۋاتىن، شۇعىل قۇتقارۋ قۋاتىن جانە جۇقپالى اۋرۋلاردىڭ الدىن الۋ، تىزگىندەۋ قاتارلى الەۋمەتتىك دەنساۋلىق ساقتاۋ سالاسىندا قىزمەت وتەۋ قۋاتىن جوعارىلاتادى. جوبادا تاعى كومەكتەسۋ فورماسىن ءبىر تۇتاس جوسپارلاۋ، كاسىپتىك دارىندىلاردى تاربيەلەۋدى جەدەلدەتۋ، اۋدان دارەجەلى ەمحانالاردىڭ باسقارۋ دەڭگەيىن جوعارىلاتۋ قاتارلى جاقتاردا بەلگىلەمە شىعارىلعان.

كەلۋ قاينارى: حالىق تورابى