شي جينپيڭ امەريكا زۇڭتۇڭى ترامپپەن كەڭەس وتكىزدى

جەرگىلىكتى ۋاقىت 9 - ايدىڭ 24 - كۇنى تۇستەن بۇرىن امەريكا زۇڭتۇڭى ترامپ اق سارايدا سالتاناتتى سالت وتكىزىپ، جۇڭگونىڭ مەملەكەت ءتوراعاسى شي جينپيڭنىڭ امەريكاعا مەملەكەتتىك ساپارمەن كەلگەندىگىن قىزۋ قارسى الدى. سۋرەتتە: شي جينپيڭ مەن حانىمى پىڭ لييۋان ترامپ زۇڭتۇڭمەن جانە حانىمى ميلانيامەن بىرگە سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

جەرگىلىكتى ۋاقىت 9 - ايدىڭ 24 - كۇنى تۇستەن بۇرىن امەريكا زۇڭتۇڭى ترامپ اق سارايدا سالتاناتتى سالت وتكىزىپ، جۇڭگونىڭ مەملەكەت ءتوراعاسى شي جينپيڭنىڭ امەريكاعا مەملەكەتتىك ساپارمەن كەلگەندىگىن قىزۋ قارسى الدى. سۋرەتتە: شي جينپيڭ ارناۋ ءسوز سويلەۋدە.

□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

جەرگىلىكتى ۋاقىت 9 - ايدىڭ 24 - كۇنى تۇستەن بۇرىن امەريكا زۇڭتۇڭى ترامپ اق سارايدا سالتاناتتى سالت وتكىزىپ، جۇڭگونىڭ مەملەكەت ءتوراعاسى شي جينپيڭنىڭ امەريكاعا مەملەكەتتىك ساپارمەن كەلگەندىگىن قىزۋ قارسى الدى. قارسى الۋ سالتى اياقتاعاننان كەيىن، ەكى ەلدىڭ مەملەكەت باسشىلارى مەن حانىمدارى اق سارايداعى ەلليپس فورمالى كەڭسەگە بارىپ، ىقىلاستى، دوستىق بەينەدە پىكىرلەستى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جەرگىلىكتى ۋاقىت 9 - ايدىڭ 24 - كۇنى تۇستەن بۇرىن امەريكا زۇڭتۇڭى ترامپ اق سارايدا سالتاناتتى سالت وتكىزىپ، جۇڭگونىڭ مەملەكەت ءتوراعاسى شي جينپيڭنىڭ امەريكاعا مەملەكەتتىك ساپارمەن كەلگەندىگىن قىزۋ قارسى الدى. سۋرەتتە: سوعىس ۇشاعى اق سارايدان ۇشىپ ءوتىپ، جۇڭگو مەن امەريكا ەكى ەلدىڭ مەملەكەت باسشىلارى مەن حانىمدارىنا قۇرمەت ءبىلدىردى.

□ سۋرەتتى شينحۋا اگەنتتىگى تاراتقان (شىڭ جياپىڭ تۇسىرگەن)

جەرگىلىكتى ۋاقىت 9 - ايدىڭ 24 - كۇنى تۇستەن بۇرىن امەريكا زۇڭتۇڭى ترامپ اق سارايدا سالتاناتتى سالت وتكىزىپ، جۇڭگونىڭ مەملەكەت ءتوراعاسى شي جينپيڭنىڭ امەريكاعا مەملەكەتتىك ساپارمەن كەلگەندىگىن قىزۋ قارسى الدى. قارسى الۋ سالتى اياقتاعاننان كەيىن، ەكى ەلدىڭ مەملەكەت باسشىلارى مەن حانىمدارى اق سارايداعى ەلليپس فورمالى كەڭسەگە بارىپ، ىقىلاستى، دوستىق بەينەدە پىكىرلەستى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

شينحۋا اگەنتتىگىنىڭ 9 - ايدىڭ 24 - كۇنى ۆاشينگتوننان بەرگەن حابارى (تىلشىلەر لي جۇڭفا، يان لياڭ). جەرگىلىكتى ۋاقىت 9 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ امەريكا زۇڭتۇڭى ترامپپەن اق سارايدا كەڭەس وتكىزدى.

شي جينپيڭ بىلاي دەپ اتاپ كورسەتتى: جۇڭگو مەن امەريكا ەكى ەل مەملەكەت باسشىلارىنىڭ جارتى جىلعا جەتپەيتىن ۋاقىت ىشىندە ءوزارا ساپاردا بولۋى جۇڭگو − امەريكا قاتىناسى تاريحىندا بولىپ كورمەگەن ءىس. مەن ترامپ زۇڭتۇڭمەن باستان - اياق ءتۇرلى تاسىلدەرمەن بايلانىستى ساقتاپ، جۇڭگو − امەريكا قاتىناسى سىندى الىپ كەمە ءۇشىن بىرگە جول باستاپ، رول ۇستاپ كەلدىك. بيىل 5 - ايدا ترامپ زۇڭتۇڭ ەكەۋىمىز جۇڭگو مەن امەريكانىڭ سىندارلى ستراتەگيالىق ورنىقتى قاتىناسىن ورناتۋدى ءبىر اۋىزدان ۇيعاردىق. بۇل جاڭا ورىن جۇڭگو − امەريكا قاتىناسىنىڭ رەالدىعىن اڭىس ەتتى، سونداي - اق بولاشاق جونىندەگى ءۇمىتتى ايگىلەدى، ول ەكى ەلدىڭ دۇرىس بارىس - كەلىس جاساۋ جولىنا بەت الۋداعى ماڭىزدى قادامى. ءبىز وسى ارماندى ارەكەتكە اينالدىرىپ، سەلبەستىكتى نەگىز ەتكەن، باسەكە ۇيلەسىمدى بولعان، الاۋىزدىقتى مەڭگەرۋگە بولاتىن، بەيبىتشىلىكتى ىسكە اسىرۋعا بولاتىن بەتالىسقا قاراي قۇلشىنىپ، ەكى ءىرى ەلدىڭ دۇرىس بارىس - كەلىس جاساۋ جولىن اشۋىمىز كەرەك. جۇڭگو − امەريكا ەكى ەل ناقتى ىستەر سەلبەستىگىندە ءوزارا پايدا جەتكىزىپ تەڭ يگىلىككە كەنەلىپ، ۇتىمدى باسەكە بارىسىندا ءبىرىن - ءبىرى تابىسقا جەتكىزىپ، پارىقتاردى ساقتاپ ورتاقتىققا ۇمتىلۋ بارىسىندا الاۋىزدىقتاردى ۇيلەسىمدى شەشىپ، ءوزارا سەنىمدىلىكتى توپتاۋ بارىسىندا بەيبىتشىلىكتى بەكەمدەپ، جۇڭگو مەن امەريكانىڭ سىندارلى ستراتەگيالىق ورنىقتى قاتىناسىنىڭ ەكى ەل حالقىن جانە دۇنيە جۇزىندەگى ءار ەل حالقىن اناعۇرلىم ويداعىداي يگىلىككە كەنەلتۋى كەرەك ءارى وسىنى بۇكىلدەي ورىنداي الادى.

شي جينپيڭ بىلاي دەپ باسا دارىپتەدى: ەكى جاقتىڭ ەكونوميكا - ساۋدا ۇيىرمەلەرى جاڭا كەزەكتى كەڭەس وتكىزىپ، جاڭا بىرلەسكەن ورنالاستىرۋ جاسادى، بۇل ەكى ەلدىڭ كاسىپ سالاسى، بۇقاراسى، تىپتەن، دۇنيە ءجۇزى ەكونوميكاسى جونىنەن جاقسى حابار. سەلبەستىك − قوس باعىتتى جول، جۇڭگو مەن امەريكانىڭ ەكونوميكا - ساۋدا قاتىناسىنىڭ ورنىقتى بولۋى ءارى سەلبەستىك ءتىزىمىن ۇزارتۋدى، ءارى ماسەلە ءتىزىمىن ىقشامداۋدى قاجەت ەتەدى. تەك تەڭدىك، ءوزارا قۇرمەت ەتۋ، ءوزارا تيىمدىلىك جاساۋ رۋحىن ۇستانعاندا عانا ماسەلەنى شەشۋ جولىن تابۋعا بولادى. ەكى جاقتىڭ ءبىر باعىتتا ىلگەرىلەپ، ءوزارا پايدا جەتكىزىپ تەڭ يگىلىككە كەنەلۋ باعدارىنان جازباي، جۇڭگو − امەريكا ەكونوميكا - ساۋدا قاتىناسىنىڭ ءۇرتىس ورنىقتى جاقسارىپ، دامۋىن ىلگەرىلەتۋىن ءۇمىت ەتەمىن.

شي جينپيڭ بىلاي دەپ اتاپ كورسەتتى: جۇڭگو مەن امەريكا ەكەۋى دە جاساندى زەردە جاعىنداعى ءىرى ەلدەر، ەكى جاق باسەكەلەسسە بولادى، سەلبەسسە تىپتەن بولادى، ءبىر - بىرىنەن قورعانعاننان گورى، ءوز ارتىقشىلىقتارىن ساۋلەلەندىرۋى كەرەك. ەكى جاق جاساندى زەردە جونىندە ۇزدىكسىز تىلدەسىپ، ونىڭ قاتەرى مەن پايداسى جونىندە اۋىس - كۇيىس جاساپ، جاساندى زەردەنى بەتالدى پايدالانۋدان، جات نيەتپەن پايدالانۋدان بىرگە ساقتانسا بولادى. ادامزاتتىڭ جاساندى زەردە تەحنولوگياسى جونىندەگى مەڭگەرۋىن ساقتاپ، ادامدى نەگىز ەتۋ، العا باسۋ، ىزگىلىككە ۇمتىلۋ ۇستانىمىنان جازباي، جاساندى زەردەنى ادامزاتتىڭ العا باسۋىنا قىزمەت ەتتىرۋ كەرەك.

شي جينپيڭ بىلاي دەپ باسا دارىپتەدى: جۇڭگو جاقتىڭ مەملەكەتتىڭ بىرلىگى مەن تەرريتوريا تۇتاستىعىن قورعاۋ تۇرعىسى وتە ايقىن. امەريكا جاقتىڭ ”تايۋاندى دەربەستەندىرۋگە“ قارسى تۇرۋ دۇرىس تۇرعىسىندا تاباندى بولىپ، تايۋان ماسەلەسىن بايىپتىلىقپەن ءبىر جاقتى ەتىپ، جۇڭگو مەن امەريكانىڭ ستراتەگيالىق سەلبەستىگىنە جانە ەكى ەل قاتىناسىنىڭ دامۋىنا بەرىك نەگىز قالاۋىن ءۇمىت ەتەمىز.

ترامپ مىنالاردى ءبىلدىردى: ءتوراعا شي جينپيڭنىڭ بۇل جولعى امەريكاداعى مەملەكەتتىك ساپارى − ۇلى ساپار. امەريكا مەن جۇڭگو ەكەۋى دە ءىرى ەلدەر، مەن ءتوراعا شي جينپيڭمەن جاقسى دوسپىن، تەرەڭ ءارى تىعىز بارىس - كەلىستى ساقتاپ كەلەمىز. ءبىزدىڭ باسشىلىعىمىزدا، امەريكا − جۇڭگو قاتىناسى، ءسوز جوق، جاقسى بولادى. ەكى ەلدىڭ ەكونوميكا - ساۋدا ۇيىرمەلەرى جاڭا كەزەكتى كەڭەس وتكىزىپ، تىڭ جەتىستىككە قول جەتكىزدى، ەكى جاق ۇزدىكسىز تىلدەسىپ، اناعۇرلىم جاقسى كەلىسىمگە كەلۋى كەرەك. جاساندى زەردە ادامزاتتىڭ بولاشاعىنا سايادى، امەريكا مەن جۇڭگو وسى جونىندە تىلدەسۋدى ساقتاپ، سەلبەستىكتى كۇشەيتۋى كەرەك.

ەكى ەلدىڭ مەملەكەت باسشىلارى تاعى ورتا شىعىس جاعدايى، ۋكراينا داعدارىسى، چاۋشيان تۇبەگى سياقتى كەلەلى حالىقارالىق جانە وڭىرلىك ماسەلەلەر جونىندە پىكىر اۋىستىردى.

ەكى ەلدىڭ مەملەكەت باسشىلارى 2026 - جىلعى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن جانە 20 ەل توبى باسشىلارى ءماجىلىسىن ويداعىداي وتكىزۋدى ءوزارا قولدايتىندىقتارىن تۇراقتاندىردى.

ساي چي، ۋاڭ ي، حى ليفىڭ قاتارلىلار قاتىناستى.