تيرزەپاتيد ارىقتاتۋ ۋكولىنەن 323 تال ۋكولدى انىقتاپ قولعا ءتۇسىردى 

8 - ايدىڭ 29 - كۇنى، ۋحان تيانحى اۋەجايى كەدەنىنىڭ قىزمەتكەرلەرى شەكارادان كىرەتىن ۇشاقتاردى باقىلاپ - باسقارۋ بارىسىندا، ”جاسىل ارنا“ ارقىلى شەكارادان كىرەتىن 8 ساياحاتشىنىڭ الىپ جۇرگەن جۇك - بۇيىمدارىنىڭ ماشينامەن تەكسەرىلگەن سۋرەتىنىڭ قالىپسىز ەكەنىن بايقاعان، سۋرەتتەن جۇك ىشىندە كوپ مولشەردەگى ينە تۇرىندەگى بىركەلكى بۇيىمدار بار ەكەنىن كورىپ، دەرەۋ بوگەپ تەكسەرۋ بۇيرىعىن تۇسىرگەن. ساندىقتى اشىپ تەكسەرۋ بارىسىندا، اتالعان ساياحاتشىلاردىڭ جۇك ساندىعىنان تيرزەپاتيد ارىقتاتۋ ۋكولىنان 323 تال ۋكول تابىلعان. قازىر جوعارىداعى دەلو اتكەزشىلىككە قارسى تاراۋلارعا ىشكەرىلەي ءبىر جاقتى ەتۋگە تاپسىرىلدى.

تيرزەپاتيد پەپتيدتى گورموندارعا جاتادى، ”بەلوكتى اسسيميلياتسيالايتىن جاساۋلى دارىلەر مەن پەپتيدتى گورمونداردى يمپورت - ەكسپورت ەتۋدى باسقارۋ ادىسىنە“ ساي، رۇقسات بويىنشا يمپورت ەتۋ سىندى باسقارۋ ءتاسىلى قولدانىلادى، تيرزەپاتيدتى يمپورت ەتۋ ءۇشىن دارىگە قاتىستى «يمپورت ەتۋ رۇقساتناماسىن» الۋ قاجەت ءارى بەلگىلەنگەن وتكەل ارقىلى يمپورت ەتىپ، وتكەلدە تەكسەرۋدى قابىلداپ، كۋالىك بويىنشا كەدەنگە مالىمدەۋ رەسميەتىن ءبىتىرۋى كەرەك.

قاتىستى بەلگىلەمەلەرگە ساي، جاسىرۋ نەمەسە باسقا دا تاسىلدەرمەن كەدەننىڭ باقىلاۋىنان جالتارىپ، مەملەكەت شەكارادان كىرگىزۋگە نەمەسە شىعارۋعا تيىم سالىنعان نەمەسە شەكتەۋ سالىنعان بۇيىمداردى، نەمەسە زاڭ بويىنشا باجى تاپسىرۋعا ءتيىستى بۇيىمداردى شەكارادان كىرگىزۋ نەمەسە شىعارۋ اتكەزشىلىك ارەكەتىنە جاتادى، سيپاتى اۋىر بولىپ قىلمىس قالىپتاستىرعان جاعدايدا، قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى