8 - ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 29171 ماسەلە تەكسەرىلىپ ءبىر جاقتى ەتىلدى 

گازەتىمىزدىڭ 9 - ايدىڭ 22 – كۇنى بەيجيڭنەن بەرگەن حابارى (ءتىلشى شى يچي). ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتى 9 - ايدىڭ 22 - كۇنى بيىل 8 - ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردى تەكسەرىپ ءبىر جاقتى ەتۋ جالپى جاعدايىن جاريالادى. حابارلاندىرۋعا قاراعاندا، 8 - ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن جيىنى 29171 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 35901 ادام بولعان، مۇنىڭ ىشىندە 24494 ادامعا پارتيا ءتارتىبى جانە اكىمشىلىك ىستەر بويىنشا جازا بەرىلگەن.

حابارلاندىرۋعا قاراعاندا، 8 - ايدا ەلىمىز بويىنشا فورماشىلدىققا، تورەشىلدىككە قاتىستى 15431 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 19689 ادام بولعان، مۇنىڭ ىشىندە ”مىندەتىن اتقارۋ، جاۋاپكەرشىلىگىن ادا ەتۋ، ەكونوميكالىق، قوعامدىق دامۋعا قىزمەت وتەۋ جانە ەكولوگيالىق ورتانى قورعاۋ جاعىندا جاۋاپكەرشىلىگىن ارقالاماۋ، جۇمىستى تىندىرىمدى ىستەمەۋ، الباتى ىستەۋ، جالعاننان ىستەگەن بولۋ، جوعارى ساپالى دامۋعا اۋىر دارەجەدە ىقپال ەتۋ“ جاعىنداعى ماسەلە ەڭ كوپ بولىپ، 12971 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 16602 ادام بولعان. 8 - ايدا ەلىمىز بويىنشا راقاتقۇمارلىققا، ىسىراپشىلدىققا ساياتىن 13740 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 16212 ادام بولعان، مۇنىڭ ىشىندە ”بەلگىلەمەگە قايشى تۇردە قىمبات باعالى جەرگىلىكتى ءونىم جانە اقشالاي، زاتتاي تارتۋ – تارالعى ۇسىنۋ – قابىلداۋ“ جاعىنداعى ماسەلە ەڭ كوپ بولىپ، 8603 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 9365 ادام بولعان.

8 - ايدا ەلىمىز بويىنشا مەڭگەرمە، مەكەمە دارەجەلى باسشى كادرلارعا قاتىستى 117 ماسەلە، اۋدان، باسقارما دارەجەلى باسشى كادرلارعا قاتىستى 1568 ماسەلە، اۋىل، ءبولىم دارەجەلى جانە ودان تومەن دارەجەلى كادرلارعا قاتىستى 27486 ماسەلە انىقتالىپ ءبىر جاقتى ەتىلگەن.

كەلۋ قاينارى: حالىق تورابى