بالالار ورىندىعىنىڭ ەلەكتروندىق يقۋاتىن اناعۇرلىم ولشەمدەندىرۋ جونىندەگى مەملەكەتتىك وسى ولشەم 10 – ايدان باستاپ اتقارىلادى 

ورتالىق تەلەۆيزيا تورابىنىڭ حابارى: بازاردى باقىلاۋ – باسقارۋ باس مەڭگەرمەسىنىڭ حابارىنا قاراعاندا، 10 – ايدىڭ 1 – كۇنىنەن باستاپ، «موتورلى كولىكتەگى بالالارعا ارنالعان شەكتەۋ جۇيەسىنىڭ ەلەكتروندىق يقۋاتىنىڭ تەحنيكالىق ولشەمى» اتتى مەملەكەتتىك ولشەم اتقارىلادى.

بۇل ەلەكتروندىق يقۋاتقا يە بالالار ورىندىعىنا ارنالعان العاش رەتكى مەملەكەتتىك ولشەم بولىپ، ونىمدەردى تۇرگە ءبولۋ، تەحنيكالىق تالاپتار، سىناۋ ءادىسى، بەلگىسى جانە تۇسىندىرمە حۇجاتتارى قاتارلى تەحنيكالىق مازمۇندار بەلگىلەنگەن.

وزەكتى نەگىزدىك يقۋاتى جاعىندا، ەلەكتر مولشەرىنىڭ تومەندەگەنىن ەسكەرتۋ، قىسىپ قالۋدان ساقتانۋ، بالالاردى شەكتەۋ كۇيىن تەكسەرۋ، ورناتۋ ەسكەرتۋى، دىبىس شىعارۋ قۇرىلعىسىنىڭ دىبىسى قاتارلى ماڭىزدى يقۋاتتارىنا قويىلاتىن تالاپتار قامتىلادى، حابارلاسۋ جانە ءوزارا ىقپالداستىق، ساندى مالىمەتتەردى جەتكىزۋ، بالانى قالدىرىپ كەتۋدەن ساقتاندىرۋ قاتارلى يقۋاتتار جونىندە قاتاڭ بەلگىلەمە جاسالعان.

حاۋىپسىزدىكتى قورعاۋ جاعىندا، باتەريانى قاتە ورناتۋدان ساقتانۋ، ەلەكتروندىق بولشەكتەردىڭ بۇلىنۋىنەن جانە زاقىمدالۋىنان ساقتانۋ قاتارلى تالاپتار ەگجەي – تەگجەيلى بەلگىلەنىپ، تۇتاس تىزبەكتىك ەلەكترلىك كورسەتكىشتەر ولشەمدەندىرىلىپ، ەلەكترلىك حاۋىپسىزدىك قامتاماسىزداندىرىلعان.

مەحانيكالىق جانە سەنىمدىلىك جاعىندا، تەڭسەلۋ، قۇلاۋ قاتارلى جاعدايلارداعى مەحانيكالىق توزىمدىلىك ولشەمدەرى، سونداي – اق ايىرىپ - قوسقىشتىڭ، اينالمالى بولشەكتەردىڭ، جالعاعىشتارىنىڭ سەنىمدىلىك كورسەتكىشتىگى ايقىندالعان.

وسى ولشەمنىڭ اتقارىلۋى بالالار ورىندىعى ونىمدەرىنىڭ ەلەكتروندىق يقۋاتىنىڭ سەنىمدىلىگىن، حاۋىپسىزدىگىن اناعۇرلىم ارناعا ءتۇسىرىپ، جاڭا ونىمدەر مەن جاڭا تەحنولوگيالاردىڭ دامۋىنا تەحنيكالىق تىرەك ازىرلەپ، تۇتىنۋشىلاردى ولشەمگە ۇيلەسەتىن تاڭداۋلى ونىمدەردى ساتىپ الۋدا پايدالاناتىن نەگىزبەن قامداپ، بالالاردىڭ ساپارداعى حاۋىپسىزدىگىن شىنايى قورعايدى.

كەلۋ قاينارى: حالىق تورابى