شينجياڭ اسكەري مىندەتتەن شەگىنگەن قيىنشىلىعى بار اسكەريلەردىڭ پەرزەنتتەرىنە وقۋعا كومەكتەسۋ ارناۋلى قاراجاتىن تاراتتى 

گازەتىمىزدىڭ 9 - ايدىڭ 13 - كۇنى ۇرىمجىدەن بەرگەن حابارى (ءتىلشى شاڭ رۇڭجىڭ) شينجياڭ ۇيعۇر اۆتونوميالى رايونى اسكەري مىندەتتەن شەگىنگەن اسكەريلەر ىستەرى مەڭگەرمەسى تاياۋدا 2026 – جىلعى ”ساقا اسكەرلەرگە مەيىر باعىشتاپ، پەرزەنتتەرىنىڭ وقۋىنا كومەكتەسۋ“ اتتى الەۋمەتتىك يگىلىك قيمىلىن ورىستەتىپ، اسكەري مىندەتتەن شەگىنگەن قيىنشىلىعى بار اسكەريلەردەن 30 ادامنىڭ پەرزەنتتەرى وقۋعا كومەكتەسۋ ارناۋلى قاراجاتىنا يە بولدى. قيمىلدىڭ الدىڭعى مەزگىلىندە، اسكەري مىندەتتەن شەگىنگەن اسكەريلەر ىستەرى تاراۋلارى جاپپاي دالمە – ءدال تەكسەرىپ، ساتىلاپ قاتاڭ تەكسەرۋدەن وتكىزىپ، نىساننىڭ قارجىلاي كومەك بەرۋ كولەمى مەن شارتىن قاتاڭ ولشەم ەتىپ، ەڭ سوڭىندا قيىنشىلىعى بار اسكەري مىندەتتەن شەگىنگەن اسكەريلەردەن 30 ادامنىڭ پەرزەنتىن قارجىلاي كومەك بەرۋ وبيەكتىسى ەتىپ بەكىتتى، ورتا مەكتەپ وقۋ – اعارتۋى كەزەڭىندەگى (ورتا دارەجەلى كاسىپتىك وقۋ – اعارتۋدى قامتيدى) وقۋشىلارعا 3000 يۋان، جاي جوعارى وقۋ – اعارتۋ كەزەڭىندەگى وقۋشىلارعا 5000 يۋان كومەك قاراجاتتى ءبىر جولدا تاراتتى. ”ساقا اسكەرلەرگە مەيىر باعىشتاپ، پەرزەنتتەرىنىڭ وقۋىنا كومەكتەسۋ“ اتتى الەۋمەتتىك يگىلىك قيمىلى بارىسىندا اسكەري مىندەتتەن شەگىنگەن قيىنشىلىعى بار اسكەريلەردىڭ پەرزەنتتەرىنەن جيىنى 200 دەن استام وقۋشىعا قارجىلاي كومەك بەردى.

كەلۋ قاينارى: حالىق تورابى