2026 – جىلى ۇقىققا قول سۇققان جالعان، جارامسىز تاۋارلاردى مەملەكەت بويىنشا ءبىرتۇتاس جويۋ ارەكەتى ورىستەتىلدى

مەملەكەتتىك ساپا جاعىندا قۇدىرەتتى ەل قۇرۋدى سايكەستى ىلگەرىلەتۋگە باسشىلىق ەتۋ گرۋپپاسى كەڭسەسى، مەملەكەتتىك بازاردى باقىلاۋ ـ باسقارۋ باس مەكەمەسى تاياۋدا 2026 ـ جىلعى ۇقىققا قول سۇققان جالعان، جارامسىز تاۋارلاردى مەملەكەت بويىنشا ءبىرتۇتاس جويۋ قيمىلىن بىرلەسىپ ۇيىمداستىردى، بۇكىل ەلدەگى 25 ولكە (اۆتونوميالى رايون، توتە قاراستى قالا) ۇقىققا قول سۇققان جالعان، جارامسىز تاۋارلاردى جويۋ قىزمەتىن بىرگە ورىستەتتى.

وسى رەتكى قيمىلدا ۇقىققا قول سۇققان جالعان، جارامسىز ازىق ـ تۇلىك، ءدارى ـ دارمەك، كيىم ـ كەشەك، اياق كيىم، باس كيىم، تەمەكى، اراق، بەزەنۋ بۇيىمدارى، ۇرلاپ باسىلعان باسىلىم، گاز وشاق، اۆتوكولىك بولشەكتەرى، ەلەكتروندىق ەلەكتر جابدىقتارى، ءورت ءسوندىرۋ، ورتتەن ساقتانۋ ونىمدەرى قاتارلى 200 دەن استام تۇردەگى ءونىم جويىلدى، بۇل ەل ءىشى ـ سىرتىنداعى كوپتەگەن ايگىلى ماركالارعا سايادى، جالپى مولشەرى 4938 تونناعا، زات قۇنى شامامەن 858 ميلليون يۋانعا جەتىپ، تۇگەلدەي جاسىل، ورتانى قورعاۋ ءتاسىلىن قولدانىپ، زالالسىزداندىرىپ ءبىر جاقتى ەتىلدى.

سوڭعى جىلداردان بەرى، جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ جانە تياناقتاندىرىپ، نازاردى قوعام كوڭىل ءبولىپ وتىرعان، حالىق تۇرمىسىنا تىعىز قاتىستى ماسەلەلەرگە شوعىرلاندىرىپ، ءتۇيىندى سالالاردى، ءتۇيىندى ونىمدەردى، ءتۇيىندى بۋىنداردى جونگە سالۋدى ۇزدىكسىز تەرەڭدەتىپ، ءبىلىم مەنشىك ۇقىعىن قورعاۋ جانە ۇقىققا قول سۇعۋعا، جالعاندىققا سوققى بەرۋ قىزمەتىنىڭ تەبىنىن ۇزدىكسىز ارتتىرىپ، ۇقىققا قول سۇققان جالعان، جارامسىز تاۋارلاردى ءبىرتۇتاس جويۋ قيمىلىن ۇزدىكسىز ۇيىمداستىرىپ ورىستەتتى، تۇتىنۋشىلار مەن ۇقىقتى ادامداردىڭ زاڭدى ۇقىق - مۇددەسىن پارمەندى قورعاپ، ساپا جاعىندا قۇدىرەتتى ەل جانە ءبىلىم مەنشىك ۇقىعى جاعىندا قۇدىرەتتى ەل قۇرۋعا دەم بەرۋ، بازارلاندىرىلعان، زاڭمەن باسقاراتىن، حالىقارالانعان ماڭداي الدى ساۋدا ورتاسىن قالىپتاستىرۋ قاتارلى جاقتاردا بەلسەندى رول اتقاردى.

كەلۋ قاينارى: حالىق تورابى