مەملەكەتتىك ”الدامكوستىكتەن AI ارقىلى ساقتانۋ“ قولدانبالى باعدارلاماسى قوسىلدى 

تەلەكوم جانە ينتەرنەت ارقىلى جۇرگىزىلەتىن الدامكوستىككە قارسى تۇرۋ قىزمەتىنىڭ ينفورماتسيالانۋ، زەردەلىلەنۋ دەڭگەيىن اناعۇرلىم جوعارىلاتىپ، بۇقارانىڭ الدامكوستىكتى دۇرىس پارىقتاۋىنا جانە ودان ساقتانۋىنا كومەكتەسۋ ءۇشىن، جۋىردا قوعام حاۋىپسىزدىگى مينيسترلىگى قىلمىستىق ىستەر بارلاۋ مەكەمەسىنىڭ جەتەكشىلىگىندە، شاڭحاي قالالىق قوعام حاۋىپسىزدىگى مەكەمەسى دەربەس زەرتتەپ جاساعان مەملەكەتتىك ”الدامكوستىكتەن AI ارقىلى ساقتانۋ“ قولدانبالى باعدارلاماسى رەسمي ىسكە قوسىلدى.

مەملەكەتتىك ”الدامكوستىكتەن AI ارقىلى ساقتانۋ“ قولدانبالى باعدارلاماسىنىڭ ءۇش ءتۇرلى نەگىزگى فۋنكتسياسى

ءبىرىنشى، AI ءىرى مودەلىنىڭ زەردەلى سۇراۋ – جاۋاپ يقۋاتى. پايدالانۋشى سۇراق قويعاننان كەيىن، جۇيە الدامكوستىك حاۋپىنە تالداۋ جاساۋ، الدامكوستىك ءتۇرىن پارىقتاۋ، ساقتانۋ جونىندەگى ۇسىنىس قاتارلى جاقتاردان جاۋاپ بەرەدى ءارى وسىعان بايلانىستى كەسكىندى مىسالداردى كورسەتىپ، پايدالانۋشىعا الدامكوستىككە قارسى تۇرۋ بىلىمدەرىن ۇيرەنۋ جانە الدامكوستىككە قاتىستى جاعدايلاردى تۇجىرىمداۋ جاعىندا ءسات سايىن قىزمەتىن وتەيدى؛

ەكىنشى، الدامكوستىككە قارسى تۇرۋ اقپاراتتارى. وعان مەملەكەتتىك الدامكوستىككە قارسى تۇرۋ ورتالىعى مەن شاڭحايداعى ”803“ الدامكوستىككە قارسى تۇرۋ جاڭا مەديا ماتريتساسى ورناتىلعان بولىپ، الدامكوستىككە قارسى تۇرۋ جاعىنداعى جاڭالىقتار، ءجيى تۋىلاتىن الدامكوستىك تۇرلەرىنە بايلانىستى دابىل قاعۋ، تيپىك دەلولارداعى الدامكوستەردىڭ قولداناتىن ادىستەرىنە تالداۋ جاساۋ قاتارلى مازمۇنداردى مەرزىم بويىنشا جاڭالاپ جاريالايدى، «سۋرەت جانە جازۋ + قىسقا كەسكىن“ فورماسى ارقىلى پايدالانۋشىلاردىڭ الدامكوستىكتىڭ جاڭا فورماسىنان حاباردار بولۋىنا مۇمكىندىك جاسايدى؛

ءۇشىنشى، الدامكوستىككە قارسى تۇرۋ سوزدىگى. وعان «تەلەكوم جانە ينتەرنەت ارقىلى جۇرگىزىلەتىن الدامكوستىكتەن ساقتانۋ جاعىنداعى ۇگىت قولدانباسى»، «بۇكىل حالىقتىق الدامكوستىكتەن ساقتانۋ باعدارلاماسىنىڭ ەلەكتروندىق نۇسقاسى» ورناتىلعان، پايدالانۋشىلار تۇرگە ءبولىپ وقۋ، ءتۇيىن سوزدەر ارقىلى ىزدەۋ جانە داۋىستاپ وقۋ فورماسى ارقىلى الدامكوستىككە قارسى تۇرۋ جاعىنداعى بىلىمدەردى جۇيەلى ۇيرەنە الادى.

قازىر، مەملەكەتتىك ”الدامكوستىكتەن AI ارقىلى ساقتانۋ“ قولدانبالى باعدارلاماسىن ءارقايسى ءىرى قولفون قولدانبالار بازارىنان ءتۇسىرىپ پايدالانۋعا بولادى، ۋيشين، جىفۋباۋ ارقىلى قولدانىلاتىن شاعىن باعدارلامالار دا اشىلعان، پايدالانۋشىلاردىڭ الدامكوستىككە قارسى تۇرۋ جاعىنداعى ءتۇرلى زەردەلى قىزمەت وتەۋ تۇرلەرىن تەز ارادا سىناپ كورۋىنە بولادى.

كەلۋ قاينارى: حالىق تورابى