حالىق ىستەرى مينيسترلىگى: ”مەملەكەتتى كوركەيتىپ، حالىقتى الاڭسىزداندىرۋ“ اتتى قارتتاردى كۇتىمدەۋ قوسىمشا قاراجاتى سيپاتىنداعى حالىققا تيىمدىلىك جاساۋ ينجەنەرياسى ۇيىمداستىرىلمادى 

شينحۋا اگەنتتىگىنىڭ 9 – ايدىڭ 14 – كۇنى بەيجيڭنەن بەرگەن حابارى (ءتىلشى جۋ گاۋشياڭ). حالىق ىستەرى مينيسترلىگى 9 – ايدىڭ 14 – كۇنى حاۋىپ – قاتەر جونىندە مىناداي ەسكەرتۋ جاريالادى: جۋىردان بەرى زاڭسىز ەلەمەنتتەر حالىق ىستەرى مينيسترلىگىنىڭ قىزمەتكەرلەرىنىڭ سالاۋاتىن جامىلىپ، ”مەملەكەتتى كوركەيتىپ، حالىقتى الاڭسىزداندىرۋ“ اتتى قارتتاردى كۇتىمدەۋ قوسىمشا قاراجاتى سيپاتىنداعى حالىققا تيىمدىلىك جاساۋ ينجەنەرياسى قاتارلى نىسانداردى ۇيىمداستىرۋ دەگەندى جەلەۋ ەتىپ، جۇرتشىلىقتى نىسانعا قارجى قوسۋ، قارجى قۇراۋدى باسقارۋ قاتارلى قيمىلدارعا قاتىناسۋعا ەلىكتىرىپ الدامكوستىك ىستەۋدە. حالىق ىستەرى مينيسترلىگى ”مەملەكەتتى كوركەيتىپ، حالىقتى الاڭسىزداندىرۋ“ اتتى قارتتاردى كۇتىمدەۋ قوسىمشا قاراجاتى سيپاتىنداعى حالىققا تيىمدىلىك جاساۋ ينجەنەرياسى قاتارلى نىسانداردى ۇيىمداستىرماعانىن، ءارى بۇل ءىستى قوعام حاۋىپسىزدىگى تاراۋلارىنا مالىمدەگەنىن، زاڭ جولىمەن قاتىستى جاۋاپكەرلەردىڭ زاڭدىق جاۋاپكەرشىلىگىن قاتاڭ قۋزاستىرىپ، جۇرتشىلىقتىڭ زاڭدى ۇقىق – مۇددەسىن باتىل قورعايتىنىن بىلدىرگەن.

حالىق ىستەرى مينيسترلىگى مىنانى ەسكەرتتى: ەگەر جۇرتشىلىق ءمالىم ورىننىڭ نەمەسە جەكەنىڭ حالىق ىستەرى مينيسترلىگى قىزمەتكەرلەرىنىڭ سالاۋاتىمەن نەمەسە حالىق ىستەرى مينيسترلىگى قارتتاردى كۇتىمدەۋ جاعىندا قىزمەت وتەۋ باسقارماسىنىڭ اتىمەن پايدا تاپقانىن، الدامكوستىك ىستەگەنىن بايقاسا، حالىق ىستەرى تاراۋلارىنا شاعىم ايتۋىنا، اشكەرەلەۋىنە بولادى. زيانعا ۇشىراعان جاعدايدا، دەر كەزىندە جەرگىلىكتى قوعام حاۋىپسىزدىگى تاراۋلارىنا دەلونىڭ دەرەگىن مالىمدەۋ قاجەت.

كەلۋ قاينارى: حالىق تورابى