جۇڭگو بىرلەسكەن مەملەكەتتەر ۇيىمىنا بۇل زاتتى تارتۋ ەتتى، كورمەگە ماڭگى قويىلادى

جەرگىلىكتى ۋاقىت بويىنشا 9 – ايدىڭ 14 – كۇنى، جۇڭگو مەملەكەتتىك عارىش مەكەمەسى، بىرلەسكەن مەملەكەتتەر ۇيىمى جانە باسقا دا حالىقارالىق ۇيىمدارداعى تۇراقتى ۋاكىلدەر ۇيىرمەسى مەن بىرلەسكەن مەملەكەتتەر ۇيىمىنىڭ عارىش كەڭىستىگىن باسقارۋ باس مەكەمەسى ۆەنا قالاسىنداعى بىرلەسكەن مەملەكەتتەر ۇيىمىنىڭ باس شتابىندا وتكىزىپ بەرۋ – وتكىزىپ الۋ سالتىن وتكىزدى، جۇڭگو ”چاڭ – ى 6 – ءنومىرلى“ عارىش اسپابى ادامزات تاريحىنداعى ايدىڭ ارعى بەتىندەگى توپىراقتان جيناعان تۇڭعىش توپتاعى ۇلگىلەرىن بىرلەسكەن مەملەكەتتەر ۇيىمىنا رەسمي تارتۋ ەتتى. ۆەناداعى ءارقايسى حالىقارالىق ۇيىمداردىڭ جاۋاپتىلارى، ءارقايسى ەلدەردىڭ تۇراقتى ۋاكىلدەرى، ۆەنا قالاسىنداعى ءار سالا ۋاكىلدەرى قاتارلىلاردان 400 دەن استام سيلى قوناق سالتقا قاتىناستى.

مەملەكەتتىك عارىش مەكەمەسىنىڭ باستىعى شان جۇڭدى بىرلەسكەن مەملەكەتتەر ۇيىمىنىڭ ۆەناداعى باسقارماسىنىڭ باس مەڭگەرۋشىسى جۋما، عارىش كەڭىستىگىن باسقارۋ باس مەكەمەسىنىڭ باستىعى حولا – مايني، جۇڭگونىڭ ۆەناداعى تۇراقتى ۋاكىلى، باس ەلشىسى لي سۇڭ قاتارلىلار بىرگە ايدىڭ توپىراق ۇلگىسىنىڭ شىمىلدىعىن اشتى. ايدىڭ توپىراق ۇلگىسى ۆەنا قالاسىنداعى بىرلەسكەن مەملەكەتتەر ۇيىمىنىڭ باس شتابىندا كورمەگە ماڭگى قويىلادى.

كەلۋ قاينارى: حالىق تورابى