جىنشىميڭ قاتارلى 37 توپتاعى ءدارى – دارمەك ۇلگى الىپ تەكسەرۋدە تولىمسىز بولدى، ساتۋدى توقتاتىپ، قايتارىپ الۋ كەرەك

ءتىلشىنىڭ 9 – ايدىڭ 7 – كۇنى ۇعىسۋىنا قاراعاندا، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى جاريالاعان ەڭ جاڭا ءدارى – دارمەك ۇلگىسىن الىپ تەكسەرۋ حابارلاندىرۋىندا كورسەتىلۋىنشە، بەيجيڭ قالالىق ءدارى – دارمەكتى تەكسەرۋ – زەرتتەۋ مەكەمەسى، شيامىن قالالىق ازىق – تۇلىك، ءدارى – دارمەك ساپاسىن تەكسەرۋ – زەرتتەۋ مەكەمەسى قاتارلى ءدارى – دارمەكتى تەكسەرەتىن 5 قۇرىلىمىنىڭ تەكسەرۋى بارىسىندا 13 كاسىپورىن وندىرگەن 37 توپتاعى ءدارى – دارمەك بەلگىلەمەگە ۇيلەسپەگەن.

وسى 37 توپتاعى ءدارى – دارمەك مىنالار:

· شيامىن قالالىق ازىق – تۇلىك، ءدارى – دارمەك ساپاسىن تەكسەرۋ – زەرتتەۋ مەكەمەسى تەكسەرۋ بارىسىندا ءونىم بەلگىسىنە ۋحان نوۋان ءدارى – دارمەك شەكتى سەرىكتەستىگى ءوندىردى دەپ كورسەتىلگەن 4 توپتاعى پروپيون قىشقىلى فلۋتيكاسون مايىنىڭ pH ءمانىنىڭ بەلگىلەمەدەگى تالاپقا ۇيلەسپەيتىنىن بايقاعان؛

· بەيجيڭ قالالىق ءدارى – دارمەكتى تەكسەرۋ – زەرتتەۋ مەكەمەسى تەكسەرۋ بارىسىندا ءونىم بەلگىسىنە جىنشىميڭ (جياڭشي) ءدارى – دارمەك شەكتى سەرىكتەستىگى، چىڭدۋ چيڭشان ليكاڭ ءدارى – دارمەك شەكتى سەرىكتەستىگى ءوندىردى دەپ كورسەتىلگەن جيىنى 23 توپتاعى توبىراميسين مەن دەكسامەتازون كوزگە تامىزاتىن ءدارىسىنىڭ سيپاتى جانە قۇرىلىمى، ۇلكەندىگى، ميكروبسىزدىعى قاتارلى نىسان تالاپتارى بەلگىلەمەگە ۇيلەسپەيتىنىن بايقاعان؛

· فۋجيان ولكەلىك ازىق – تۇلىك، ءدارى – دارمەك ساپاسىن تەكسەرۋ – زەرتتەۋ مەكەمەسى تەكسەرۋ بارىسىندا ءونىم بەلگىسىنە شاندۇڭ بەيدا گاۋكى حۋاتاي ءدارى – دارمەك شەكتى سەرىكتەستىگى ءوندىردى دەپ كورسەتىلگەن ءبىر توپتاعى تۇز قىشقىلى اميودارون ۋكول سۇيىقتىعىنىڭ قۇرامىنداعى قاتىستى زاتتار، يودتالعان زاتتار جانە قۇرامىن ولشەۋ قاتارلى نىساندار تالاپتاعى بەلگىلەمەگە ۇيلەسپەيتىنىن بايقاعان؛

· جىجياڭ ولكەلىك ازىق – تۇلىك، ءدارى – دارمەك تەكسەرۋ – زەرتتەۋ مەكەمەسى تەكسەرۋ بارىسىندا ءونىم بەلگىسىنە انحۇي حانشىڭ ءدارى – دارمەك شەكتى سەرىكتەستىگى، چىڭدۋ قالاسى چيلۇڭ جۇڭگوشا تۋرامالى دارىلەردى ءوندىرۋ شەكتى سەرىكتەستىگى، سىچۋان حاۋبو ءدارى – دارمەك شەكتى سەرىكتەستىگى ءوندىردى دەپ كورسەتىلگەن جيىنى 3 توپتاعى ونىمدەردەگى وگەيشوپتىڭ قۇرامىنداعى بوگدە زاتتار مەن ونىڭ قۇرامىن ولشەۋ قاتارلىلار بەلگىلەمەدەگى تالاپقا ۇيلەسپەيتىنىن بايقاعان؛

· شاڭحاي قالالىق ءدارى – دارمەكتى تەكسەرۋ – زەرتتەۋ مەكەمەسى تەكسەرۋ بارىسىندا ءونىم بەلگىسىنە انگو قالالىق شينلۇڭ ءدارى – دارمەك شەكتى سەرىكتەستىگى، حىبەي رىنشين ءدارى – دارمەك شەكتى سەرىكتەستىگى، حاربين يفاڭ ءدارى – دارمەك شەكتى سەرىكتەستىگى، انحۇي گۇيۋان ءدارى – دارمەك شەكتى سەرىكتەستىگى، شاندۇڭ يفاڭ ءدارى – دارمەك شەكتى سەرىكتەستىگى، سىچۋان جينكى ءدارى – دارمەك شەكتى سەرىكتەستىگى ءوندىردى دەپ كورسەتىلگەن جيىنى 6 توپتاعى زەيىنشوپ ءونىمىنىڭ سيپاتى، سارى اسپەرگيللا ۋىتى مەن ونىڭ قۇرامىن ولشەۋ قاتارلىلار بەلگىلەمەگە ۇيلەسپەيتىنىن بايقاعان.

مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى مىنانى ءبىلدىردى: وسى 37 توپتاعى ءدارى – دارمەك جونىندە، ءدارى – دارمەكتى باقىلاۋ – باسقارۋ تاراۋى قاتىستى كاسىپورىندار مەن ورىنداردان ساتۋدى، پايدالانۋدى ۋاقىتشا توقتاتۋ، قايتارىپ الۋ قاتارلى حاۋىپ – قاتەردى تىزگىندەۋ شارالارىن قولدانۋدى تالاپ ەتتى، سونداي – اق بەلگىلەمەگە ۇيلەسپەۋ سەبەبىن تەكسەرىپ، شىنايى تۇردە رەتتەۋ – وڭاۋ جۇرگىزۋدى تالاپ ەتتى. مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى قاتىستى ولكە دارەجەلى ءدارى – دارمەكتى باقىلاۋ – باسقارۋ تاراۋلارىنان «جۇڭحۋا حالىق رەسپۋبليكاسىنىڭ ءدارى – دارمەكتى باسقارۋ زاڭىنا» ساي، اتالعان كاسىپورىندار مەن ورىنداردىڭ زاڭعا قايشى ارەكەت كۇمانىنا قاتىستى دەلولاردى تەكسەرىپ انىقتاۋدى ءارى بەلگىلەمە بويىنشا تەكسەرىپ ءبىرجاقتى ەتۋ ناتيجەسىن اشىق جاريالاۋدى تالاپ ەتتى.

كەلۋ قاينارى: حالىق تورابى