جۇڭگونىڭ تۇڭعىش ۇشاقتاعى ەمحاناسى قىرعىزستاندا الەۋمەتتىك يگىلىك ساپارىن باستادى 

گازەتىمىزدىڭ 9 - ايدىڭ 6 - كۇنى بىشكەكتەن بەرگەن حابارى (ءتىلشى لي چياڭ). 9 - ايدىڭ 6 - كۇنى، جۇڭگونىڭ تۇڭعىش ۇشاقتاعى ەمحاناسى — ”بەس مۇشە ساۋلىعى C909 ۇشاقتاعى ەمحاناسىن“ جىلجىمالى تۇعىر ەتكەن ”نۇرلى جول“ ەمدەۋ توبىنىڭ الدىڭعى مەرزىمدىك مۇشەلەرى جۇڭگونىڭ شاڭحاي قالاسىنان اتتانىپ، قىرعىزستاننىڭ استاناسى بىشكەككە جەتىپ، 3 اپتالىق الەۋمەتتىك يگىلىك قيمىلىن ورىستەتۋدى باستادى.

”بەس مۇشە ساۋلىعى C909 ۇشاقتاعى ەمحاناسىن“ فۋدان داشۋەسىنە قاراستى كوز، قۇلاق، مۇرىن، جۇتقىنشاق ەمحاناسى مەن جۇڭگو ساۋدالىق ۇشاق شەكتى سەرىكتەستىگى بىرلەسىپ زەرتتەپ جاساعان، وتاندىق C909 ۇشاعىنا سۇيەنىپ، جۇڭگو دەربەس زەرتتەپ جاساعان زەردەلى ەمدەۋ اسپاپتارى ورنالاستىرىلعان، تەكسەرۋ، ەمدەۋ، وپەراتسيا جاساۋ، ساۋىقتىرۋدى قامتىعان تۇتاس تىزبەكتى جىلجىمالى ەمدەۋ تۇعىرىن قالىپتاستىرعان. بۇل ۇلگى وتاندىق ۇشاق، ەمدەۋ اسپاپتارى مەن ۇشاقتاعى وپەراتسيا بولمەسى، وزىق سيفرلى تەحنيكا قاتارلىلاردى ءبىرتۇتاس شەتەلگە اپارىپ، دامۋ ۇستىندەگى ەلدەردىڭ ارناۋلى ەمدەۋ بايلىعى كەمشىل بولۋ ماسەلەسىن شەشۋگە جۇڭگو جوباسىن ۇسىنىپ وتىر.

كەلۋ قاينارى: حالىق تورابى